Texts

vidhānāntaramāha yavetyādi // (1) Par.?

punarabhrakaṃ yavaciñcikāmbupuṭitaṃ kāryaṃ yavaciñcikā pratītā yavaciñciketi loke tasyā ambudravaḥ tena puṭitam ātapayogena bhāvitam // (2) Par.?

punastanmūlaśatāvarīgadākulitaṃ kāryaṃ tasyā yavaciñcikāyā mūlaṃ tanmūlaṃ śatāvarī śatapād gadaḥ kuṣṭhaḥ etair ākulaṃ vyāptaṃ pariplutam // (3) Par.?

yadā sarasauṣadhābhāvas tadāyaṃ vidhiḥ yathā / (4.1) Par.?

śuṣkadravyam upādāya svarasānām asaṃbhave / (4.2) Par.?

vāriṇyaṣṭaguṇe sādhyaṃ grāhyaṃ pādāvaśeṣitam // (4.3) Par.?

iti // (5) Par.?

punar ghanaravaśigrupunarnavarasabhāvitaṃ kāryaṃ ghanaravas taṇḍulīyakaḥ śigru saubhāñjanaṃ suhijanā iti loke punarnavā varṣābhūḥ pratītā eteṣāṃ rasena bhāvitaṃ pariplutam ātapayogena śoṣyam ityarthaḥ // (6) Par.?

evaṃvidham abhraṃ rasaś carati // (7) Par.?

nirmukhena bhāvanāśabdena śatavāraṃ jñātavyaṃ granthāntarasāmyāt // (8) Par.?

atra viśeṣaḥ // (9) Par.?

somavallīrase piṣṭvā dāpayecca puṭatrayam / (10.1) Par.?

somavallīrasenaiva sapta vārāṃśca bhāvayet // (10.2) Par.?

dāpayenmṛnmaye bhāṇḍe rasena saṃyutam / (11.1) Par.?

mūlaṃ tu śarapuṅkhāyā gavyakṣīreṇa gharṣayet / (11.2) Par.?

kalkena melayet sūtaṃ gaganaṃ tadadhaūrdhvagam // (11.3) Par.?

sthāpayedravitāpe tu nirmukho grasate kṣaṇāt / (12.1) Par.?

jāyate piṣṭikā śīghraṃ nātra kāryā vicāraṇā // (12.2) Par.?

iti // (13) Par.?

anyacca / (14.1) Par.?

tilaparṇīrasaṃ nītvā gaganaṃ tena bhāvayet / (14.2) Par.?

mardanājjāyate piṣṭī nātra kāryā vicāraṇā // (14.3) Par.?

iti // (15) Par.?

anyacca / (16.1) Par.?

muṇḍīniryāsake nāgaṃ bahuśastu niṣecayet / (16.2) Par.?

tenābhrakaṃ tu saṃyojya bhūyo bhūyaḥ paṭe dahet // (16.3) Par.?

citrakārdrakamūlānām ekaikena tu saptadhā / (17.1) Par.?

plāvitavyaṃ prayatnena gandhakābhrakacūrṇakam // (17.2) Par.?

nāgamuṇḍīrasākṣiptaṃ rasaluṅgāmlabhāvitam / (18.1) Par.?

ṣoḍaśāṃśena dātavyaṃ dolāyantre caredrasaḥ // (18.2) Par.?

iti nirmukhacāraṇam // (19) Par.?