UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9685
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1) Par.?
tato yudhiṣṭhiro rājā devaiḥ sarṣimarudgaṇaiḥ / (1.2)
Par.?
pūjyamāno yayau tatra yatra te kurupuṃgavāḥ // (1.3)
Par.?
dadarśa tatra govindaṃ brāhmeṇa vapuṣānvitam / (2.1)
Par.?
tenaiva dṛṣṭapūrveṇa sādṛśyenopasūcitam // (2.2)
Par.?
dīpyamānaṃ svavapuṣā divyair astrair upasthitam / (3.1)
Par.?
cakraprabhṛtibhir ghorair divyaiḥ puruṣavigrahaiḥ / (3.2)
Par.?
upāsyamānaṃ vīreṇa phalgunena suvarcasā // (3.3)
Par.?
aparasminn athoddeśe karṇaṃ śastrabhṛtāṃ varam / (4.1)
Par.?
dvādaśādityasahitaṃ dadarśa kurunandanaḥ // (4.2)
Par.?
athāparasminn uddeśe marudgaṇavṛtaṃ prabhum / (5.1)
Par.?
bhīmasenam athāpaśyat tenaiva vapuṣānvitam // (5.2)
Par.?
aśvinostu tathā sthāne dīpyamānau svatejasā / (6.1)
Par.?
nakulaṃ sahadevaṃ ca dadarśa kurunandanaḥ // (6.2)
Par.?
tathā dadarśa pāñcālīṃ kamalotpalamālinīm / (7.1)
Par.?
vapuṣā svargam ākramya tiṣṭhantīm arkavarcasam // (7.2)
Par.?
athaināṃ sahasā rājā praṣṭum aicchad yudhiṣṭhiraḥ / (8.1)
Par.?
tato 'sya bhagavān indraḥ kathayāmāsa devarāṭ // (8.2)
Par.?
śrīr eṣā draupadīrūpā tvadarthe mānuṣaṃ gatā / (9.1)
Par.?
ayonijā lokakāntā puṇyagandhā yudhiṣṭhira // (9.2)
Par.?
drupadasya kule jātā bhavadbhiścopajīvitā / (10.1)
Par.?
ratyarthaṃ bhavatāṃ hyeṣā nirmitā śūlapāṇinā // (10.2)
Par.?
ete pañca mahābhāgā gandharvāḥ pāvakaprabhāḥ / (11.1)
Par.?
draupadyāstanayā rājan yuṣmākam amitaujasaḥ // (11.2)
Par.?
paśya gandharvarājānaṃ dhṛtarāṣṭraṃ manīṣiṇam / (12.1)
Par.?
enaṃ ca tvaṃ vijānīhi bhrātaraṃ pūrvajaṃ pituḥ // (12.2)
Par.?
ayaṃ te pūrvajo bhrātā kaunteyaḥ pāvakadyutiḥ / (13.1)
Par.?
sūryaputro 'grajaḥ śreṣṭho rādheya iti viśrutaḥ / (13.2)
Par.?
ādityasahito yāti paśyainaṃ puruṣarṣabha // (13.3)
Par.?
sādhyānām atha devānāṃ vasūnāṃ marutām api / (14.1)
Par.?
gaṇeṣu paśya rājendra vṛṣṇyandhakamahārathān / (14.2)
Par.?
sātyakipramukhān vīrān bhojāṃścaiva mahārathān // (14.3)
Par.?
somena sahitaṃ paśya saubhadram aparājitam / (15.1)
Par.?
abhimanyuṃ maheṣvāsaṃ niśākarasamadyutim // (15.2)
Par.?
eṣa pāṇḍur maheṣvāsaḥ kuntyā mādryā ca saṃgataḥ / (16.1)
Par.?
vimānena sadābhyeti pitā tava mamāntikam // (16.2)
Par.?
vasubhiḥ sahitaṃ paśya bhīṣmaṃ śāṃtanavaṃ nṛpam / (17.1)
Par.?
droṇaṃ bṛhaspateḥ pārśve gurum enaṃ niśāmaya // (17.2)
Par.?
ete cānye mahīpālā yodhāstava ca pāṇḍava / (18.1)
Par.?
gandharvaiḥ sahitā yānti yakṣaiḥ puṇyajanaistathā // (18.2)
Par.?
guhyakānāṃ gatiṃ cāpi kecit prāptā nṛsattamāḥ / (19.1)
Par.?
tyaktvā dehaṃ jitasvargāḥ puṇyavāgbuddhikarmabhiḥ // (19.2)
Par.?
Duration=0.073932886123657 secs.