Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2409

īśvara uvāca / (1.1) Par.?

anyāmapi pravakṣyāmi nāmnā tu phalasaptamīm / (1.2) Par.?

yāmupoṣya naraḥ pāpādvimuktaḥ svargabhāgbhavet // (1.3) Par.?

mārgaśīrṣe śubhe māsi saptamyāṃ niyatavrataḥ / (2.1) Par.?

tāmupoṣyātha kamalaṃ kārayitvā tu kāñcanam // (2.2) Par.?

śarkarāsaṃyutaṃ dadyādbrāhmaṇāya kuṭumbine / (3.1) Par.?

raviṃ kāñcanakaṃ kṛtvā palasyaikasya dharmavit / (3.2) Par.?

dadyāddvikālavelāyāṃ bhānurme prīyatāmiti // (3.3) Par.?

bhaktyā tu viprānsampūjya cāṣṭamyāṃ kṣīrabhojanam / (4.1) Par.?

dattvā kuryātphalayutaṃ yāvatsyātkṛṣṇesaptamī // (4.2) Par.?

tāmapyupoṣya vidhivadanenaiva krameṇa tu / (5.1) Par.?

tadvaddhaimaphalaṃ dattvā suvarṇakamalānvitam // (5.2) Par.?

śarkarāpātrasaṃyuktaṃ vastramālyasamanvitam / (6.1) Par.?

saṃvatsaraṃ ca tenaiva vidhinobhayasaptamīm // (6.2) Par.?

upoṣya dattvā kramaśaḥ sūryamantramudīrayet / (7.1) Par.?

bhānurarko ravirbrahmā sūryaḥ śakro hariḥ śivaḥ / (7.2) Par.?

śrīmānvibhāvasustvaṣṭā varuṇaḥ prīyatāmiti // (7.3) Par.?

pratimāsaṃ ca saptamyāmekaikaṃ nāma kīrtayet / (8.1) Par.?

pratipakṣaṃ phalatyāgametatkurvansamācaret // (8.2) Par.?

vratānte vipramithunaṃ pūjayedvastrabhūṣaṇaiḥ / (9.1) Par.?

śarkarākalaśaṃ dadyāddhemapadmadalānvitam // (9.2) Par.?

yathā na viphalāḥ kāmāstvadbhaktānāṃ sadā rave / (10.1) Par.?

tathānantaphalāvāptirastu me saptajanmasu // (10.2) Par.?

imāmanantaphaladāṃ yaḥ kuryātphalasaptamīm / (11.1) Par.?

sarvapāpaviśuddhātmā sūryaloke mahīyate // (11.2) Par.?

surāpānādikaṃ kiṃcidyadatrāmutra vā kṛtam / (12.1) Par.?

tatsarvaṃ nāśamāyāti yaḥ kuryātphalasaptamīm // (12.2) Par.?

kurvāṇaḥ saptamīṃ cemāṃ satataṃ rogavarjitaḥ / (13.1) Par.?

bhūtānbhavyāṃśca puruṣāṃstārayedekaviṃśatim / (13.2) Par.?

yaḥ śṛṇoti paṭhedvāpi so'pi kalyāṇabhāgbhavet // (13.3) Par.?

Duration=0.057001113891602 secs.