UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2393
- Click on a sentence to show its analysis
- Keep the mouse pointer over a lemma to show its meanings.
īśvara uvāca / (1.1)
Par.?
tathaivānyāṃ pravakṣyāmi tṛtīyāṃ pāpanāśinīm / (1.2)
Par.?
nāmnā ca loke vikhyātām ārdrānandakarīmimām // (1.3)
Par.?
yadā śuklatṛtīyāyāmāṣāḍharkṣaṃ bhavetkvacit / (2.1)
Par.?
brahmarkṣaṃ vā mṛgarkṣaṃ vā hasto mūlamathāpi vā / (2.2)
Par.?
darbhagandhodakaiḥ snānaṃ tadā samyaksamācaret // (2.3)
Par.?
śuklamālyāmbaradharaḥ śuklagandhānulepanaḥ / (3.1)
Par.?
bhavānīmarcayedbhaktyā śuklapuṣpaiḥ sugandhibhiḥ / (3.2)
Par.?
mahādevena sahitāmupaviṣṭāṃ mahāsane // (3.3)
Par.?
vāsudevyai namaḥ pādau śaṃkarāya namo haram / (4.1)
Par.?
jaṅghe śokavināśinyai ānandāya namaḥ prabho // (4.2)
Par.?
rambhāyai pūjayedūrū śivāya ca pinākinaḥ / (5.1)
Par.?
adityai ca kaṭiṃ devyāḥ śūlinaḥ śūlapāṇaye // (5.2)
Par.?
mādhavyai ca tathā nābhimatha śambhorbhavāya ca / (6.1)
Par.?
stanāvānandakāriṇyai śaṃkarasyendudhāriṇe // (6.2)
Par.?
utkaṇṭhinyai namaḥ kaṇṭhaṃ nīlakaṇṭhāya vai haram / (7.1)
Par.?
karāvutpaladhāriṇyai rudrāya ca jagatpate / (7.2)
Par.?
bāhū ca parirambhiṇyai triśūlāya harasya ca // (7.3)
Par.?
devyā mukhaṃ vilāsinyai vṛṣeśāya punarvibhoḥ / (8.1)
Par.?
smitaṃ sasmeralīlāyai viśvavaktrāya vai vibho // (8.2)
Par.?
netre madanavāsinyai viśvadhāmne triśūlinaḥ / (9.1)
Par.?
bhruvau nṛtyapriyāyai tu tāṇḍaveśāya śūlinaḥ // (9.2)
Par.?
devyā lalāṭamindrāṇyai havyavāhāya vai vibhoḥ / (10.1)
Par.?
svāhāyai mukuṭaṃ devyā vibhorgaṅgādharāya vai // (10.2)
Par.?
viśvakāyau viśvamukhau viśvapādakarau śivau / (11.1)
Par.?
prasannavadanau vande pārvatīparameśvarau // (11.2)
Par.?
evaṃ sampūjya vidhivadagrataḥ śivayoḥ punaḥ / (12.1)
Par.?
padmotpalāni rajasā nānāvarṇena kārayet // (12.2)
Par.?
śaṅkhacakre sakaṭake svastikāṅkuśacāmarān / (13.1)
Par.?
yāvantaḥ pāṃsavastatra rajasaḥ patitā bhuvi / (13.2)
Par.?
tāvadvarṣasahasrāṇi śivaloke mahīyate // (13.3)
Par.?
catvāri ghṛtapātrāṇi sahiraṇyāni śaktitaḥ / (14.1)
Par.?
dattvā dvijāya karakamudakānnasamanvitam / (14.2)
Par.?
pratipakṣaṃ caturmāsaṃ yāvadetannivedayet // (14.3)
Par.?
tatastu caturo māsānpūrvavatkarakopari / (15.1)
Par.?
catvāri saktupātrāṇi tilapātrāṇyataḥ param // (15.2)
Par.?
gandhodakaṃ puṣpavāri candanaṃ kuṅkumodakam / (16.1)
Par.?
apakvaṃ dadhi dugdhaṃ ca gośṛṅgodakameva ca // (16.2)
Par.?
piṣṭodakaṃ tathā vāri kuṣṭhacūrṇānvitaṃ punaḥ / (17.1)
Par.?
uśīrasalilaṃ tadvad yavacūrṇodakaṃ punaḥ // (17.2)
Par.?
tilodakaṃ ca saṃprāśya svapenmārgaśirādiṣu / (18.1)
Par.?
māseṣu pakṣadvitayaṃ prāśanaṃ samudāhṛtam // (18.2)
Par.?
sarvatra śuklapuṣpāṇi praśastāni sadārcane / (19.1)
Par.?
dānakāle ca sarvatra mantrametamudīrayet // (19.2)
Par.?
gaurī me prīyatāṃ nityamaghanāśāya maṅgalā / (20.1)
Par.?
saubhāgyāyāstu lalitā bhavānī sarvasiddhaye // (20.2)
Par.?
saṃvatsarānte lavaṇaṃ guḍakumbhaṃ ca sarjikām / (21.1)
Par.?
candanaṃ netrapaṭṭaṃ ca sahiraṇyāmbujena tu // (21.2)
Par.?
umāmaheśvaraṃ haimaṃ tadvadikṣuphalairyutam / (22.1)
Par.?
satūlāvaraṇāṃ śayyāṃ saviśrāmāṃ nivedayet / (22.2)
Par.?
sapatnīkāya viprāya gaurī me prīyatāmiti // (22.3)
Par.?
ārdrānandakarī nāmnā tṛtīyaiṣā sanātanī / (23.1)
Par.?
yāmupoṣya naro yāti śambhoryatparamaṃ padam // (23.2)
Par.?
iha loke sadānandamāpnoti dhanasampadaḥ / (24.1) Par.?
āyurārogyasampattyā na kaścicchokamāpnuyāt // (24.2)
Par.?
nārī vā kurute yā tu kumārī vidhavā ca yā / (25.1)
Par.?
sāpi tatphalamāpnoti devyanugrahalālitā // (25.2)
Par.?
pratipakṣamupoṣyaivaṃ mantrārcanavidhānavit / (26.1)
Par.?
rudrāṇīlokamabhyeti punarāvṛttidurlabham // (26.2)
Par.?
ya idaṃ śṛṇuyānnityaṃ śrāvayedvāpi mānavaḥ / (27.1)
Par.?
śakraloke sa gandharvaiḥ pūjyate'pi yugatrayam // (27.2)
Par.?
ānandadāṃ sakaladuḥkhaharāṃ tṛtīyāṃ yā strī karotyavidhavā vidhavātha vāpi / (28.1)
Par.?
sā sve gṛhe sukhaśatānyanubhūya bhūyo gaurīpadaṃ sadayitā dayitā prayāti // (28.2)
Par.?
Duration=0.21302199363708 secs.