Texts

viṣaṃ vyoṣaṃ haridrābdaṃ nimbapatraṃ viḍaṅgakam / (1.1) Par.?

guṭī chāgāmbunā baddhā syājjayā yogavāhikā // (1.2) Par.?

sūtārkayorviṣaṃ gandhaṃ viṅgaṃgāgnyabdakesaram / (2.1) Par.?

reṇukā granthikaṃ bolaṃ sarveṣāṃ dviguṇaṃ guḍam // (2.2) Par.?

kolapramāṇāṃ guṭikāṃ bhakṣayetprātareva hi / (3.1) Par.?

kāse śvāse kṣaye gulme pramehe viṣamajvare // (3.2) Par.?

śoke pāṇḍvāmaye kuṣṭhe grahaṇyarśobhagandare / (4.1) Par.?

vijayāguṭikā hyeṣā rudraproktādhikā guṇaiḥ // (4.2) Par.?

aṅkolāgnī ca gandhoṣaṇarasaviṣakaṃ pittabhājaṃ kramāt tatsāmudraṃ cārkadugdhaistribhiratha puṭitaṃ nimbutoyairvimardya / (5.1) Par.?

kṛtvā guñjāsamānām iṣuśararasadigvahnibāṇeṣudigbhir dadyācchleṣmānilārśo jvaraṃ jaṭharaṃ kaphetāṃ vaṭīṃ śaṅkarākhyām // (5.2) Par.?

ciñcākṣārapalaṃ paṭuvrajapalaṃ nimbūrasaiḥ kalkitaṃ tasmiñchaṅkhapalaṃ prataptamasakṛnnirvāpya śīrṇāvadhim / (6.1) Par.?

hiṅguvyoṣapalaṃ rasāmṛtabalīnnikṣipya niṣkāṃśakān baddhā śaṅkhavaṭī kṣayagrahaṇikāgulmāṃśca śūlaṃ jayet // (6.2) Par.?

rasaṃ kṛṣṇābhayā tvakṣaṃ vāsā bhārgī kramottaram / (7.1) Par.?

tatsamaṃ khādiraṃ sāraṃ babbūlakvāthabhāvitam // (7.2) Par.?

ekaviṃśativārāṃśca madhunākṣamitā vaṭī / (8.1) Par.?

kāsaṃ śvāsaṃ kṣayaṃ hikkāṃ hantyeṣā kāsakartarī // (8.2) Par.?

vyoṣagranthi vacāgni hiṃgu jaraṇadvandvaṃ viṣaṃ nimbukaṃ drāvair ārdrakair aservimṛṣitaṃ tulyau marīcopamā / (9.1) Par.?

vartiḥ sā vinihanti śūlamakhilaṃ sarvāṅgajaṃ mārutam vahniṃ cāśu karoti vāḍavasamaṃ sūryaprabhāvābhidhā // (9.2) Par.?

elā sakarpūrasitā sadhātrī jātīphalaṃ śālmaligokṣurau ca / (10.1) Par.?

sūtendravaṅgāyasabhasma sarvam etatsamānaṃ paribhāvayecca // (10.2) Par.?

guḍūcikā śālmalikā kaṣāyair niṣkārdhamānā madhunā tataśca / (11.1) Par.?

baddhā guṭī candrakaleti saṃjñā meheṣu sarveṣu niyojanīyā // (11.2) Par.?

hiṅgulaṃ ca caturjātaṃ lavaṅgauṣadhacandanam / (12.1) Par.?

jātijaṃ kesaraṃ kṛṣṇā tvākallamahiphenakam // (12.2) Par.?

kastūrīndusamaṃ sarvaṃ tatsame vijayāsite / (13.1) Par.?

kṣaudraiḥ kolamitā kāryā guṭī bhogapurandarī // (13.2) Par.?

śukrastambhakarī hyeṣā balamāṃsavivardhinī / (14.1) Par.?

naraścaṭakavad gacchecchatavāraṃ sthirendriyaḥ // (14.2) Par.?

vaṅgaṃ kāsīsakaṃ kṛṣṇā guñjātulyārdrakāmbunā / (15.1) Par.?

kaphavātāmayaṃ hanti guṭī nāgārjunābhidhā // (15.2) Par.?

triphalā viḍaṅgasomābhallātakavahniviśvānām / (16.1) Par.?

aṣṭau śuklavacāyā bhāgāḥ syuḥ sadviṣasyaikaḥ / (16.2) Par.?

etatsarvaṃ gojalapiṣṭaṃ vaṭikāstu caṇakābhāḥ / (16.3) Par.?

chāyāśuṣkā deyā tridvyekacatuḥkramād vijñaiḥ // (16.4) Par.?

sārpavisūcigadārte duṣṭājīrṇahate tridoṣe'pi / (17.1) Par.?

sadyo jīvati puruṣo mṛto'pi guṭikāprabhāveṇa // (17.2) Par.?

mūlena patreṇa phalena vāpi vyoṣānvitā yā kitavodbhavena / (18.1) Par.?

baddhā guṭī sā sahasaiva hanti sonmādadoṣatrayaduṣṭavātān // (18.2) Par.?

kaṭphalāmbugilaṃ kṛṣṇāṃ hiṅgulaṃ bolaṭaṅkaṇam / (19.1) Par.?

guḍena guṭikā śāṇamitā sā navame'hni // (19.2) Par.?

uṣṇodakena dātavyā sadyo 'larkaviṣāpahā / (20.1) Par.?

garabhṛṅgoṣaṇaṃ cūrṇaṃ sājyaṃ vā tadviṣāpaham // (20.2) Par.?

rasarājaśulvagandhakasuratiktaiḥ pītabhṛṅgamaricaiśca / (21.1) Par.?

brāhmīdvitayarasāḍhyā guṭikāḥ kāryāścaṇakābhāḥ // (21.2) Par.?

ekā deyā prathamaṃ tridoṣavikalasya mūrchitasyāpi / (22.1) Par.?

anyā muhūrtaparataḥ praharād anyāparā naiva // (22.2) Par.?

jīvati mṛto'pi puruṣas tridoṣajānvitatandrikāyuktaḥ / (23.1) Par.?

śrīnāgārjunagaditā guṭikā mṛtasaṃjīvanīkhyātā // (23.2) Par.?

elavālukābhayābolamindrā guggulusaṃyutā / (24.1) Par.?

snuhīkṣīreṇa guṭikā śothinī jvaranāśinī // (24.2) Par.?

varā vyoṣaṃ varaṃ tutthaṃ yaṣṭī vellārkavārijam / (25.1) Par.?

rodhraṃ rasāñjanaṃ cūrṇaṃ vartiḥ kāryā nabho'mbunā // (25.2) Par.?

sadyo'kṣikopaṃ stanyena timiraṃ rodhratoyataḥ / (26.1) Par.?

kiṃśukasya rasāddhanti billaṃ puṣpaṃ ca raktatām // (26.2) Par.?

paṭalaṃ vastamūtreṇa stambhe pāṭalipatane / (27.1) Par.?

nāgārjunena likhitā sarvanetrāmayāpahā // (27.2) Par.?

vyoṣaṃ varā varaṃ hiṅgu tiktogrā naktamālakaḥ / (28.1) Par.?

gaurī kaṭu tvajāmūtraiś chāyāśuṣkā guṭīkṛtā // (28.2) Par.?

apasmārasmṛtibhraṃśamunmādaṃ śiraso rujam / (29.1) Par.?

naktāndhyaṃ timiraṃ hanti doṣaṃ bhūtādikaṃ bhramam // (29.2) Par.?

ekadvitricaturthākhyaṃ mañjanāj jvarameva ca / (30.1) Par.?

sannipātaṃ tvacaitanyaṃ nāśayet supracetanam // (30.2) Par.?

saindhavena yuktaṃ vajrīkṣīram agnivipācitam / (31.1) Par.?

dvivallamuṣṇakaiḥ pītaṃ virekājjvaranāśanam // (31.2) Par.?

lavaṇaṃ bhānudugdhena sakṛdbhāvitamātape / (32.1) Par.?

gavyena payasā pītaṃ karṣārdhaṃ vāntikārakam // (32.2) Par.?

sūtendraṃ balitālakaṃ ca kunaṭī khalve samāṃśaṃ dinaṃ sauvīreṇa vimardya tena vasanaṃ vartīkṛtaṃ lepayet / (33.1) Par.?

tailena pravilepitaṃ ca bahuśo vahniṃ tato dīpayet tasmādyadgalitaṃ tu tailamasitaṃ tenāṅgalepaḥ kṛtaḥ // (33.2) Par.?

jaṅghābāhukarāgrapādaśirasāṃ kampānaśeṣāñjayet kuṣṭhaṃ tīvrabhagandaraṃ vraṇagaṇānrogānmahāgṛdhrasīm / (34.1) Par.?

anyān rogagaṇāṃśca vātajanitānnāḍīvraṇāndustarān / (34.2) Par.?

vikhyātaṃ bhuvanatraye gadaharaṃ vātāritailaṃ mahat // (34.3) Par.?

rāmaṭhaṃ nimbapatrāṇi phenaḥ sāgarasaṃbhavaḥ / (35.1) Par.?

etāni samabhāgāni tadvaddeyaṃ sitaṃ viṣam // (35.2) Par.?

gomūtreṇa samāyuktaṃ kaṭutailaṃ vipācayet / (36.1) Par.?

tenaiva pūrayetkarṇaṃ narakuñjaravājinām // (36.2) Par.?

karṇarogaṃ nihantyāśu lepanācchiraso gadān / (37.1) Par.?

nāmnā karṇāmṛtaṃ tailaṃ brahmaṇā nirmitaṃ svayam // (37.2) Par.?

kastūrīnduśca bāhlīkaṃ nakhaṃ māṃsī ca sarjakam / (38.1) Par.?

mustāguru sitā sarvaṃ kramavṛddhaṃ samaṃ puram // (38.2) Par.?

stokaṃ stokaṃ kṣipettailaṃ dinaikamatha kuṭṭayet / (39.1) Par.?

vartiṃ nirvāpayet dīptāṃ divyaṃ dhūmaṃ vimuñcati // (39.2) Par.?

sarvadevapriyaḥ sarvaḥ mantrasiddhipradāyakaḥ / (40.1) Par.?

snāne vastre ratāgāre dhūpo'yaṃ rājavallabhaḥ / (40.2) Par.?

bhvagnitithimite varṣe cāmuṇḍo yoginīpure / (40.3) Par.?

rasasaṃketakalikāṃ kṛtavān iṣṭasiddhidām // (40.4) Par.?