Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9474

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

tataste bharataśreṣṭhāḥ samājagmuḥ parasparam / (1.2) Par.?

vigatakrodhamātsaryāḥ sarve vigatakalmaṣāḥ // (1.3) Par.?

vidhiṃ paramam āsthāya brahmarṣivihitaṃ śubham / (2.1) Par.?

saṃprītamanasaḥ sarve devaloka ivāmarāḥ // (2.2) Par.?

putraḥ pitrā ca mātrā ca bhāryā ca patinā saha / (3.1) Par.?

bhrātā bhrātrā sakhā caiva sakhyā rājan samāgatāḥ // (3.2) Par.?

pāṇḍavāstu maheṣvāsaṃ karṇaṃ saubhadram eva ca / (4.1) Par.?

saṃpraharṣāt samājagmur draupadeyāṃśca sarvaśaḥ // (4.2) Par.?

tataste prīyamāṇā vai karṇena saha pāṇḍavāḥ / (5.1) Par.?

sametya pṛthivīpālāḥ sauhṛde 'vasthitābhavan // (5.2) Par.?

ṛṣiprasādāt te 'nye ca kṣatriyā naṣṭamanyavaḥ / (6.1) Par.?

asauhṛdaṃ parityajya sauhṛde paryavasthitāḥ // (6.2) Par.?

evaṃ samāgatāḥ sarve gurubhir bāndhavaistathā / (7.1) Par.?

putraiśca puruṣavyāghrāḥ kuravo 'nye ca mānavāḥ // (7.2) Par.?

tāṃ rātrim ekāṃ kṛtsnāṃ te vihṛtya prītamānasāḥ / (8.1) Par.?

menire paritoṣeṇa nṛpāḥ svargasado yathā // (8.2) Par.?

nātra śoko bhayaṃ trāso nāratir nāyaśo 'bhavat / (9.1) Par.?

parasparaṃ samāgamya yodhānāṃ bharatarṣabha // (9.2) Par.?

samāgatāstāḥ pitṛbhir bhrātṛbhiḥ patibhiḥ sutaiḥ / (10.1) Par.?

mudaṃ paramikāṃ prāpya nāryo duḥkham athātyajan // (10.2) Par.?

ekāṃ rātriṃ vihṛtyaivaṃ te vīrāstāśca yoṣitaḥ / (11.1) Par.?

āmantryānyonyam āśliṣya tato jagmur yathāgatam // (11.2) Par.?

tato visarjayāmāsa lokāṃstānmunipuṃgavaḥ / (12.1) Par.?

kṣaṇenāntarhitāścaiva prekṣatām eva te 'bhavan // (12.2) Par.?

avagāhya mahātmānaḥ puṇyāṃ tripathagāṃ nadīm / (13.1) Par.?

sarathāḥ sadhvajāścaiva svāni sthānāni bhejire // (13.2) Par.?

devalokaṃ yayuḥ kecit kecid brahmasadastathā / (14.1) Par.?

kecicca vāruṇaṃ lokaṃ kecit kauberam āpnuvan // (14.2) Par.?

tathā vaivasvataṃ lokaṃ keciccaivāpnuvannṛpāḥ / (15.1) Par.?

rākṣasānāṃ piśācānāṃ keciccāpyuttarān kurūn // (15.2) Par.?

vicitragatayaḥ sarve yā avāpyāmaraiḥ saha / (16.1) Par.?

ājagmuste mahātmānaḥ savāhāḥ sapadānugāḥ // (16.2) Par.?

gateṣu teṣu sarveṣu salilastho mahāmuniḥ / (17.1) Par.?

dharmaśīlo mahātejāḥ kurūṇāṃ hitakṛt sadā / (17.2) Par.?

tataḥ provāca tāḥ sarvāḥ kṣatriyā nihateśvarāḥ // (17.3) Par.?

yā yāḥ patikṛtāṃllokān icchanti paramastriyaḥ / (18.1) Par.?

tā jāhnavījalaṃ kṣipram avagāhantvatandritāḥ // (18.2) Par.?

tatastasya vacaḥ śrutvā śraddadhānā varāṅganāḥ / (19.1) Par.?

śvaśuraṃ samanujñāpya viviśur jāhnavījalam // (19.2) Par.?

vimuktā mānuṣair dehaistatastā bhartṛbhiḥ saha / (20.1) Par.?

samājagmustadā sādhvyaḥ sarvā eva viśāṃ pate // (20.2) Par.?

evaṃ krameṇa sarvāstāḥ śīlavatyaḥ kulastriyaḥ / (21.1) Par.?

praviśya toyaṃ nirmuktā jagmur bhartṛsalokatām // (21.2) Par.?

divyarūpasamāyuktā divyābharaṇabhūṣitāḥ / (22.1) Par.?

divyamālyāmbaradharā yathāsāṃ patayastathā // (22.2) Par.?

tāḥ śīlasattvasampannā vitamaskā gataklamāḥ / (23.1) Par.?

sarvāḥ sarvaguṇair yuktāḥ svaṃ svaṃ sthānaṃ prapedire // (23.2) Par.?

yasya yasya ca yaḥ kāmastasmin kāle 'bhavat tadā / (24.1) Par.?

taṃ taṃ visṛṣṭavān vyāso varado dharmavatsalaḥ // (24.2) Par.?

tacchrutvā naradevānāṃ punarāgamanaṃ narāḥ / (25.1) Par.?

jahṛṣur muditāścāsann anyadehagatā api // (25.2) Par.?

priyaiḥ samāgamaṃ teṣāṃ ya imaṃ śṛṇuyānnaraḥ / (26.1) Par.?

priyāṇi labhate nityam iha ca pretya caiva ha // (26.2) Par.?

iṣṭabāndhavasaṃyogam anāyāsam anāmayam / (27.1) Par.?

ya imaṃ śrāvayed vidvān saṃsiddhiṃ prāpnuyāt parām // (27.2) Par.?

svādhyāyayuktāḥ puruṣāḥ kriyāyuktāśca bhārata / (28.1) Par.?

adhyātmayogayuktāśca dhṛtimantaśca mānavāḥ / (28.2) Par.?

śrutvā parva tvidaṃ nityam avāpsyanti parāṃ gatim // (28.3) Par.?

Duration=0.11916708946228 secs.