UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2282
- Click on a sentence to show its analysis
- Keep the mouse pointer over a lemma to show its meanings.
śaunaka uvāca / (1.1)
Par.?
atha dīrgheṇa kālena devayānī nṛpottama / (1.2)
Par.?
vanaṃ tadaiva niryātā krīḍārthaṃ varavarṇinī // (1.3)
Par.?
tena dāsīsahasreṇa sārdhaṃ śarmiṣṭhayā tadā / (2.1)
Par.?
tameva deśaṃ samprāptā yathākāmaṃ cacāra sā // (2.2)
Par.?
tābhiḥ sakhībhiḥ sahitā sarvābhirmuditā bhṛśam / (3.1)
Par.?
krīḍantyo'bhiratāḥ sarvāḥ pibantyo madhu mādhavam // (3.2)
Par.?
khādantyo vividhānbhakṣyānphalāni vividhāni ca / (4.1)
Par.?
punaśca nāhuṣo rājā mṛgalipsuryadṛcchayā // (4.2)
Par.?
tameva deśaṃ samprāpto jalalipsuḥ pratarṣitaḥ / (5.1)
Par.?
dadarśa devayānīṃ ca śarmiṣṭhāṃ tāśca yoṣitaḥ // (5.2)
Par.?
pibantyo lalanāstāśca divyābharaṇabhūṣitāḥ / (6.1)
Par.?
upaviṣṭāṃ ca dadṛśe devayānīṃ śucismitām // (6.2)
Par.?
rūpeṇāpratimāṃ tāsāṃ strīṇāṃ madhye varāṅganām / (7.1)
Par.?
śarmiṣṭhayā sevyamānāṃ pādasaṃvāhanādibhiḥ // (7.2)
Par.?
yayātiruvāca / (8.1)
Par.?
dvābhyāṃ kanyāsahasrābhyāṃ dve kanye parivārite / (8.2)
Par.?
gotre ca nāmanī caiva dvayoḥ pṛcchāmyato hy aham // (8.3)
Par.?
devayānyuvāca / (9.1)
Par.?
ākhyāsyāmyaham ādatsva vacanaṃ me narādhipa / (9.2)
Par.?
śuko nāmāsuraguruḥ sutāṃ jānīhi tasya mām // (9.3)
Par.?
iyaṃ ca me sakhī dāsī yatrāhaṃ tatra gāminī / (10.1)
Par.?
duhitā dānavendrasya śarmiṣṭhā vṛṣaparvaṇaḥ // (10.2)
Par.?
yayātiruvāca / (11.1)
Par.?
kathaṃ tu te sakhī dāsī kanyeyaṃ varavarṇinī / (11.2)
Par.?
asurendrasutā subhūḥ paraṃ kautūhalaṃ hi me // (11.3)
Par.?
devayānyuvāca / (12.1)
Par.?
sarvameva naravyāghra vidhānamanuvartate / (12.2)
Par.?
vidhinā vihitaṃ jñātvā mā vicitraṃ manaḥ kṛthāḥ // (12.3)
Par.?
rājavadrūpaveṣau te brāhmīṃ vācaṃ bibharṣi ca / (13.1)
Par.?
kiṃnāmā tvaṃ kutaścāsi kasya putraśca śaṃsa me // (13.2)
Par.?
yayātiruvāca / (14.1)
Par.?
brahmacaryeṇa vedo me kṛtsnaḥ śrutipathaṃ gataḥ / (14.2)
Par.?
rājāhaṃ rājaputraśca yayātiriti viśrutaḥ // (14.3)
Par.?
devayānyuvāca / (15.1)
Par.?
kena cārthena nṛpate hy enaṃ deśaṃ samāgataḥ / (15.2)
Par.?
jighṛkṣurvāri yatkiṃcidathavā mṛgalipsayā // (15.3)
Par.?
yayātiruvāca / (16.1)
Par.?
mṛgalipsurahaṃ bhadre pānīyārtham ihāgataḥ / (16.2)
Par.?
bahudhāpyanuyukto 'smi tvam anujñātumarhasi // (16.3)
Par.?
devayānyuvāca / (17.1)
Par.?
dvābhyāṃ kanyāsahasrābhyāṃ dāsyā śarmiṣṭhayā saha / (17.2)
Par.?
tvadadhīnāsmi bhadraṃ te sakhe bhartā ca me bhava // (17.3)
Par.?
yayātiruvāca / (18.1)
Par.?
viddhyauśanasi bhadraṃ te na tvadarho 'smi bhāmini / (18.2)
Par.?
avivāhyāḥ sma rājāno devayāni pitustava // (18.3)
Par.?
devayānyuvāca / (19.1)
Par.?
saṃsṛṣṭaṃ brahmaṇā kṣatraṃ kṣatraṃ brahmaṇi saṃśritam / (19.2)
Par.?
ṛṣiśca ṛṣiputraśca nāhuṣādya bhajasva mām // (19.3)
Par.?
yayātiruvāca / (20.1)
Par.?
ekadehodbhavā varṇāścatvāro'pi varānane / (20.2) Par.?
pṛthagdharmāḥ pṛthakchaucās teṣāṃ vai brāhmaṇo varaḥ // (20.3)
Par.?
devayānyuvāca / (21.1)
Par.?
pāṇigraho nāhuṣāyaṃ na puṃbhiḥ sevitaḥ purā / (21.2)
Par.?
tvaṃ pāṇimagrahīdagre vṛṇomi tvāmahaṃ tataḥ // (21.3)
Par.?
kathaṃ tu me manasvinyāḥ pāṇimanyaḥ pumānspṛśet / (22.1)
Par.?
gṛhītamṛṣiputreṇa svayaṃ vāpyṛṣiṇā tvayā // (22.2)
Par.?
yayātiruvāca / (23.1)
Par.?
kruddhādāśīviṣāt sarpājjvalanātsarvatomukhāt / (23.2)
Par.?
durādharṣataro vipraḥ puruṣeṇa vijānatā // (23.3)
Par.?
devayānyuvāca / (24.1)
Par.?
kathamāśīviṣāt sarpājjvalanāt sarvatomukhāt / (24.2)
Par.?
durādharṣataro vipra ityāttha puruṣarṣabha // (24.3)
Par.?
yayātiruvāca / (25.1)
Par.?
daśedāśīviṣastvekaṃ śastreṇaikaśca vadhyate / (25.2)
Par.?
hanti vipraḥ sarāṣṭrāṇi purāṇyapi hi kopitaḥ // (25.3)
Par.?
durādharṣataro viprastasmādbhīru mato mama / (26.1)
Par.?
ato'dattāṃ ca pitrā tvāṃ bhadre na vivahāmyaham // (26.2)
Par.?
devayānyuvāca / (27.1)
Par.?
dattāṃ vahasva pitrā māṃ tvaṃ hi rājanvṛto mayā / (27.2)
Par.?
ayācato bhayaṃ nāsti dattāṃ ca pratigṛhṇataḥ // (27.3)
Par.?
śaunaka uvāca / (28.1)
Par.?
tvaritaṃ devayānyātha preṣitā piturātmanaḥ / (28.2)
Par.?
sarvaṃ nivedayāmāsa dhātrī tasmai yathātatham // (28.3)
Par.?
śrutvaiva ca sa rājānaṃ darśayāmāsa bhārgavaḥ / (29.1)
Par.?
dṛṣṭvaivam āgataṃ vipraṃ yayātiḥ pṛthivīpatiḥ // (29.2)
Par.?
vavande brāhmaṇaṃ kāvyaṃ prāñjaliḥ praṇataḥ sthitaḥ / (30.1)
Par.?
taṃ cāpyabhyavadatkāvyaḥ sāmnā paramavalgunā // (30.2)
Par.?
devayānyuvāca / (31.1)
Par.?
rājāyaṃ nāhuṣastāta durgame pāṇimagrahīt / (31.2)
Par.?
namaste dehi māmasmai loke nānyaṃ patiṃ vṛṇe // (31.3)
Par.?
śukra uvāca / (32.1)
Par.?
vṛto'nayā patirvīra sutayā tvaṃ mameṣṭayā / (32.2)
Par.?
gṛhāṇemāṃ mayā dattāṃ mahiṣīṃ nahuṣātmaja // (32.3)
Par.?
yayātiruvāca / (33.1)
Par.?
adharmo māṃ spṛśedevaṃ pāpam asyāśca bhārgava / (33.2)
Par.?
varṇasaṃkarato brahmanniti tvāṃ pravṛṇomyaham // (33.3)
Par.?
śukra uvāca / (34.1)
Par.?
adharmāttvāṃ vimuñcāmi varaṃ varaya cepsitam / (34.2)
Par.?
asminvivāhe tvaṃ ślāghyo rahaḥ pāpaṃ nudāmi te // (34.3)
Par.?
vahasva bhāryāṃ dharmeṇa devayānīṃ śucismitām / (35.1)
Par.?
anayā saha samprītimatulāṃ samavāpnuhi // (35.2)
Par.?
iyaṃ cāpi kumārī te śarmiṣṭhā vārṣaparvaṇī / (36.1)
Par.?
saṃpūjyā satataṃ rājanna caināṃ śayane hvaya // (36.2)
Par.?
śaunaka uvāca / (37.1)
Par.?
evamukto yayātistu śukraṃ kṛtvā pradakṣiṇam / (37.2)
Par.?
jagāma svapuraṃ hṛṣṭaḥ so 'nujñāto mahātmanā // (37.3)
Par.?
Duration=0.21785402297974 secs.