UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2299
- Click on a sentence to show its analysis
- Keep the mouse pointer over a lemma to show its meanings.
śaunaka uvāca / (1.1)
Par.?
svargatastu sa rājendro nyavasaddevasadmani / (1.2)
Par.?
pūjitastridaśaiḥ sādhyairmarudbhirvasubhistathā // (1.3)
Par.?
devalokād brahmalokaṃ saṃcaranpuṇyakṛdvaśī / (2.1)
Par.?
avasatpṛthivīpālo dīrghakālamiti śrutiḥ // (2.2)
Par.?
sa kadācinnṛpaśreṣṭho yayātiḥ śakramāgataḥ / (3.1)
Par.?
kathānte tatra śakreṇa pṛṣṭaḥ sa pṛthivīpatiḥ // (3.2)
Par.?
śakra uvāca / (4.1)
Par.?
yadā sa pūrustava rūpeṇa rājañjarāṃ gṛhītvā pracacāra loke / (4.2)
Par.?
tadā rājyaṃ sampradāyaiva tasmai tvayā kimuktaḥ kathayeha satyam // (4.3)
Par.?
yayātiruvāca / (5.1)
Par.?
prakṛtyanumate pūruṃ rājye kṛtvedamabruvam / (5.2)
Par.?
gaṅgāyamunayormadhye kṛtsno'yaṃ viṣayastava / (5.3)
Par.?
madhye pṛthivyāstvaṃ rājā bhrātaro'nte'dhipāstava // (5.4)
Par.?
akrodhanaḥ krodhanebhyo viśiṣṭastathā titikṣur atitikṣor viśiṣṭaḥ / (6.1)
Par.?
amānuṣebhyo mānuṣaśca pradhāno vidvāṃstathaivāviduṣaḥ pradhānaḥ // (6.2)
Par.?
ākruśyamāno nākrośenmanyumeva titikṣati / (7.1)
Par.?
ākroṣṭāraṃ nirdahati sukṛtaṃ cāsya vindati // (7.2)
Par.?
nāruntudaḥ syānna nṛśaṃsavādī na hīnataḥ param abhyādadīta / (8.1)
Par.?
yayāsya vācā para udvijeta na tāṃ vadedruśatīṃ pāpalaulyām // (8.2)
Par.?
aruntudaṃ puruṣaṃ tīvravācaṃ vākkaṇṭakair vitudantaṃ manuṣyān / (9.1)
Par.?
vidyād alakṣmīkatamaṃ janānāṃ mukhe nibaddhaṃ nirṛtiṃ vahantam // (9.2)
Par.?
sadbhiḥ purastādabhipūjitaḥ syātsadbhistathā pṛṣṭhato rakṣitaḥ syāt / (10.1)
Par.?
sadā satām ativādāṃstitikṣet satāṃ vṛttaṃ pālayansādhuvṛtaḥ // (10.2)
Par.?
vāksāyakā vadanānniṣpatanti yair āhataḥ śocati vā tryahāni / (11.1)
Par.?
parasya no marmasu te patanti tānpaṇḍito nāvasṛjetpareṣu // (11.2)
Par.?
nāstīdṛśaṃ saṃvananaṃ triṣu lokeṣu kiṃcana / (12.1) Par.?
yathā maitrī ca lokeṣu dānaṃ ca madhurā ca vāk / (12.2)
Par.?
tasmātsāntvaṃ sadā vācyaṃ na vācyaṃ paruṣaṃ kvacit / (12.3)
Par.?
pūjyānsampūjayed dadyānnābhiśāpaṃ kadācana // (12.4)
Par.?
Duration=0.10551595687866 secs.