UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2307
- Click on a sentence to show its analysis
- Keep the mouse pointer over a lemma to show its meanings.
yayātiruvāca / (1.1)
Par.?
ahaṃ yayātirnahuṣasya putraḥ pūroḥ pitā sarvabhūtāvamānāt / (1.2)
Par.?
prabhraṃśito'haṃ surasiddhalokātparicyutaḥ prapatāmyalpapuṇyaḥ // (1.3)
Par.?
ahaṃ hi pūrvo vayasā bhavadbhayastenābhivādaṃ bhavatāṃ na yuñje / (2.1)
Par.?
yo vidyayā tapasā janmanā vā vṛddhaḥ sa vai sambhavati dvijānām // (2.2)
Par.?
aṣṭaka uvāca / (3.1)
Par.?
avādīstvaṃ vayasāsmi pravṛddha iti vai rājann adhikaḥ kathaṃcit / (3.2)
Par.?
yo vai vidvāṃstapasā sampravṛddhaḥ sa eva pūjyo bhavati dvijānām // (3.3)
Par.?
yayātiruvāca / (4.1)
Par.?
pratikūlaṃ karmaṇāṃ pāpamāhustadvartināṃ pravaṇaṃ pāpalokam / (4.2)
Par.?
santo'sato nānvavartanta te vai yadātmanaiṣāṃ pratikūlavādī // (4.3)
Par.?
abhūddhanaṃ me vipulaṃ mahadvai viceṣṭamāno'dhigantā tadasmi / (5.1)
Par.?
evaṃ pradhāryātmahite niviṣṭo yo vartate sa vijānāti dhīraḥ // (5.2)
Par.?
nānābhāvā bahavo jīvaloke daivādhīnā naṣṭaceṣṭādhikārāḥ / (6.1)
Par.?
tattatprāpya na vihanyeta dhīro diṣṭaṃ balīya iti matvātmabuddhyā // (6.2)
Par.?
sukhaṃ hi janturyadi vāpi duḥkhaṃ daivādhīnaṃ vindati nātmaśaktyā / (7.1)
Par.?
tasmāddiṣṭaṃ balavanmanyamāno na saṃjvarennāpi hṛṣyetkadācit // (7.2)
Par.?
duḥkhe na tapyeta sukhe na hṛṣyetsamena varteta sadaiva dhīraḥ / (8.1)
Par.?
diṣṭaṃ balīya iti manyamāno na saṃjvarennāpi hṛṣyet kadācit // (8.2)
Par.?
bhaye na muhyāmyaṣṭakāhaṃ kadācitsaṃtāpo me manaso nāsti kaścit / (9.1)
Par.?
dhātā yathā māṃ vidadhāti loke dhruvaṃ tathāhaṃ bhaviteti matvā // (9.2)
Par.?
saṃsvedajā hy aṇḍajā hy udbhidaśca sarīsṛpāḥ kṛmayo 'py apsu matsyāḥ / (10.1)
Par.?
tathāśmānastṛṇakāṣṭhaṃ ca sarvaṃ diṣṭakṣaye svāṃ prakṛtiṃ bhajante // (10.2)
Par.?
anityatāṃ sukhaduḥkhasya buddhvā kasmāt saṃtāpamaṣṭakāhaṃ bhajeyam / (11.1)
Par.?
kiṃ kuryāṃ vai kiṃca kṛtvā na tapye tasmātsaṃtāpaṃ varjayāmyapramattaḥ // (11.2)
Par.?
śaunaka uvāca / (12.1)
Par.?
evaṃ bruvāṇaṃ nṛpatiṃ yayātimathāṣṭakaḥ punarevānvapṛcchat / (12.2)
Par.?
mātāmahaṃ sarvaguṇopapannaṃ yatra sthitaṃ svargaloke yathāvat // (12.3)
Par.?
aṣṭaka uvāca / (13.1)
Par.?
ye ye lokāḥ pārthivendra pradhānāstvayā bhuktā yaṃ ca kāle yathā ca / (13.2)
Par.?
tanme rājanbrūhi sarvaṃ yathāvatkṣetrajñavadbhāṣase tvaṃ hi dharmam // (13.3)
Par.?
yayātiruvāca / (14.1) Par.?
rājāhamāsaṃ tv iha sārvabhaumastato lokānmahataś cājaryaṃ vai / (14.2)
Par.?
tatrāvasaṃ varṣasahasramātraṃ tato lokānparamānabhyupetaḥ // (14.3)
Par.?
tataḥ purīṃ puruhūtasya ramyāṃ sahasradvārāṃ śatayojanāntām / (15.1)
Par.?
adhyāvasaṃ varṣasahasramātraṃ tato lokānparamānabhyupetaḥ // (15.2)
Par.?
tato divyamajaraṃ prāpya lokaṃ prajāpater lokapaterdurāpam / (16.1)
Par.?
tatrāvasaṃ varṣasahasramātraṃ tato lokānparamānabhyupetaḥ // (16.2)
Par.?
devasya devasya niveśane ca vijitya lokānnyavasaṃ yatheṣṭam / (17.1)
Par.?
sampūjyamānastridaśaiḥ samastaistulyaprabhāvadyutirīśvarāṇām // (17.2)
Par.?
tathāvasaṃ nandane kāmarūpī saṃvatsarāṇāmayutaṃ śatānām / (18.1)
Par.?
sahāpsarobhirvicaranpuṇyagandhān paśyannagān puṣpitāṃścārurūpān // (18.2)
Par.?
tatra sthitaṃ māṃ devasukheṣu saktaṃ kāle'tīte mahati tato'timātram / (19.1)
Par.?
dūto devānāmabravīdugrarūpo dhvaṃsetyuccaistriḥ plutena svareṇa // (19.2)
Par.?
etāvanme viditaṃ rājasiṃha tato bhraṣṭo'haṃ nandanātkṣīṇapuṇyaḥ / (20.1)
Par.?
vāco 'śrauṣaṃ cāntarikṣe surāṇāmanukrośācchocatāṃ māṃ narendra // (20.2)
Par.?
akasmādvai kṣīṇapuṇyo yayātiḥ patatyasau puṇyakṛt puṇyakīrtiḥ / (21.1)
Par.?
tānabruvaṃ patamānastadāhaṃ satāṃ madhye nipateyaṃ kathaṃ nu // (21.2)
Par.?
tairākhyātāṃ bhavatāṃ yajñabhūmiṃ samīkṣya caināmahamāgato'smi / (22.1)
Par.?
havirgandhair darśitāṃ yajñabhūmiṃ dhūmāpāṅgaṃ parigṛhya pratītām // (22.2)
Par.?
Duration=0.077239036560059 secs.