Texts

Help

Select a text:
Bibliography

Select a chapter:
(no revisions)

Associated topic(s): Brideship and marriage, marriage, wedding

Show parallels Show headlines
Use dependency labeler

Chapter id: 15145

Click on a sentence to show its analysis
Keep the mouse pointer over a lemma to show its meanings.

pāṇigrahaṇa

athātaḥ pāṇigrahaṇam // (1) Par.?

aṣṭau vivāhā bhavanti brāhmo daivaḥ prājāpatya ārṣa āsuro gāndharvo rākṣasaḥ paiśāca iti // (2) Par.?

yadabhirūpaṃ vṛttavayaḥsampannam āhūyārhayitvā kanyālaṃkṛtā dāsyate sa brāhma iti gīyate // (3) Par.?

yadṛtvijo yajñasyātmano 'laṃkṛtya kanyāṃ pratipādayati sa daivaḥ // (4) Par.?

yugapaddharmānuvartinau syātāmiti vācānumānyāgnikāryaṃ svayaṃ kṛtvā yatkanyāmarhayitvā dadyātsa prājāpatyo bhavati // (5) Par.?

yadgomithunenaikena dvābhyāṃ vā kanyāṃ dadāti tamārṣamācakṣate // (6) Par.?

yatkanyāmābharaṇamāropya śaktyā bandhubhyo dhanaṃ dattvāharate tamāsuramāmananti // (7) Par.?

kāmayogo yadubhayoḥ sa gāndharvaḥ // (8) Par.?

prasahya yatkanyāharaṇaṃ sa rākṣasaḥ // (9) Par.?

suptāṃ pramattāṃ vā rahasi yadgacchati sa paiśāco bhavatīti // (10) Par.?

eteṣāṃ prathame catvārastoyapradānapūrvakāḥ śastā brāhmaṇasya netare jaghanyāḥ // (11) Par.?

yasmāttrīnpūrvāṃstrīnaparān ārṣījātaḥ ṣaṭ pūrvānṣaḍaparānprājāpatyenoḍhāyā jātaḥ sapta pūrvānsaptāparāndaivīsuto daśa pūrvāndaśāparānātmānaṃ caikaviṃśatikaṃ brāhmīputraḥ pāvayediti // (12) Par.?

Duration=0.075824975967407 secs.