Texts

śrīdevī uvāca / (1.1) Par.?

kākīcañcuṃ mahāmudrāṃ kathayasva dayānidhe / (1.2) Par.?

yena rūpeṇa deveśa dehāsanaparo bhavet // (1.3) Par.?

śrīśiva uvāca / (2.1) Par.?

anākulena deveśi jihvāṃ paramayatnataḥ / (2.2) Par.?

tālumūle nyaset paścāt tato vāyuṃ pibet śanaiḥ // (2.3) Par.?

dantairdantān samāpīḍya kākīcañcuṃ samabhyaset / (3.1) Par.?

bahuyonyuktavidhinā sarvakarmāṇi sādhayet // (3.2) Par.?

athātaḥ sampravakṣyāmi svalpayoniṃ śṛṇu priye / (4.1) Par.?

gudachidre dakṣagulphaṃ saṃdhau liṅgaṃ vinikṣipet // (4.2) Par.?

nābhirandhre'thavā gulphaṃ dhārayed vāmahastake / (5.1) Par.?

bahuyonyuktavidhinā cānyat sarvaṃ samāpayet // (5.2) Par.?

mudrā caitanyatantre ca māhātmyaṃ kathitaṃ mayā / (6.1) Par.?

yathā hemagirirdevi yathā vegavatī nadī // (6.2) Par.?

candrādikaṃ yathā devi cirajīvī tathā bhavet / (7.1) Par.?

śrīdevī uvāca / (7.2) Par.?

daśāvatāraṃ deveśa brūhi me jagatāṃ guro // (7.3) Par.?

idānīṃ śrotumicchāmi kathayasva suvistarāt / (8.1) Par.?

kā vā devī kathaṃbhūtā vada me parameśvara // (8.2) Par.?

śrīśiva uvāca / (9.1) Par.?

tārā devī nīlarūpā vagalā kūrmamūrtikā / (9.2) Par.?

dhūmāvatī varāhaṃ syāt chinnamastā nṛsiṃhikā // (9.3) Par.?

bhuvaneśvarī vāmanaḥ syānmātaṃgī rāmamūrtikā / (10.1) Par.?

tripurā jāmadagnyaḥ syād balabhadrastu bhairavī // (10.2) Par.?

mahālakṣmīr bhavet buddho durgā syāt kalkirūpiṇī / (11.1) Par.?

svayaṃ bhagavatī kālī kṛṣṇamūrtiḥ samudbhavā // (11.2) Par.?

iti te kathitaṃ devyavatāraṃ daśamameva hi / (12.1) Par.?

etāsāṃ pūjanād devi mahādevasamo bhavet / (12.2) Par.?

āsāṃ dhyānādikaṃ sarvaṃ kathitaṃ me purā tava // (12.3) Par.?