UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2283
- Click on a sentence to show its analysis
- Keep the mouse pointer over a lemma to show its meanings.
śaunaka uvāca / (1.1)
Par.?
yayātiḥ svapuraṃ prāpya mahendrapurasaṃnibham / (1.2)
Par.?
praviśyāntaḥpuraṃ tatra devayānīṃ nyaveśayat // (1.3)
Par.?
devayānyāścānumate sutāṃ tāṃ vṛṣaparvaṇaḥ / (2.1)
Par.?
aśokavanikābhyāśe gṛhaṃ kṛtvā nyaveśayat // (2.2)
Par.?
vṛtāṃ dāsīsahasreṇa śarmiṣṭhām āsurāyaṇīm / (3.1)
Par.?
vāsobhirannapānaiśca saṃvibhajya susaṃvṛtām // (3.2)
Par.?
devayānyā tu sahitaḥ sa nṛpo nahuṣātmajaḥ / (4.1)
Par.?
vijahāra bahūnabdāndevavanmudito bhṛśam // (4.2)
Par.?
ṛtukāle tu samprāpte devayānī varāṅganā / (5.1)
Par.?
lebhe garbhaṃ prathamataḥ kumāraśca vyajāyata // (5.2)
Par.?
gate varṣasahasre tu śarmiṣṭhā vārṣaparvaṇī / (6.1) Par.?
dadarśa yauvanaṃ prāptā ṛtuṃ sā kamalekṣaṇā // (6.2)
Par.?
cintayāmāsa dharmajñā ṛtuprāptau ca bhāminī / (7.1)
Par.?
ṛtukālaśca samprāpto na kaścinme patirvṛtaḥ // (7.2)
Par.?
kiṃ prāptaṃ kiṃca kartavyaṃ kathaṃ kṛtvā sukhaṃ bhavet / (8.1)
Par.?
devayānī prasūtāsau vṛthāhaṃ prāptayauvanā // (8.2)
Par.?
yathā tayā vṛto bhartā tathaivāhaṃ vṛṇomi tam / (9.1)
Par.?
rājñā putraphalaṃ deyam iti me niścitā matiḥ / (9.2)
Par.?
apīdānīṃ sa dharmātmā raho me darśanaṃ vrajet // (9.3)
Par.?
śaunaka uvāca / (10.1)
Par.?
atha niṣkramya rājāsau tasminkāle yadṛcchayā / (10.2)
Par.?
aśokavanikābhyāśe śarmiṣṭhāṃ prāpya vismitaḥ // (10.3)
Par.?
tamekaṃ rahasi dṛṣṭvā śarmiṣṭhā cāruhāsinī / (11.1)
Par.?
pratyudgamyāñjaliṃ kṛtvā rājānaṃ vākyamabravīt // (11.2)
Par.?
śarmiṣṭhovāca / (12.1)
Par.?
somaścendraśca vāyuśca yamaśca varuṇaśca vā / (12.2)
Par.?
tava vā nāhuṣa gṛhe kaḥ striyaṃ draṣṭumarhati // (12.3)
Par.?
rūpābhijanaśīlairhi tvaṃ rājanvettha māṃ sadā / (13.1)
Par.?
sā tvāṃ yāce prasādyeha rantumehi narādhipa // (13.2)
Par.?
yayātiruvāca / (14.1)
Par.?
vedmi tvāṃ śīlasampannāṃ daityakanyāmaninditām / (14.2)
Par.?
rūpaṃ tu te na paśyāmi sūcyagramapi ninditam // (14.3)
Par.?
māmabravīttadā śukro devayānīṃ yadāvaham / (15.1)
Par.?
neyam āhvayitavyā te śayane vārṣaparvaṇī // (15.2)
Par.?
śarmiṣṭhovāca / (16.1)
Par.?
na narmayuktaṃ vacanaṃ hinasti na strīṣu rājan na vivāhakāle / (16.2)
Par.?
prāṇātyaye sarvadhanāpahāre pañcānṛtānyāhur apātakāni // (16.3)
Par.?
pṛṣṭāstu sākṣye pravadanti cānyathā bhavanti mithyāvacanā narendra te / (17.1)
Par.?
ekārthatāyāṃ tu samāhitāyāṃ mithyā vadantaṃ hy anṛtaṃ hinasti // (17.2)
Par.?
yayātiruvāca / (18.1)
Par.?
rājā pramāṇaṃ bhūtānāṃ sa vinaśyenmṛṣā vadan / (18.2)
Par.?
arthakṛcchramapi prāpya na mithyā kartumutsahe // (18.3)
Par.?
śarmiṣṭhovāca / (19.1)
Par.?
samāv etau matau rājanpatiḥ sakhyāśca yaḥ patiḥ / (19.2)
Par.?
samaṃ vivāha ityāhuḥ sakhyā me 'si patiryataḥ // (19.3)
Par.?
yayātiruvāca / (20.1)
Par.?
dātavyaṃ yācamānasya hīti me vratamāhitam / (20.2)
Par.?
tvaṃ ca yācasi kāmaṃ māṃ brūhi kiṃ karavāṇi tat // (20.3)
Par.?
śarmiṣṭhovāca / (21.1)
Par.?
adharmāttrāhi māṃ rājan dharmaṃ ca pratipādaya / (21.2)
Par.?
tvatto'patyavatī loke careyaṃ dharmamuttamam // (21.3)
Par.?
traya evādhanā rājan bhāryā dāsastathā sutaḥ / (22.1)
Par.?
yatte samadhigacchanti yasya te tasya taddhanam // (22.2)
Par.?
devayānyā bhujiṣyāsmi vaśyā ca tava bhārgavī / (23.1)
Par.?
sā cāhaṃ ca tvayā rājan bharaṇīyāṃ bhajasva mām // (23.2)
Par.?
śaunaka uvāca / (24.1)
Par.?
evamuktastayā rājā tathyam ityabhijajñivān / (24.2)
Par.?
pūjayāmāsa śarmiṣṭhāṃ dharmaṃ ca pratipādayan // (24.3)
Par.?
sa samāgamya śarmiṣṭhāṃ yathākāmamavāpya ca / (25.1)
Par.?
anyonyaṃ cābhisaṃpūjya jagmatustau yathāgatam // (25.2)
Par.?
tasminsamāgame subhrūḥ śarmiṣṭhā vārṣaparvaṇī / (26.1)
Par.?
lebhe garbhaṃ prathamatastasmānnṛpatisattamāt // (26.2)
Par.?
prajajñe ca tataḥ kāle rājñī rājīvalocanā / (27.1)
Par.?
kumāraṃ devagarbhābham ādityasamatejasam // (27.2)
Par.?
Duration=0.11109185218811 secs.