UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9679
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tataste niyatātmāna udīcīṃ diśam āsthitāḥ / (1.2)
Par.?
dadṛśur yogayuktāśca himavantaṃ mahāgirim // (1.3)
Par.?
taṃ cāpyatikramantaste dadṛśur vālukārṇavam / (2.1)
Par.?
avaikṣanta mahāśailaṃ meruṃ śikhariṇāṃ varam // (2.2)
Par.?
teṣāṃ tu gacchatāṃ śīghraṃ sarveṣāṃ yogadharmiṇām / (3.1)
Par.?
yājñasenī bhraṣṭayogā nipapāta mahītale // (3.2)
Par.?
tāṃ tu prapatitāṃ dṛṣṭvā bhīmaseno mahābalaḥ / (4.1)
Par.?
uvāca dharmarājānaṃ yājñasenīm avekṣya ha // (4.2)
Par.?
nādharmaścaritaḥ kaścid rājaputryā paraṃtapa / (5.1)
Par.?
kāraṇaṃ kiṃ nu tad rājan yat kṛṣṇā patitā bhuvi // (5.2)
Par.?
yudhiṣṭhira uvāca / (6.1)
Par.?
pakṣapāto mahān asyā viśeṣeṇa dhanaṃjaye / (6.2)
Par.?
tasyaitat phalam adyaiṣā bhuṅkte puruṣasattama // (6.3)
Par.?
vaiśaṃpāyana uvāca / (7.1)
Par.?
evam uktvānavekṣyaināṃ yayau dharmasuto nṛpaḥ / (7.2)
Par.?
samādhāya mano dhīmān dharmātmā puruṣarṣabhaḥ // (7.3)
Par.?
sahadevastato dhīmānnipapāta mahītale / (8.1)
Par.?
taṃ cāpi patitaṃ dṛṣṭvā bhīmo rājānam abravīt // (8.2)
Par.?
yo 'yam asmāsu sarveṣu śuśrūṣur anahaṃkṛtaḥ / (9.1)
Par.?
so 'yaṃ mādravatīputraḥ kasmānnipatito bhuvi // (9.2)
Par.?
yudhiṣṭhira uvāca / (10.1)
Par.?
ātmanaḥ sadṛśaṃ prājñaṃ naiṣo 'manyata kaṃcana / (10.2)
Par.?
tena doṣeṇa patitastasmād eṣa nṛpātmajaḥ // (10.3)
Par.?
vaiśaṃpāyana uvāca / (11.1)
Par.?
ityuktvā tu samutsṛjya sahadevaṃ yayau tadā / (11.2)
Par.?
bhrātṛbhiḥ saha kaunteyaḥ śunā caiva yudhiṣṭhiraḥ // (11.3)
Par.?
kṛṣṇāṃ nipatitāṃ dṛṣṭvā sahadevaṃ ca pāṇḍavam / (12.1)
Par.?
ārto bandhupriyaḥ śūro nakulo nipapāta ha // (12.2)
Par.?
tasminnipatite vīre nakule cārudarśane / (13.1)
Par.?
punar eva tadā bhīmo rājānam idam abravīt // (13.2)
Par.?
yo 'yam akṣatadharmātmā bhrātā vacanakārakaḥ / (14.1)
Par.?
rūpeṇāpratimo loke nakulaḥ patito bhuvi // (14.2)
Par.?
ityukto bhīmasenena pratyuvāca yudhiṣṭhiraḥ / (15.1)
Par.?
nakulaṃ prati dharmātmā sarvabuddhimatāṃ varaḥ // (15.2)
Par.?
rūpeṇa matsamo nāsti kaścid ityasya darśanam / (16.1)
Par.?
adhikaścāham evaika ityasya manasi sthitam // (16.2)
Par.?
nakulaḥ patitastasmād āgaccha tvaṃ vṛkodara / (17.1)
Par.?
yasya yad vihitaṃ vīra so 'vaśyaṃ tad upāśnute // (17.2)
Par.?
tāṃstu prapatitān dṛṣṭvā pāṇḍavaḥ śvetavāhanaḥ / (18.1)
Par.?
papāta śokasaṃtaptastato 'nu paravīrahā // (18.2)
Par.?
tasmiṃstu puruṣavyāghre patite śakratejasi / (19.1)
Par.?
mriyamāṇe durādharṣe bhīmo rājānam abravīt // (19.2)
Par.?
anṛtaṃ na smarāmyasya svaireṣvapi mahātmanaḥ / (20.1)
Par.?
atha kasya vikāro 'yaṃ yenāyaṃ patito bhuvi // (20.2)
Par.?
yudhiṣṭhira uvāca / (21.1)
Par.?
ekāhnā nirdaheyaṃ vai śatrūn ityarjuno 'bravīt / (21.2)
Par.?
na ca tat kṛtavān eṣa śūramānī tato 'patat // (21.3)
Par.?
avamene dhanurgrāhān eṣa sarvāṃśca phalgunaḥ / (22.1)
Par.?
yathā coktaṃ tathā caiva kartavyaṃ bhūtim icchatā // (22.2)
Par.?
vaiśaṃpāyana uvāca / (23.1)
Par.?
ityuktvā prasthito rājā bhīmo 'tha nipapāta ha / (23.2)
Par.?
patitaścābravīd bhīmo dharmarājaṃ yudhiṣṭhiram // (23.3)
Par.?
bho bho rājann avekṣasva patito 'haṃ priyastava / (24.1)
Par.?
kiṃnimittaṃ ca patanaṃ brūhi me yadi vettha ha // (24.2)
Par.?
yudhiṣṭhira uvāca / (25.1)
Par.?
atibhuktaṃ ca bhavatā prāṇena ca vikatthase / (25.2) Par.?
anavekṣya paraṃ pārtha tenāsi patitaḥ kṣitau // (25.3)
Par.?
vaiśaṃpāyana uvāca / (26.1)
Par.?
ityuktvā taṃ mahābāhur jagāmānavalokayan / (26.2)
Par.?
śvā tveko 'nuyayau yaste bahuśaḥ kīrtito mayā // (26.3)
Par.?
Duration=0.096795082092285 secs.