Texts

Help

Select a text:
Bibliography
Select a chapter:
 (no revisions)
Associated topic(s): Yoga

Show parallels  Show headlines
Use dependency labeler
Chapter id: 2122
  • Click on a sentence to show its analysis
  • Keep the mouse pointer over a lemma to show its meanings.
aṇimā paramāṇurūpatāpattiḥ // (1) Par.?
laghimā tūlapiṇḍavallaghutvaprāptiḥ // (2) Par.?
garimā gurutvaprāptiḥ // (3) Par.?
mahimā mahattvaprāptiḥ aṅgulyagreṇa candrādisparśanaśaktiḥ // (4) Par.?
prākāmyam icchānabhighātaḥ // (5) Par.?
śarīrāntaḥkaraṇeśvaratvam īśitvam // (6) Par.?
sarvatra prabhaviṣṇutā vaśitvaṃ sarvāṇy eva bhūtāṇi anurāgitvāt taduktaṃ nātikrāmanti // (7) Par.?
kāmāvasāyitvaṃ sarvatra kāmāvasāyo yasmin viṣaye'sya kāma icchā bhavati tasmin viṣaye yogino 'vasāyo bhavati taṃ viṣayaṃ svīkāradvāreṇābhilāṣasamāptiparyantaṃ nayatītyarthaḥ // (8) Par.?
tatra te aṇimādyāḥ samādhyupayogino bhūtajayāt yoginaḥ prādurbhavanti // (9) Par.?
yathā paramāṇutvaṃ prāpto vajrādīnāmapyantaḥ praviśati // (10) Par.?
evaṃ sarvatra yojyam // (11) Par.?
ete'ṇimādayo'ṣṭau guṇā mahāsiddhaya ityucyante // (12) Par.?
kāyasampad vakṣyamāṇā tāṃ prāpnoti // (13) Par.?
taddharmānabhighātaś ca tasya kāyasya ye dharmā rūpādayasteṣāmabhighāto nāśo nāsya kutaścid api bhavati // (14) Par.?
nāsya rūpamagnirdahati na ca vāyuḥ śoṣayati ityādi yojyam // (15) Par.?
kāyasampadam āha // (16.1) Par.?
Duration=0.06709885597229 secs.