UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2763
- Click on a sentence to show its analysis
- Keep the mouse pointer over a lemma to show its meanings.
maghavā tu nihantuṃ tānasurānamareśvaraḥ / (1.2)
Par.?
lokapālā yayuḥ sarve gaṇapālāśca sarvaśaḥ // (1.3)
Par.?
īśvarā moditāḥ sarva utpetuścāmbare tadā / (2.1)
Par.?
khagatāstu virejuste pakṣavanta ivācalāḥ // (2.2)
Par.?
prayayustatpuraṃ hantuṃ śarīramiva vyādhayaḥ / (3.1)
Par.?
śaṅkhāḍambaranirghoṣaiḥ paṇavānpaṭahānapi / (3.2)
Par.?
nādayantaḥ puro devā dṛṣṭāstripuravāsibhiḥ // (3.3)
Par.?
haraḥ prāpta itīvoktvā balinaste mahāsurāḥ / (4.1)
Par.?
ājagmuḥ paramaṃ kṣobham atyayeṣviva sāgarāḥ // (4.2)
Par.?
suratūryaravaṃ śrutvā dānavā bhīmadarśanāḥ / (5.1)
Par.?
ninedurvādayantaśca nānāvādyānyanekaśaḥ // (5.2)
Par.?
bhūyodīritavīryāste parasparakṛtāgasaḥ / (6.1)
Par.?
pūrvadevāśca devāśca sūdayantaḥ parasparam // (6.2)
Par.?
ākrośe'pi samaprakhye teṣāṃ dehanikṛntanam / (7.1)
Par.?
pravṛttaṃ yuddhamatulaṃ prahārakṛtaniḥsvanam // (7.2)
Par.?
niṣpatanta ivādityāḥ prajvalanta ivāgnayaḥ / (8.1)
Par.?
śaṃsanta iva nāgendrā bhramanta eva pakṣiṇaḥ / (8.2)
Par.?
girīndrā iva kampanto garjanta iva toyadāḥ // (8.3)
Par.?
jṛmbhanta iva śārdūlāḥ garjanta iva toyadāḥ / (9.1)
Par.?
pravṛddhormitaraṃgaughāḥ kṣubhyanta iva sāgarāḥ // (9.2)
Par.?
pramathāśca mahāśūrā dānavāśca mahābalāḥ / (10.1)
Par.?
yuyudhurniścalā bhūtvā vajrā iva mahācalaiḥ // (10.2)
Par.?
kārmukāṇāṃ vikṛṣṭānāṃ babhūvurdāruṇā ravāḥ / (11.1)
Par.?
kālānugānāṃ meghānāṃ yathā viyati vāyunā // (11.2)
Par.?
āhuśca yuddhe mā bhaiṣīḥ kva yāsyasi mṛto hyasi / (12.1)
Par.?
praharāśu sthito'smyatra ehi darśaya pauruṣam // (12.2)
Par.?
gṛhāṇa chinddhi bhinddhīti khāda māraya dāraya / (13.1)
Par.?
ityanyonyam anūccārya prayayuryamasādanam // (13.2)
Par.?
khaḍgāpavarjitāḥ kecitkecicchinnāḥ paraśvadhaiḥ / (14.1)
Par.?
kecinmudgaracūrṇāśca kecidbāhubhirāhatāḥ // (14.2)
Par.?
paṭṭiśaiḥ sūditāḥ kecitkecicchūlavidāritāḥ / (15.1)
Par.?
dānavāḥ śarapuṣpābhāḥ savanā iva parvatāḥ / (15.2)
Par.?
nipatantyarṇavajale bhīmanakratimiṅgile // (15.3)
Par.?
vyasubhiḥ sunibaddhāṅgaiḥ patamānaiḥ suretaraiḥ / (16.1)
Par.?
saṃbabhūvārṇave śabdaḥ sajalāmbudanisvanaḥ // (16.2)
Par.?
tena śabdena makarā nakrāstimitimiṅgilāḥ / (17.1)
Par.?
mattā lohitagandhena kṣobhayanto mahārṇavam // (17.2)
Par.?
paraspareṇa kalahaṃ kurvāṇā bhīmamūrtayaḥ / (18.1)
Par.?
bhramante bhakṣayantaśca dānavānāṃ ca lohitam // (18.2)
Par.?
sarathān sāyudhān sāśvān savastrābharaṇāvṛtān / (19.1)
Par.?
jagrasustimayo daityāndrāvayanto jalecarān // (19.2)
Par.?
mṛdhaṃ yathāsurāṇāṃ ca pramathānāṃ pravartate / (20.1)
Par.?
ambare'mbhasi ca tathā yuddhaṃ cakrurjalecarāḥ // (20.2)
Par.?
yathā bhramanti pramathāḥ sadaityāstathā bhramante timayaḥ sanakrāḥ / (21.1)
Par.?
yathaiva chindanti parasparaṃ tu tathaiva krandanti vibhinnadehāḥ // (21.2)
Par.?
vraṇānanair aṅgarasaṃ sravadbhiḥ surāsurairnakratimiṅgilaiśca / (22.1)
Par.?
kṛto muhūrtena samudradeśaḥ saraktatoyaḥ samudīrṇatoyaḥ // (22.2)
Par.?
pūrvaṃ mahāmbhodharaparvatābhaṃ dvāraṃ mahāntaṃ tripurasya śakraḥ / (23.1)
Par.?
nipīḍya tasthau mahatā balena yukto'marāṇāṃ mahatā balena // (23.2)
Par.?
tathottaraṃ so'ntarajo harasya bālārkajāmbūnadatulyavarṇaḥ / (24.1)
Par.?
skandaḥ puradvāramathāruroha vṛddho'staśṛṅgaṃ prapatannivārkaḥ // (24.2)
Par.?
yamaśca vittādhipatiśca devo daṇḍānvitaḥ pāśavarāyudhaśca / (25.1)
Par.?
devāriṇastasya purasya dvāraṃ tābhyāṃ tu tatpaścimato niruddham // (25.2)
Par.?
dakṣārirudrastapanāyutābhaḥ sa bhāsvatā devarathena devaḥ / (26.1)
Par.?
taddakṣiṇadvāramareḥ purasya ruddhvāvatasthau bhagavāṃstrinetraḥ // (26.2)
Par.?
tuṅgāni veśmāni sagopurāṇi svarṇāni kailāsaśaśiprabhāṇi / (27.1)
Par.?
prahlādarūpāḥ pramathāvaruddhā jyotīṃṣi meghā iva cāśmavarṣāḥ // (27.2)
Par.?
utpātya cotpāṭya gṛhāṇi teṣāṃ saśailamālāsamavedikāni / (28.1)
Par.?
prakṣipya prakṣipya samudramadhye kālāmbudābhāḥ pramathā vineduḥ // (28.2)
Par.?
raktāni cāśeṣavanairyutāni sāśokakhaṇḍāni sakokilāni / (29.1)
Par.?
gṛhāṇi he nātha pitaḥ suteti bhrāteti kānteti priyeti cāpi / (29.2)
Par.?
utpāṭyamāneṣu gṛheṣu nāryas tvanāryaśabdānvividhānpracakruḥ // (29.3)
Par.?
kalatraputrakṣayaprāṇanāśe tasminpure yuddhamatipravṛtte / (30.1)
Par.?
mahāsurāḥ sāgaratulyavegā gaṇeśvarāḥ kopavṛtāḥ pratīyuḥ // (30.2)
Par.?
paraśvadhaistatra śilopalaiśca triśūlavajrottamakampanaiśca / (31.1)
Par.?
śarīrasadmakṣapaṇaṃ sughoraṃ yuddhaṃ pravṛttaṃ dṛḍhavairabaddham // (31.2)
Par.?
anyonyamuddiśya vimardatāṃ ca pradhāvatāṃ caiva vinighnatāṃ ca / (32.1)
Par.?
śabdo babhūvāmaradānavānāṃ yugāntakāleṣviva sāgarāṇām // (32.2)
Par.?
vraṇairajasraṃ kṣatajaṃ vamantaḥ kopoparaktā bahudhā nadantaḥ / (33.1)
Par.?
gaṇeśvarāste'surapuṃgavāśca yudhyanti śabdaṃ ca mahadudgirantaḥ // (33.2)
Par.?
mārgāḥ pure lohitakardamālāḥ svarṇeṣṭakāsphāṭikabhinnacitrāḥ / (34.1)
Par.?
kṛtā muhūrtena sukhena gantuṃ chinnottamāṅgāṅghrikarāḥ karālāḥ // (34.2)
Par.?
kopāvṛtākṣaḥ sa tu tārakākhyaḥ saṃkhye savṛkṣaḥ sagirir nilīnaḥ / (35.1)
Par.?
tasminkṣaṇe dvāravaraṃ rirakṣo ruddhaṃ bhavenādbhutavikrameṇa // (35.2)
Par.?
sa tatra prākārāgatāṃśca bhūtāñchātan mahānadbhutavīryasattvaḥ / (36.1)
Par.?
cacāra cāptendriyagarvadṛptaḥ purādviniṣkramya rarāsa ghoram // (36.2)
Par.?
tataḥ sa daityottamaparvatābho yathāñjasā nāga ivābhimattaḥ / (37.1)
Par.?
nivārito rudrarathaṃ jighṛkṣuryathārṇavaḥ sarpati cātivelaḥ // (37.2)
Par.?
śeṣaḥ sudhanvā giriśaśca devaścaturmukho yaḥ sa trilocanaśca / (38.1)
Par.?
te tārakākhyābhigatā gatājau kṣobhaṃ yathā vāyuvaśātsamudrāḥ // (38.2)
Par.?
śeṣo girīśaḥ sapitāmaheśaś cotkṣubhyamāṇaḥ sa rathe'mbarasthaḥ / (39.1)
Par.?
bibheda saṃdhīṣu balābhipannaḥ kūjanninādāṃśca karoti ghorān // (39.2)
Par.?
ekaṃ tu ṛgvedaturaṃgamasya pṛṣṭhe padaṃ nyasya vṛṣasya caikam / (40.1)
Par.?
tasthau bhavaḥ sodyatabāṇacāpaḥ purasya tatsaṅgasamīkṣamāṇaḥ // (40.2)
Par.?
tadā bhavapadanyāsāddhayasya vṛṣabhasya ca / (41.1)
Par.?
petuḥ stanāśca dantāśca pīḍitābhyāṃ triśūlinā // (41.2)
Par.?
tataḥprabhṛti cāśvānāṃ stanā dantā gavāṃ tathā / (42.1)
Par.?
mūḍhāḥ samabhavaṃstena cādṛśyatvamupāgatāḥ // (42.2)
Par.?
tārakākhyastu bhīmākṣo raudraraktāntarekṣaṇaḥ / (43.1)
Par.?
rudrāntike susaṃruddho nandinā kulanandinā // (43.2)
Par.?
paraśvadhena tīkṣṇena sa nandī dānaveśvaram / (44.1)
Par.?
takṣayāmāsa vai takṣā candanaṃ gandhado yathā // (44.2)
Par.?
paraśvadhahataḥ śūraḥ śailādiḥ śarabho yathā / (45.1)
Par.?
dudrāva khaḍgaṃ niṣkṛṣya tārakākhyo gaṇeśvaram // (45.2)
Par.?
yajñopavītam ādāya cicheda ca nanāda ca / (46.1)
Par.?
tataḥ siṃharavo ghoraḥ śaṅkhaśabdaśca bhairavaḥ / (46.2)
Par.?
gaṇeśvaraiḥ kṛtastatra tārakākhye niṣūdite // (46.3)
Par.?
pramathārasitaṃ śrutvā vāditrasvanameva ca / (47.1)
Par.?
pārśvasthaḥ sumahāpārśvaṃ vidyunmāliṃ mayo'bravīt // (47.2)
Par.?
bahuvadanavatāṃ kimeṣa śabdo nadatāṃ śrūyate bhinnasāgarābhaḥ / (48.1)
Par.?
vada vacanaṃ taḍinmālin kiṃ kimetadgaṇapālā yuyudhuryayurgajendrāḥ // (48.2)
Par.?
iti mayavacanāṅkuśārditastaṃ taḍinmālī ravirivāṃśumālī / (49.1)
Par.?
raṇaśirasi samāgataḥ surāṇāṃ nijagādedam ariṃdamo 'tiharṣāt // (49.2)
Par.?
yamavaruṇamahendrarudravīryastava yaśaso nidhirdhīra tārakākhyaḥ / (50.1)
Par.?
sakalasamaraśīrṣaparvatendro yuddhvā yastapati hi tārako gaṇendraiḥ // (50.2)
Par.?
mṛditam upaniśamya tārakākhyaṃ ravidīptānalabhīṣaṇāyatākṣam / (51.1)
Par.?
hṛṣitasakalanetralomasattvāḥ pramathāstoyamuco yathā nadanti // (51.2)
Par.?
iti suhṛdo vacanaṃ niśamya tattvaṃ taḍimāleḥ sa mayaḥ suvarṇamālī / (52.1)
Par.?
raṇaśirasy asitāñjanācalābho jagade vākyamidaṃ navendumālim // (52.2)
Par.?
vidyunmālinna naḥ kālaḥ sādhituṃ hyavahelayā / (53.1)
Par.?
karomi vikrameṇaitatpuraṃ vyasanavarjitam // (53.2)
Par.?
vidyunmālī tataḥ kruddho mayaśca tripureśvaraḥ / (54.1)
Par.?
gaṇāñjaghnustu drāghiṣṭhāḥ sahitāstairmahāsuraiḥ // (54.2)
Par.?
yena yena tato vidyunmālī yāti mayaśca saḥ / (55.1)
Par.?
tena tena puraṃ śūnyaṃ pramathaiḥ prahṛtaiḥ kṛtam // (55.2)
Par.?
atha yamavaruṇamṛdaṅgaghoṣaiḥ paṇavaḍiṇḍimajyāsvanapraghoṣaiḥ / (56.1)
Par.?
sakaratalapuṭaiśca siṃhanādairbhavamabhipūjya tadā surā avatasthuḥ // (56.2)
Par.?
sampūjyamāno ditijairmahātmabhiḥ sahasraraśmipratimaujasair vibhuḥ / (57.1)
Par.?
abhiṣṭutaḥ satyaratais tapodhanair yathāstaśṛṅgābhigato divākaraḥ // (57.2)
Par.?
Duration=0.33838891983032 secs.