Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4534

Click on a sentence to show its analysis
Keep the mouse pointer over a lemma to show its meanings.

athātaḥ kuṣṭhacikitsitaṃ vyākhyāsyāmaḥ / (1.1) Par.?

iti ha smāhur ātreyādayo maharṣayaḥ / (1.2) Par.?

kuṣṭhinaṃ snehapānena pūrvaṃ sarvam upācaret / (1.3) Par.?

tatra vātottare tailaṃ ghṛtaṃ vā sādhitaṃ hitam // (1.4) Par.?

daśamūlāmṛtairaṇḍaśārṅgaṣṭāmeṣaśṛṅgibhiḥ / (2.1) Par.?

paṭolanimbakaṭukādārvīpāṭhādurālabhāḥ // (2.2) Par.?

parpaṭaṃ trāyamāṇāṃ ca palāṃśaṃ pācayed apām / (3.1) Par.?

dvyāḍhake 'ṣṭāṃśaśeṣeṇa tena karṣonmitais tathā // (3.2) Par.?

trāyantīmustabhūnimbakaliṅgakaṇacandanaiḥ / (4.1) Par.?

sarpiṣo dvādaśapalaṃ pacet tat tiktakaṃ jayet // (4.2) Par.?

pittakuṣṭhaparīsarpapiṭikādāhatṛḍbhramān / (5.1) Par.?

kaṇḍūpāṇḍvāmayān gaṇḍān duṣṭanāḍīvraṇāpacīḥ // (5.2) Par.?

visphoṭavidradhīgulmaśophonmādamadān api / (6.1) Par.?

hṛdrogatimiravyaṅgagrahaṇīśvitrakāmalāḥ // (6.2) Par.?

bhagandaram apasmāram udaraṃ pradaraṃ garam / (7.1) Par.?

arśo'srapittam anyāṃśca sukṛcchrān pittajān gadān // (7.2) Par.?

saptacchadaḥ parpaṭakaḥ śamyākaḥ kaṭukā vacā / (8.1) Par.?

triphalā padmakaṃ pāṭhā rajanyau śārive kaṇe // (8.2) Par.?

nimbacandanayaṣṭyāhvaviśālendrayavāmṛtāḥ / (9.1) Par.?

kirātatiktakaṃ sevyaṃ vṛṣo mūrvā śatāvarī // (9.2) Par.?

paṭolātiviṣāmustātrāyantīdhanvayāsakam / (10.1) Par.?

tair jale 'ṣṭaguṇe sarpir dviguṇāmalakīrase // (10.2) Par.?

siddhaṃ tiktān mahātiktaṃ guṇairabhyadhikaṃ matam / (11.1) Par.?

kaphottare ghṛtaṃ siddhaṃ nimbasaptāhvacitrakaiḥ // (11.2) Par.?

kuṣṭhoṣaṇavacāśālapriyālacaturaṅgulaiḥ / (12.1) Par.?

sarveṣu cāruṣkarajaṃ tauvaraṃ sārṣapaṃ pibet // (12.2) Par.?

snehaṃ ghṛtaṃ vā kṛmijitpathyābhallātakaiḥ śṛtam / (13.1) Par.?

āragvadhasya mūlena śatakṛtvaḥ śṛtaṃ ghṛtam // (13.2) Par.?

piban kuṣṭhaṃ jayatyāśu bhajan sakhadiraṃ jalam / (14.1) Par.?

ebhireva yathāsvaṃ ca snehairabhyañjanaṃ hitam // (14.2) Par.?

snigdhasya śodhanaṃ yojyaṃ visarpe yad udāhṛtam / (15.1) Par.?

lalāṭahastapādeṣu sirāścāsya vimokṣayet // (15.2) Par.?

pracchānam alpake kuṣṭhe śṛṅgādyāśca yathāyatham / (16.1) Par.?

snehairāpyāyayeccainaṃ kuṣṭhaghnairantarāntarā // (16.2) Par.?

muktaraktaviriktasya riktakoṣṭhasya kuṣṭhinaḥ / (17.1) Par.?

prabhañjanas tathā hyasya na syād dehaprabhañjanaḥ // (17.2) Par.?

vāsāmṛtānimbavarāpaṭolavyāghrīkarañjodakakalkapakvam / (18.1) Par.?

sarpir visarpajvarakāmalāsrakuṣṭhāpahaṃ vajrakam āmananti // (18.2) Par.?

triphalātrikaṭudvikaṇṭakārīkaṭukākumbhanikumbharājavṛkṣaiḥ / (19.1) Par.?

savacātiviṣāgnikaiḥ sapāṭhaiḥ picubhāgair navavajradugdhamuṣṭyā // (19.2) Par.?

piṣṭaiḥ siddhaṃ sarpiṣaḥ prastham ebhiḥ krūre koṣṭhe snehanaṃ recanaṃ ca / (20.1) Par.?

kuṣṭhaśvitraplīhavardhmāśmagulmān hanyāt kṛcchrāṃs tan mahāvajrakākhyam // (20.2) Par.?

dantyāḍhakam apāṃ droṇe paktvā tena ghṛtaṃ pacet / (21.1) Par.?

dhāmārgavapale pītaṃ tad ūrdhvādho viśuddhikṛt // (21.2) Par.?

āvartakītulāṃ droṇe paced aṣṭāṃśaśeṣitam / (22.1) Par.?

tanmūlais tatra niryūhe ghṛtaprasthaṃ vipācayet // (22.2) Par.?

pītvā tad ekadivasāntaritaṃ sujīrṇe bhuñjīta kodravam asaṃskṛtakāñjikena / (23.1) Par.?

kuṣṭhaṃ kilāsam apacīṃ ca vijetum icchan icchan prajāṃ ca vipulāṃ grahaṇaṃ smṛtiṃ ca // (23.2) Par.?

yater lelītakavasā kṣaudrajātīrasānvitā / (24.1) Par.?

kuṣṭhaghnī samasarpir vā sagāyatryasanodakā // (24.2) Par.?

śālayo yavagodhūmāḥ koradūṣāḥ priyaṅgavaḥ / (25.1) Par.?

mudgā masūrās tuvarī tiktaśākāni jāṅgalam // (25.2) Par.?

varāpaṭolakhadiranimbāruṣkarayojitam / (26.1) Par.?

madyānyauṣadhagarbhāṇi mathitaṃ cendurājimat // (26.2) Par.?

annapānaṃ hitaṃ kuṣṭhe na tvamlalavaṇoṣaṇam / (27.1) Par.?

dadhidugdhaguḍānūpatilamāṣāṃs tyajettarām // (27.2) Par.?

paṭolamūlatriphalāviśālāḥ pṛthaktribhāgāpacitatriśāṇāḥ / (28.1) Par.?

syus trāyamāṇā kaṭurohiṇī ca bhāgārdhike nāgarapādayukte // (28.2) Par.?

etat palaṃ jarjaritaṃ vipakvaṃ jale pibed doṣaviśodhanāya / (29.1) Par.?

jīrṇe rasair dhanvamṛgadvijānāṃ purāṇaśālyodanam ādadīta // (29.2) Par.?

kuṣṭhaṃ kilāsaṃ grahaṇīpradoṣam arśāṃsi kṛcchrāṇi halīmakaṃ ca / (30.1) Par.?

ṣaḍrātrayogena nihanti caitaddhṛdvastiśūlaṃ viṣamajvaraṃ ca // (30.2) Par.?

viḍaṅgasārāmalakābhayānāṃ palatrayaṃ trīṇi palāni kumbhāt / (31.1) Par.?

guḍasya ca dvādaśa māsam eṣa jitātmanāṃ hantyupayujyamānaḥ // (31.2) Par.?

kuṣṭhaśvitraśvāsakāsodarārśomehaplīhagranthirugjantugulmān / (32.1) Par.?

siddhaṃ yogaṃ prāha yakṣo mumukṣor bhikṣoḥ prāṇān māṇibhadraḥ kilemam // (32.2) Par.?

bhūnimbanimbatriphalāpadmakātiviṣākaṇāḥ / (33.1) Par.?

mūrvāpaṭolīdviniśāpāṭhātiktendravāruṇīḥ // (33.2) Par.?

sakaliṅgavacās tulyā dviguṇāśca yathottaram / (34.1) Par.?

lihyād dantītrivṛdbrāhmīś cūrṇitā madhusarpiṣā // (34.2) Par.?

kuṣṭhamehaprasuptīnāṃ paramaṃ syāt tad auṣadham / (35.1) Par.?

varāviḍaṅgakṛṣṇā vā lihyāt tailājyamākṣikaiḥ // (35.2) Par.?

kākodumbarikāvellanimbābdavyoṣakalkavān / (36.1) Par.?

hanti vṛkṣakaniryūhaḥ pānāt sarvāṃs tvagāmayān // (36.2) Par.?

kuṭajāgninimbanṛpatarukhadirāsanasaptaparṇaniryūhe / (37.1) Par.?

siddhā madhughṛtayuktāḥ kuṣṭhaghnīr bhakṣayed abhayāḥ / (37.2) Par.?

dārvīkhadiranimbānāṃ tvakkvāthaḥ kuṣṭhasūdanaḥ // (37.3) Par.?

niśottamānimbapaṭolamūlatiktāvacālohitayaṣṭikābhiḥ / (38.1) Par.?

kṛtaḥ kaṣāyaḥ kaphapittakuṣṭhaṃ susevito dharma ivocchinatti // (38.2) Par.?

ebhireva ca śṛtaṃ ghṛtam ukhyaṃ bheṣajair jayati mārutakuṣṭham / (39.1) Par.?

kalpayet khadiranimbaguḍūcīdevadārurajanīḥ pṛthag evam // (39.2) Par.?

pāṭhādārvīvahnighuṇeṣṭākaṭukābhir mūtraṃ yuktaṃ śakrayavaiścoṣṇajalaṃ vā / (40.1) Par.?

kuṣṭhī pītvā māsam aruk syād gudakīlī mehī śophī pāṇḍurajīrṇī kṛmimāṃśca // (40.2) Par.?

lākṣādantīmadhurasavarādvīpipāṭhāviḍaṅgapratyakpuṣpītrikaṭurajanīsaptaparṇāṭarūṣam / (41.1) Par.?

raktā nimbaṃ surataru kṛtaṃ pañcamūlyau ca cūrṇaṃ pītvā māsaṃ jayati hitabhug gavyamūtreṇa kuṣṭham // (41.2) Par.?

niśākaṇānāgaravellatauvaraṃ savahnitāpyaṃ kramaśo vivardhitam / (42.1) Par.?

gavāmbupītaṃ vaṭakīkṛtaṃ tathā nihanti kuṣṭhāni sudāruṇānyapi // (42.2) Par.?

trikaṭūttamātilāruṣkarājyamākṣikasitopalāvihitā / (43.1) Par.?

guṭikā rasāyanaṃ kuṣṭhajicca vṛṣyā ca saptasamā // (43.2) Par.?

candraśakalāgnirajanīviḍaṅgatuvarāsthyaruṣkaratriphalābhiḥ / (44.1) Par.?

vaṭakā guḍāṃśakﾱptāḥ samastakuṣṭhāni nāśayantyabhyastāḥ // (44.2) Par.?

viḍaṅgabhallātakavākucīnāṃ sadvīpivārāhiharītakīnām / (45.1) Par.?

salāṅgalīkṛṣṇatilopakulyā guḍena piṇḍī vinihanti kuṣṭham // (45.2) Par.?

śaśāṅkalekhā saviḍaṅgasārā sapippalīkā sahutāśamūlā / (46.1) Par.?

sāyomalā sāmalakā satailā kuṣṭhāni kṛcchrāṇi nihanti līḍhā // (46.2) Par.?

pathyātilaguḍaiḥ piṇḍī kuṣṭhaṃ sāruṣkarair jayet / (47.1) Par.?

guḍāruṣkarajantughnasomarājīkṛtāthavā // (47.2) Par.?

viḍaṅgādrijatukṣaudrasarpiṣmat khādiraṃ rajaḥ / (48.1) Par.?

kiṭibhaśvitradadrūghnaṃ khāden mitahitāśanaḥ // (48.2) Par.?

sitātailakṛmighnāni dhātryayomalapippalīḥ / (49.1) Par.?

lihānaḥ sarvakuṣṭhāni jayatyatigurūṇyapi // (49.2) Par.?

mustaṃ vyoṣaṃ triphalā mañjiṣṭhā dāru pañcamūle dve / (50.1) Par.?

saptacchadanimbatvak saviśālā citrako mūrvā // (50.2) Par.?

cūrṇaṃ tarpaṇabhāgair navabhiḥ saṃyojitaṃ samadhvaṃśam / (51.1) Par.?

nityaṃ kuṣṭhanibarhaṇam etat prāyogikaṃ khādan // (51.2) Par.?

śvayathuṃ sapāṇḍurogaṃ śvitraṃ grahaṇīpradoṣam arśāṃsi / (52.1) Par.?

vardhmabhagandarapiṭikākaṇḍūkoṭhāpacīr hanti // (52.2) Par.?

rasāyanaprayogeṇa tuvarāsthīni śīlayet / (53.1) Par.?

bhallātakaṃ vākucikāṃ vahnimūlaṃ śilāhvayam // (53.2) Par.?

iti doṣe vijite 'ntastvaksthe śamanaṃ bahiḥ pralepādi hitam / (54.1) Par.?

tīkṣṇālepotkliṣṭaṃ kuṣṭhaṃ hi vivṛddhim eti maline dehe // (54.2) Par.?

sthirakaṭhinamaṇḍalānāṃ kuṣṭhānāṃ poṭalair hitaḥ svedaḥ / (55.1) Par.?

svinnotsannaṃ kuṣṭhaṃ śastrair likhitaṃ pralepanair limpet // (55.2) Par.?

yeṣu na śastraṃ kramate sparśendriyanāśaneṣu kuṣṭheṣu / (56.1) Par.?

teṣu nipātyaḥ kṣāro raktaṃ doṣaṃ ca visrāvya // (56.2) Par.?

lepo 'tikaṭhinaparuṣe supte kuṣṭhe sthire purāṇe ca / (57.1) Par.?

pītāgadasya kāryo viṣaiḥ samantro 'gadaiścānu // (57.2) Par.?

stabdhāni suptasuptānyasvedanakaṇḍulāni kuṣṭhāni / (58.1) Par.?

ghṛṣṭāni śuṣkagomayaphenakaśastraiḥ pradehyāni // (58.2) Par.?

mustā triphalā madanaṃ karañja āragvadhaḥ kaliṅgayavāḥ / (59.1) Par.?

saptāhvakuṣṭhaphalinīdārvyaḥ siddhārthakaṃ snānam // (59.2) Par.?

eṣa kaṣāyo vamanaṃ virecanaṃ varṇakas tathodgharṣaḥ / (60.1) Par.?

tvagdoṣakuṣṭhaśophaprabādhanaḥ pāṇḍurogaghnaḥ // (60.2) Par.?

karavīranimbakuṭajācchamyākāccitrakācca mūlānām / (61.1) Par.?

mūtre darvīlepī kvātho lepena kuṣṭhaghnaḥ // (61.2) Par.?

śvetakaravīramūlaṃ kuṭajakarañjāt phalaṃ tvaco dārvyāḥ / (62.1) Par.?

sumanaḥpravālayukto lepaḥ kuṣṭhāpahaḥ siddhaḥ // (62.2) Par.?

śairīṣī tvak puṣpaṃ kārpāsyā rājavṛkṣapattrāṇi / (63.1) Par.?

piṣṭā ca kākamācī caturvidhaḥ kuṣṭhahā lepaḥ // (63.2) Par.?

vyoṣasarṣapaniśāgṛhadhūmair yāvaśūkapaṭucitrakakuṣṭhaiḥ / (64.1) Par.?

kolamātraguṭikārdhaviṣāṃśā śvitrakuṣṭhaharaṇo varalepaḥ // (64.2) Par.?

nimbaṃ haridre surasaṃ paṭolaṃ kuṣṭhāśvagandhe suradāru śigruḥ / (65.1) Par.?

sasarṣapaṃ tumburudhānyavanyaṃ caṇḍā ca cūrṇāni samāni kuryāt // (65.2) Par.?

tais takrapiṣṭaiḥ prathamaṃ śarīraṃ tailāktam udvartayituṃ yateta / (66.1) Par.?

tathāsya kaṇḍūḥ piṭikāḥ sakoṭhāḥ kuṣṭhāni śophāśca śamaṃ vrajanti // (66.2) Par.?

mustāmṛtāsaṅgakaṭaṅkaṭerīkāsīsakampillakakuṣṭhalodhrāḥ / (67.1) Par.?

gandhopalaḥ sarjaraso viḍaṅgaṃ manaḥśilāle karavīrakatvak // (67.2) Par.?

tailāktagātrasya kṛtāni cūrṇānyetāni dadyād avacūrṇanārtham / (68.1) Par.?

dadrūḥ sakaṇḍūḥ kiṭibhāni pāmā vicarcikā ceti tathā na santi // (68.2) Par.?

snuggaṇḍe sarṣapāt kalkaḥ kukūlānalapācitaḥ / (69.1) Par.?

lepād vicarcikāṃ hanti rāgavega iva trapām // (69.2) Par.?

manaḥśilāle maricāni tailam ārkaṃ payaḥ kuṣṭhaharaḥ pradehaḥ / (70.1) Par.?

tathā karañjaprapunāṭabījaṃ kuṣṭhānvitaṃ gosalilena piṣṭam // (70.2) Par.?

guggulumaricaviḍaṅgaiḥ sarṣapakāsīsasarjarasamustaiḥ / (71.1) Par.?

śrīveṣṭakālagandhair manaḥśilākuṣṭhakampillaiḥ // (71.2) Par.?

ubhayaharidrāsahitaiścākrikatailena miśritairebhiḥ / (72.1) Par.?

dinakarakarābhitaptaiḥ kuṣṭhaṃ ghṛṣṭaṃ ca naṣṭaṃ ca // (72.2) Par.?

maricaṃ tamālapattraṃ kuṣṭhaṃ samanaḥśilaṃ sakāsīsam / (73.1) Par.?

tailena yuktam uṣitaṃ saptāhaṃ bhājane tāmre // (73.2) Par.?

tenāliptaṃ sidhmaṃ saptāhād gharmasevino 'paiti / (74.1) Par.?

māsān navaṃ kilāsaṃ snānena vinā viśuddhasya // (74.2) Par.?

mayūrakakṣārajale saptakṛtvaḥ parisrute / (75.1) Par.?

siddhaṃ jyotiṣmatītailam abhyaṅgāt sidhmanāśanam // (75.2) Par.?

vāyasajaṅghāmūlaṃ vamanīpattrāṇi mūlakād bījam / (76.1) Par.?

takreṇa bhaumavāre lepaḥ sidhmāpahaḥ siddhaḥ // (76.2) Par.?

Rezept gegen vipādikā

jīvantī mañjiṣṭhā dārvī kampillakaṃ payas tuttham / (77.1) Par.?

eṣa ghṛtatailapākaḥ siddhaḥ siddhe ca sarjarasaḥ // (77.2) Par.?

deyaḥ samadhūcchiṣṭo vipādikā tena naśyati hyaktā / (78.1) Par.?

carmaikakuṣṭhakiṭibhaṃ kuṣṭhaṃ śāmyatyalasakaṃ ca // (78.2) Par.?

mūlaṃ saptāhvāt tvak śirīṣāśvamārād arkān mālatyāścitrakāsphotanimbāt / (79.1) Par.?

bījaṃ kārañjaṃ sārṣapaṃ prāpunāṭam śreṣṭhā jantughnaṃ tryūṣaṇaṃ dve haridre // (79.2) Par.?

tailaṃ tailaṃ sādhitaṃ taiḥ samūtrais tvagdoṣāṇāṃ duṣṭanāḍīvraṇānām / (80.1) Par.?

abhyaṅgena śleṣmavātodbhavānāṃ nāśāyālaṃ vajrakaṃ vajratulyam // (80.2) Par.?

eraṇḍatārkṣyaghananīpakadambabhārgīkampillavellaphalinīsuravāruṇībhiḥ / (81.1) Par.?

nirguṇḍyaruṣkarasurāhvasuvarṇadugdhāśrīveṣṭagugguluśilāpaṭutālaviśvaiḥ // (81.2) Par.?

tulyasnugarkadugdhaṃ siddhaṃ tailaṃ smṛtaṃ mahāvajram / (82.1) Par.?

atiśayitavajrakaguṇaṃ śvitrārśogranthimālāghnam // (82.2) Par.?

kuṣṭhāśvamārabhṛṅgārkamūtrasnukkṣīrasaindhavaiḥ / (83.1) Par.?

tailaṃ siddhaṃ viṣāpaham abhyaṅgāt kuṣṭhajit param // (83.2) Par.?

siddhaṃ sikthakasindūrapuratutthakatārkṣyajaiḥ / (84.1) Par.?

kacchūṃ vicarcikāṃ cāśu kaṭutailaṃ nibarhati // (84.2) Par.?

lākṣā vyoṣaṃ prāpunāṭaṃ ca bījaṃ saśrīveṣṭaṃ kuṣṭhasiddhārthakāśca / (85.1) Par.?

takronmiśraḥ syāddharidrā ca lepo dadrūṣūkto mūlakotthaṃ ca bījam // (85.2) Par.?

citrakaśobhāñjanakau guḍūcyapāmārgadevadārūṇi / (86.1) Par.?

khadiro dhavaśca lepaḥ śyāmā dantī dravantī ca // (86.2) Par.?

lākṣārasāñjanailāḥ punarnavā ceti kuṣṭhināṃ lepāḥ / (87.1) Par.?

dadhimaṇḍayutāḥ pādaiḥ ṣaṭ proktā mārutakaphaghnāḥ // (87.2) Par.?

jalavāpyalohakesarapattraplavacandanamṛṇālāni / (88.1) Par.?

bhāgottarāṇi siddhaṃ pralepanaṃ pittakaphakuṣṭhe // (88.2) Par.?

tiktaghṛtair dhautaghṛtairabhyaṅgo dahyamānakuṣṭheṣu / (89.1) Par.?

tailaiścandanamadhukaprapauṇḍarīkotpalayutaiśca // (89.2) Par.?

klede prapatati cāṅge dāhe visphoṭake ca carmadale / (90.1) Par.?

śītāḥ pradehasekā vyadhanavirekau ghṛtaṃ tiktam // (90.2) Par.?

khadiravṛṣanimbakuṭajāḥ śreṣṭhākṛmijitpaṭolamadhuparṇyaḥ / (91.1) Par.?

antar bahiḥ prayuktāḥ kṛmikuṣṭhanudaḥ sagomūtrāḥ // (91.2) Par.?

vātottareṣu sarpir vamanaṃ śleṣmottareṣu kuṣṭheṣu / (92.1) Par.?

pittottareṣu mokṣo raktasya virecanaṃ cāgre // (92.2) Par.?

ye lepāḥ kuṣṭhānāṃ yujyante nirhṛtāsradoṣāṇām / (93.1) Par.?

saṃśodhitāśayānāṃ sadyaḥ siddhir bhavati teṣām // (93.2) Par.?

doṣe hṛte 'panīte rakte bāhyāntare kṛte śamane / (94.1) Par.?

snehe ca kālayukte na kuṣṭham ativartate sādhyam // (94.2) Par.?

bahudoṣaḥ saṃśodhyaḥ kuṣṭhī bahuśo 'nurakṣatā prāṇān / (95.1) Par.?

doṣe hyatimātrahṛte vāyur hanyād abalam āśu // (95.2) Par.?

pakṣāt pakṣācchardanānyabhyupeyān māsān māsācchodhanānyapyadhastāt / (96.1) Par.?

śuddhir mūrdhni syāt trirātrāt trirātrāt ṣaṣṭhe ṣaṣṭhe māsyasṛṅmokṣaṇaṃ ca // (96.2) Par.?

yo durvānto durvirikto 'thavā syāt kuṣṭhī doṣairuddhatair vyāpyate 'sau / (97.1) Par.?

niḥsaṃdehaṃ yātyasādhyatvam evaṃ tasmāt kṛtsnān nirhared asya doṣān // (97.2) Par.?

vratadamayamasevātyāgaśīlābhiyogo dvijasuragurupūjā sarvasattveṣu maitrī / (98.1) Par.?

śivaśivasutatārābhāskarārādhanāni prakaṭitamalapāpaṃ kuṣṭham unmūlayanti // (98.2) Par.?

Duration=0.29211091995239 secs.