UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9465
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tacchrutvā vividhaṃ tasya rājarṣeḥ paridevitam / (1.2)
Par.?
punar navīkṛtaḥ śoko gāndhāryā janamejaya // (1.3)
Par.?
kuntyā drupadaputryāśca subhadrāyāstathaiva ca / (2.1)
Par.?
tāsāṃ ca varanārīṇāṃ vadhūnāṃ kauravasya ha // (2.2)
Par.?
putraśokasamāviṣṭā gāndhārī tvidam abravīt / (3.1)
Par.?
śvaśuraṃ baddhanayanā devī prāñjalir utthitā // (3.2)
Par.?
ṣoḍaśemāni varṣāṇi gatāni munipuṃgava / (4.1)
Par.?
asya rājño hatān putrāñśocato na śamo vibho // (4.2)
Par.?
putraśokasamāviṣṭo niḥśvasan hyeṣa bhūmipaḥ / (5.1)
Par.?
na śete vasatīḥ sarvā dhṛtarāṣṭro mahāmune // (5.2)
Par.?
lokān anyān samartho 'si sraṣṭuṃ sarvāṃstapobalāt / (6.1)
Par.?
kimu lokāntaragatān rājño darśayituṃ sutān // (6.2) Par.?
iyaṃ ca draupadī kṛṣṇā hatajñātisutā bhṛśam / (7.1)
Par.?
śocatyatīva sādhvī te snuṣāṇāṃ dayitā snuṣā // (7.2)
Par.?
tathā kṛṣṇasya bhaginī subhadrā bhadrabhāṣiṇī / (8.1)
Par.?
saubhadravadhasaṃtaptā bhṛśaṃ śocati bhāminī // (8.2)
Par.?
iyaṃ ca bhūriśravaso bhāryā paramaduḥkhitā / (9.1)
Par.?
bhartṛvyasanaśokārtā na śete vasatīḥ prabho // (9.2)
Par.?
yasyāstu śvaśuro dhīmān bāhlīkaḥ sa kurūdvahaḥ / (10.1)
Par.?
nihataḥ somadattaśca pitrā saha mahāraṇe // (10.2)
Par.?
śrīmaccāsya mahābuddheḥ saṃgrāmeṣvapalāyinaḥ / (11.1)
Par.?
putrasya te putraśataṃ nihataṃ yad raṇājire // (11.2)
Par.?
tasya bhāryāśatam idaṃ putraśokasamāhatam / (12.1)
Par.?
punaḥ punar vardhayānaṃ śokaṃ rājño mamaiva ca / (12.2)
Par.?
tenārambheṇa mahatā mām upāste mahāmune // (12.3)
Par.?
ye ca śūrā mahātmānaḥ śvaśurā me mahārathāḥ / (13.1)
Par.?
somadattaprabhṛtayaḥ kā nu teṣāṃ gatiḥ prabho // (13.2)
Par.?
tava prasādād bhagavan viśoko 'yaṃ mahīpatiḥ / (14.1)
Par.?
kuryāt kālam ahaṃ caiva kuntī ceyaṃ vadhūstava // (14.2)
Par.?
ityuktavatyāṃ gāndhāryāṃ kuntī vratakṛśānanā / (15.1)
Par.?
pracchannajātaṃ putraṃ taṃ sasmārādityasaṃbhavam // (15.2)
Par.?
tām ṛṣir varado vyāso dūraśravaṇadarśanaḥ / (16.1)
Par.?
apaśyad duḥkhitāṃ devīṃ mātaraṃ savyasācinaḥ // (16.2)
Par.?
tām uvāca tato vyāso yat te kāryaṃ vivakṣitam / (17.1)
Par.?
tad brūhi tvaṃ mahāprājñe yat te manasi vartate // (17.2)
Par.?
tataḥ kuntī śvaśurayoḥ praṇamya śirasā tadā / (18.1)
Par.?
uvāca vākyaṃ savrīḍaṃ vivṛṇvānā purātanam // (18.2)
Par.?
Duration=0.060588836669922 secs.