Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4274

Click on a sentence to show its analysis
Keep the mouse pointer over a lemma to show its meanings.

athāto grahaṇīdoṣacikitsitaṃ vyākhyāsyāmaḥ / (1.1) Par.?

iti ha smāhur ātreyādayo maharṣayaḥ / (1.2) Par.?

grahaṇīm āśritaṃ doṣam ajīrṇavad upācaret / (1.3) Par.?

atīsāroktavidhinā tasyāmaṃ ca vipācayet // (1.4) Par.?

annakāle yavāgvādi pañcakolādibhir yutam / (2.1) Par.?

vitaret paṭulaghvannaṃ punar yogāṃśca dīpanān // (2.2) Par.?

dadyāt sātiviṣāṃ peyām āme sāmlāṃ sanāgarām / (3.1) Par.?

pāne 'tīsāravihitaṃ vāri takraṃ surādi ca // (3.2) Par.?

grahaṇīdoṣiṇāṃ takraṃ dīpanagrāhilāghavāt / (4.1) Par.?

pathyaṃ madhurapākitvān na ca pittapradūṣaṇam // (4.2) Par.?

kaṣāyoṣṇavikāśitvād rūkṣatvācca kaphe hitam / (5.1) Par.?

vāte svādvamlasāndratvāt sadyaskam avidāhi tat // (5.2) Par.?

caturṇāṃ prastham amlānāṃ tryūṣaṇācca palatrayam / (6.1) Par.?

lavaṇānāṃ ca catvāri śarkarāyāḥ palāṣṭakam // (6.2) Par.?

taccūrṇaṃ śākasūpānnarāgādiṣvavacārayet / (7.1) Par.?

kāsājīrṇāruciśvāsahṛtpāṇḍuplīhagulmanut // (7.2) Par.?

nāgarātiviṣāmustaṃ pākyam āmaharaṃ pibet / (8.1) Par.?

uṣṇāmbunā vā tatkalkaṃ nāgaraṃ vāthavābhayām // (8.2) Par.?

sasaindhavaṃ vacādiṃ vā tadvan madirayāthavā / (9.1) Par.?

varcasyāme sapravāhe pibed vā dāḍimāmbunā // (9.2) Par.?

viḍena lavaṇaṃ piṣṭaṃ bilvacitrakanāgaram / (10.1) Par.?

sāme kaphānile koṣṭharukkare koṣṇavāriṇā // (10.2) Par.?

kaliṅgahiṅgvativiṣāvacāsauvarcalābhayam / (11.1) Par.?

chardihṛdrogaśūleṣu peyam uṣṇena vāriṇā // (11.2) Par.?

pathyāsauvarcalājājīcūrṇaṃ maricasaṃyutam / (12.1) Par.?

pippalīṃ nāgaraṃ pāṭhāṃ śārivāṃ bṛhatīdvayam // (12.2) Par.?

citrakaṃ kauṭajaṃ kṣāraṃ tathā lavaṇapañcakam / (13.1) Par.?

cūrṇīkṛtaṃ dadhisurātanmaṇḍoṣṇāmbukāñjikaiḥ // (13.2) Par.?

pibed agnivivṛddhyarthaṃ koṣṭhavātaharaṃ param / (14.1) Par.?

paṭūni pañca dvau kṣārau maricaṃ pañcakolakam // (14.2) Par.?

dīpyakaṃ hiṅgu guṭikā bījapūrarase kṛtā / (15.1) Par.?

koladāḍimatoye vā paraṃ pācanadīpanī // (15.2) Par.?

tālīśapattracavikāmaricānāṃ palaṃ palam / (16.1) Par.?

kṛṣṇātanmūlayor dve dve pale śuṇṭhīpalatrayam // (16.2) Par.?

caturjātam uśīraṃ ca karṣāṃśaṃ ślakṣṇacūrṇitam / (17.1) Par.?

guḍena vaṭakān kṛtvā triguṇena sadā bhajet // (17.2) Par.?

madyayūṣarasāriṣṭamastupeyāpayo'nupaḥ / (18.1) Par.?

vātaśleṣmātmanāṃ chardigrahaṇīpārśvahṛdrujām // (18.2) Par.?

jvaraśvayathupāṇḍutvagulmapānātyayārśasām / (19.1) Par.?

prasekapīnasaśvāsakāsānāṃ ca nivṛttaye // (19.2) Par.?

abhayāṃ nāgarasthāne dadyāt tatraiva viḍgrahe / (20.1) Par.?

chardyādiṣu ca paitteṣu caturguṇasitānvitāḥ // (20.2) Par.?

pakvena vaṭakāḥ kāryā guḍena sitayāpi vā / (21.1) Par.?

paraṃ hi vahnisaṃparkāl laghimānaṃ bhajanti te // (21.2) Par.?

athainaṃ paripakvāmaṃ mārutagrahaṇīgadam / (22.1) Par.?

dīpanīyayutaṃ sarpiḥ pāyayed alpaśo bhiṣak // (22.2) Par.?

kiṃcitsaṃdhukṣite tvagnau saktaviṇmūtramārutam / (23.1) Par.?

dvyahaṃ tryahaṃ vā saṃsnehya svinnābhyaktaṃ nirūhayet // (23.2) Par.?

tata eraṇḍatailena sarpiṣā tailvakena vā / (24.1) Par.?

sakṣāreṇānile śānte srastadoṣaṃ virecayet // (24.2) Par.?

śuddharūkṣāśayaṃ baddhavarcaskaṃ cānuvāsayet / (25.1) Par.?

dīpanīyāmlavātaghnasiddhatailena taṃ tataḥ // (25.2) Par.?

nirūḍhaṃ ca viriktaṃ ca samyak cāpyanuvāsitam / (26.1) Par.?

laghvannapratisaṃyuktaṃ sarpirabhyāsayet punaḥ // (26.2) Par.?

pañcamūlābhayāvyoṣapippalīmūlasaindhavaiḥ / (27.1) Par.?

rāsnākṣāradvayājājīviḍaṅgaśaṭhibhir ghṛtam // (27.2) Par.?

śuktena mātuluṅgasya svarasenārdrakasya ca / (28.1) Par.?

śuṣkamūlakakolāmlacukrikādāḍimasya ca // (28.2) Par.?

takramastusurāmaṇḍasauvīrakatuṣodakaiḥ / (29.1) Par.?

kāñjikena ca tat pakvam agnidīptikaraṃ param // (29.2) Par.?

śūlagulmodaraśvāsakāsānilakaphāpaham / (30.1) Par.?

sabījapūrakarasaṃ siddhaṃ vā pāyayed ghṛtam // (30.2) Par.?

tailam abhyañjanārthaṃ ca siddham ebhiścalāpaham / (31.1) Par.?

eteṣām auṣadhānāṃ vā pibeccūrṇaṃ sukhāmbunā // (31.2) Par.?

vāte śleṣmāvṛte sāme kaphe vā vāyunoddhate / (32.1) Par.?

agner nirvāpakaṃ pittaṃ rekeṇa vamanena vā // (32.2) Par.?

hatvā tiktalaghugrāhidīpanairavidāhibhiḥ / (33.1) Par.?

annaiḥ saṃdhukṣayed agniṃ cūrṇaiḥ snehaiśca tiktakaiḥ // (33.2) Par.?

paṭolanimbatrāyantītiktātiktakaparpaṭam / (34.1) Par.?

kuṭajatvakphalaṃ mūrvā madhuśigruphalaṃ vacā // (34.2) Par.?

dārvītvakpadmakośīrayavānīmustacandanam / (35.1) Par.?

saurāṣṭryativiṣāvyoṣatvagelāpattradāru ca // (35.2) Par.?

cūrṇitaṃ madhunā lehyaṃ peyaṃ madyair jalena vā / (36.1) Par.?

hṛtpāṇḍugrahaṇīrogagulmaśūlārucijvarān // (36.2) Par.?

kāmalāṃ saṃnipātaṃ ca mukharogāṃśca nāśayet / (37.1) Par.?

bhūnimbakaṭukāmustātryūṣaṇendrayavān samān // (37.2) Par.?

dvau citrakād vatsakatvagbhāgān ṣoḍaśa cūrṇayet / (38.1) Par.?

guḍaśītāmbunā pītaṃ grahaṇīdoṣagulmanut // (38.2) Par.?

kāmalājvarapāṇḍutvamehārucyatisārajit / (39.1) Par.?

nāgarātiviṣāmustāpāṭhābilvaṃ rasāñjanam // (39.2) Par.?

kuṭajatvakphalaṃ tiktā dhātakī ca kṛtaṃ rajaḥ / (40.1) Par.?

kṣaudrataṇḍulavāribhyāṃ paittike grahaṇīgade // (40.2) Par.?

pravāhikārśogudarugraktotthāneṣu ceṣyate / (41.1) Par.?

candanaṃ padmakośīraṃ pāṭhāṃ mūrvāṃ kuṭannaṭam // (41.2) Par.?

ṣaḍgranthāśārivāsphotāsaptaparṇāṭarūṣakān / (42.1) Par.?

paṭolodumbarāśvatthavaṭaplakṣakapītanān // (42.2) Par.?

kaṭukāṃ rohiṇīṃ mustāṃ nimbaṃ ca dvipalāṃśakān / (43.1) Par.?

droṇe 'pāṃ sādhayet tena pacet sarpiḥ picūnmitaiḥ // (43.2) Par.?

kirātatiktendrayavavīrāmāgadhikotpalaiḥ / (44.1) Par.?

pittagrahaṇyāṃ tat peyaṃ kuṣṭhoktaṃ tiktakaṃ ca yat // (44.2) Par.?

grahaṇyāṃ śleṣmaduṣṭāyāṃ tīkṣṇaiḥ pracchardane kṛte / (45.1) Par.?

kaṭvamlalavaṇakṣāraiḥ kramād agniṃ vivardhayet // (45.2) Par.?

pañcakolābhayādhānyapāṭhāgandhapalāśakaiḥ / (46.1) Par.?

bījapūrapragāḍhaiśca siddhaiḥ peyādi kalpayet // (46.2) Par.?

droṇaṃ madhūkapuṣpāṇāṃ viḍaṅgaṃ ca tato 'rdhataḥ / (47.1) Par.?

citrakasya tato 'rdhaṃ ca tathā bhallātakāḍhakam // (47.2) Par.?

mañjiṣṭhāṣṭapalaṃ caitaj jaladroṇatraye pacet / (48.1) Par.?

droṇaśeṣaṃ śṛtaṃ śītaṃ madhvardhāḍhakasaṃyutam // (48.2) Par.?

elāmṛṇālāgurubhiścandanena ca rūṣite / (49.1) Par.?

kumbhe māsaṃ sthitaṃ jātam āsavaṃ taṃ prayojayet // (49.2) Par.?

grahaṇīṃ dīpayatyeṣa bṛṃhaṇaḥ pittaraktanut / (50.1) Par.?

śoṣakuṣṭhakilāsānāṃ pramehāṇāṃ ca nāśanaḥ // (50.2) Par.?

madhūkapuṣpasvarasaṃ śṛtam ardhakṣayīkṛtam / (51.1) Par.?

kṣaudrapādayutaṃ śītaṃ pūrvavat saṃnidhāpayet // (51.2) Par.?

tat piban grahaṇīdoṣān jayet sarvān hitāśanaḥ / (52.1) Par.?

tadvad drākṣekṣukharjūrasvarasān āsutān pibet // (52.2) Par.?

hiṅgutiktāvacāmādrīpāṭhendrayavagokṣuram / (53.1) Par.?

pañcakolaṃ ca karṣāṃśaṃ palāṃśaṃ paṭupañcakam // (53.2) Par.?

ghṛtatailadvikuḍave dadhnaḥ prasthadvaye ca tat / (54.1) Par.?

āpothya kvāthayed agnau mṛdāvanugate rase // (54.2) Par.?

antardhūmaṃ tato dagdhvā cūrṇīkṛtya ghṛtāplutam / (55.1) Par.?

pibet pāṇitalaṃ tasmiñ jīrṇe syān madhurāśanaḥ // (55.2) Par.?

vātaśleṣmāmayān sarvān hanyād viṣagarāṃśca saḥ / (56.1) Par.?

bhūnimbaṃ rohiṇīṃ tiktāṃ paṭolaṃ nimbaparpaṭam // (56.2) Par.?

dagdhvā māhiṣamūtreṇa pibed agnivivardhanam / (57.1) Par.?

dve haridre vacā kuṣṭhaṃ citrakaḥ kaṭurohiṇī // (57.2) Par.?

mustā ca chāgamūtreṇa siddhaḥ kṣāro 'gnivardhanaḥ / (58.1) Par.?

catuḥpalaṃ sudhākāṇḍāt tripalaṃ lavaṇatrayāt // (58.2) Par.?

vārtākakuḍavaṃ cārkād aṣṭau dve citrakāt pale / (59.1) Par.?

dagdhvā rasena vārtākād guṭikā bhojanottarāḥ // (59.2) Par.?

bhuktam annaṃ pacantyāśu kāsaśvāsārśasāṃ hitāḥ / (60.1) Par.?

viṣūcikāpratiśyāyahṛdrogaśamanāśca tāḥ // (60.2) Par.?

mātuluṅgaśaṭhīrāsnākaṭutrayaharītaki / (61.1) Par.?

svarjikāyāvaśūkākhyau kṣārau pañcapaṭūni ca // (61.2) Par.?

sukhāmbupītaṃ taccūrṇaṃ balavarṇāgnivardhanam / (62.1) Par.?

ślaiṣmike grahaṇīdoṣe savāte tair ghṛtaṃ pacet // (62.2) Par.?

dhānvantaraṃ ṣaṭpalaṃ ca bhallātakaghṛtābhayam / (63.1) Par.?

viḍakācoṣalavaṇasvarjikāyāvaśūkajān // (63.2) Par.?

saptalāṃ kaṇṭakārīṃ ca citrakaṃ caikato dahet / (64.1) Par.?

saptakṛtvaḥ srutasyāsya kṣārasyārdhāḍhake pacet // (64.2) Par.?

āḍhakaṃ sarpiṣaḥ peyaṃ tad agnibalavṛddhaye / (65.1) Par.?

nicaye pañca karmāṇi yuñjyāccaitad yathābalam // (65.2) Par.?

praseke ślaiṣmike 'lpāgner dīpanaṃ rūkṣatiktakam / (66.1) Par.?

yojyaṃ kṛśasya vyatyāsāt snigdharūkṣaṃ kaphodaye // (66.2) Par.?

kṣīṇakṣāmaśarīrasya dīpanaṃ snehasaṃyutam / (67.1) Par.?

dīpanaṃ bahupittasya tiktaṃ madhurakair yutam // (67.2) Par.?

sneho 'mlalavaṇair yukto bahuvātasya śasyate / (68.1) Par.?

sneham eva paraṃ vidyād durbalānaladīpanam // (68.2) Par.?

nālaṃ snehasamiddhasya śamāyānnaṃ sugurvapi / (69.1) Par.?

yo 'lpāgnitvāt kaphe kṣīṇe varcaḥ pakvam api ślatham // (69.2) Par.?

muñcet paṭvauṣadhayutaṃ sa pibed alpaśo ghṛtam / (70.1) Par.?

tena svamārgam ānītaḥ svakarmaṇi niyojitaḥ // (70.2) Par.?

samāno dīpayatyagnim agneḥ saṃdhukṣako hi saḥ / (71.1) Par.?

purīṣaṃ yaśca kṛcchreṇa kaṭhinatvād vimuñcati // (71.2) Par.?

sa ghṛtaṃ lavaṇair yuktaṃ naro 'nnāvagrahaṃ pibet / (72.1) Par.?

raukṣyān mande 'nale sarpis tailaṃ vā dīpanaiḥ pibet // (72.2) Par.?

kṣāracūrṇāsavāriṣṭān mande snehātipānataḥ / (73.1) Par.?

udāvartāt tu yoktavyā nirūhasnehavastayaḥ // (73.2) Par.?

doṣātivṛddhyā mande 'gnau saṃśuddho 'nnavidhiṃ caret / (74.1) Par.?

vyādhimuktasya mande 'gnau sarpireva tu dīpanam // (74.2) Par.?

adhvopavāsakṣāmatvair yavāgvā pāyayed ghṛtam / (75.1) Par.?

annāvapīḍitaṃ balyaṃ dīpanaṃ bṛṃhaṇaṃ ca tat // (75.2) Par.?

dīrghakālaprasaṅgāt tu kṣāmakṣīṇakṛśān narān / (76.1) Par.?

prasahānāṃ rasaiḥ sāmlair bhojayet piśitāśinām // (76.2) Par.?

laghūṣṇakaṭuśodhitvād dīpayantyāśu te 'nalam / (77.1) Par.?

māṃsopacitamāṃsatvāt paraṃ ca balavardhanāḥ // (77.2) Par.?

snehāsavasurāriṣṭacūrṇakvāthahitāśanaiḥ / (78.1) Par.?

samyakprayuktair dehasya balam agneśca vardhate // (78.2) Par.?

dīpto yathaiva sthāṇuśca bāhyo 'gniḥ sāradārubhiḥ / (79.1) Par.?

sasnehair jāyate tadvad āhāraiḥ koṣṭhago 'nalaḥ // (79.2) Par.?

nābhojanena kāyāgnir dīpyate nātibhojanāt / (80.1) Par.?

yathā nirindhano vahniralpo vātīndhanāvṛtaḥ // (80.2) Par.?

yadā kṣīṇe kaphe pittaṃ svasthāne pavanānugam / (81.1) Par.?

pravṛddhaṃ vardhayatyagniṃ tadāsau sānilo 'nalaḥ // (81.2) Par.?

paktvānnam āśu dhātūṃśca sarvān ojaśca saṃkṣipan / (82.1) Par.?

mārayet syāt sa nā svastho bhukte jīrṇe tu tāmyati // (82.2) Par.?

tṛṭkāsadāhamūrchādyā vyādhayo 'tyagnisaṃbhavāḥ / (83.1) Par.?

tam atyagniṃ gurusnigdhamandasāndrahimasthiraiḥ // (83.2) Par.?

annapānair nayecchāntiṃ dīptam agnim ivāmbubhiḥ / (84.1) Par.?

muhur muhurajīrṇe 'pi bhojyānyasyopahārayet // (84.2) Par.?

nirindhano 'ntaraṃ labdhvā yathainaṃ na vipādayet / (85.1) Par.?

kṛśarāṃ pāyasaṃ snigdhaṃ paiṣṭikaṃ guḍavaikṛtam // (85.2) Par.?

aśnīyād audakānūpapiśitāni bhṛtāni ca / (86.1) Par.?

matsyān viśeṣataḥ ślakṣṇān sthiratoyacarāśca ye // (86.2) Par.?

āvikaṃ subhṛtaṃ māṃsam adyād atyagnivāraṇam / (87.1) Par.?

payaḥ sahamadhūcchiṣṭaṃ ghṛtaṃ vā tṛṣitaḥ pibet // (87.2) Par.?

godhūmacūrṇaṃ payasā bahusarpiḥpariplutam / (88.1) Par.?

ānūparasayuktān vā snehāṃs tailavivarjitān // (88.2) Par.?

śyāmātrivṛdvipakvaṃ vā payo dadyād virecanam / (89.1) Par.?

asakṛt pittaharaṇaṃ pāyasapratibhojanam // (89.2) Par.?

yat kiṃcid guru medyaṃ ca śleṣmakāri ca bhojanam / (90.1) Par.?

sarvaṃ tad atyagnihitaṃ bhuktvā ca svapanaṃ divā // (90.2) Par.?

āhāram agniḥ pacati doṣān āhāravarjitaḥ / (91.1) Par.?

dhātūn kṣīṇeṣu doṣeṣu jīvitaṃ dhātusaṃkṣaye // (91.2) Par.?

etat prakṛtyaiva viruddham annaṃ saṃyogasaṃskāravaśena cedam / (92.1) Par.?

ityādi avijñāya yatheṣṭaceṣṭāścaranti yat sāgnibalasya śaktiḥ // (92.2) Par.?

tasmād agniṃ pālayet sarvayatnais tasmin naṣṭe yāti nā nāśam eva / (93.1) Par.?

doṣair graste grasyate rogasaṃghair yukte tu syān nīrujo dīrghajīvī // (93.2) Par.?

Duration=0.36208701133728 secs.