UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5414
- Click on a sentence to show its analysis
- Keep the mouse pointer over a lemma to show its meanings.
saptadvīpā tathā pṛthvī nadīparvatasaṃkulā / (1.2)
Par.?
samudraiḥ saptabhiścaiva sarvataḥ samalaṃkṛtā // (1.3)
Par.?
jambūḥ plakṣaḥ śālmaliś ca kuśaḥ krauñcastathaiva ca / (2.1)
Par.?
śākaḥ puṣkaranāmā ca dvīpāstvabhyantare kramāt // (2.2)
Par.?
saptadvīpeṣu sarveṣu sāmbaḥ sarvagaṇairvṛtaḥ / (3.1)
Par.?
nānāveṣadharo bhūtvā sānnidhyaṃ kurute haraḥ // (3.2)
Par.?
kṣārodekṣurasodaś ca surodaś ca ghṛtodadhiḥ / (4.1)
Par.?
dadhyarṇavaś ca kṣīrodaḥ svādūdaścāpyanukramāt // (4.2)
Par.?
samudreṣviha sarveṣu sarvadā sagaṇaḥ śivaḥ / (5.1)
Par.?
jalarūpī bhavaḥ śrīmān krīḍate cormibāhubhiḥ // (5.2)
Par.?
kṣīrārṇavāmṛtamiva sadā kṣīrārṇave hariḥ / (6.1)
Par.?
śete śivajñānadhiyā sākṣādvai yoganidrayā // (6.2)
Par.?
yadā prabuddho bhagavānprabuddhamakhilaṃ jagat / (7.1)
Par.?
yadā suptastadā suptaṃ tanmayaṃ ca carācaram // (7.2)
Par.?
tenaiva sṛṣṭamakhilaṃ dhṛtaṃ rakṣitameva ca / (8.1)
Par.?
saṃhṛtaṃ devadevasya prasādātparameṣṭhinaḥ // (8.2)
Par.?
suṣeṇā iti vikhyātā yajante puruṣarṣabham / (9.1)
Par.?
aniruddhaṃ muniśreṣṭhāḥ śaṅkhacakragadādharam // (9.2)
Par.?
ye cāniruddhaṃ puruṣaṃ dhyāyantyātmavidāṃ varāḥ / (10.1)
Par.?
nārāyaṇasamāḥ sarve sarvasaṃpatsamanvitāḥ // (10.2)
Par.?
sanandanaś ca bhagavān sanakaś ca sanātanaḥ / (11.1)
Par.?
vālakhilyāś ca siddhāś ca mitrāvaruṇakau tathā // (11.2)
Par.?
yajanti satataṃ tatra viśvasya prabhavaṃ harim / (12.1)
Par.?
saptadvīpeṣu tiṣṭhanti nānāśṛṅgā mahodayāḥ // (12.2)
Par.?
āsamudrāyatāḥ kecidgirayo gahvarais tathā / (13.1)
Par.?
dharāyāḥ patayaścāsan bahavaḥ kālagauravāt // (13.2)
Par.?
sāmarthyātparameśānāḥ krauñcārerjanakātprabhoḥ / (14.1)
Par.?
manvantareṣu sarveṣu atītānāgateṣviha // (14.2)
Par.?
pravakṣyāmi dhareśān vo vakṣye svāyaṃbhuve'ntare / (15.1)
Par.?
manvantareṣu sarveṣu atītānāgateṣu ca // (15.2)
Par.?
tulyābhimāninaścaiva sarve tulyaprayojanāḥ / (16.1)
Par.?
svāyaṃbhuvasya ca manoḥ pautrāstvāsanmahābalāḥ // (16.2)
Par.?
priyavratātmajā vīrāste daśeha prakīrtitāḥ / (17.1)
Par.?
āgnīdhraścāgnibāhuś ca medhā medhātithirvasuḥ // (17.2)
Par.?
jyotiṣmāndyutimān havyaḥ savanaḥ putra eva ca / (18.1)
Par.?
priyavrato 'bhyaṣiñcattān sapta saptasu pārthivān // (18.2)
Par.?
jambūdvīpeśvaraṃ cakre āgnīdhraṃ sumahābalam / (19.1)
Par.?
plakṣadvīpeśvaraścāpi tena medhātithiḥ kṛtaḥ // (19.2)
Par.?
śālmaleś ca vapuṣmantaṃ rājānamabhiṣiktavān / (20.1)
Par.?
jyotiṣmantaṃ kuśadvīpe rājānaṃ kṛtavānnṛpaḥ // (20.2)
Par.?
dyutimantaṃ ca rājānaṃ krauñcadvīpe samādiśat / (21.1)
Par.?
śākadvīpeśvaraṃ cāpi havyaṃ cakre priyavrataḥ // (21.2)
Par.?
puṣkarādhipatiṃ cakre savanaṃ cāpi suvratāḥ / (22.1)
Par.?
puṣkare savanasyāpi mahāvītaḥ suto 'bhavat // (22.2)
Par.?
dhātakī caiva dvāvetau putrau putravatāṃ varau / (23.1)
Par.?
mahāvītaṃ smṛtaṃ varṣaṃ tasya nāmnā mahātmanaḥ // (23.2)
Par.?
nāmnā tu dhātakeścaiva dhātakīkhaṇḍamucyate / (24.1)
Par.?
havyo'pyajanayat putrāñchākadvīpeśvaraḥ prabhuḥ // (24.2)
Par.?
jaladaṃ ca kumāraṃ ca sukumāraṃ maṇīcakam / (25.1)
Par.?
kusumottaramodākī saptamastu mahādrumaḥ // (25.2)
Par.?
aladaṃ jaladasyātha varṣaṃ prathamamucyate / (26.1)
Par.?
kumārasya tu kaumāraṃ dvitīyaṃ parikīrtitam // (26.2)
Par.?
sukumāraṃ tṛtīyaṃ tu sukumārasya kīrtyate / (27.1)
Par.?
maṇīcakaṃ caturthaṃ tu māṇīcakamihocyate // (27.2)
Par.?
kusumottarasya vai varṣaṃ pañcamaṃ kusumottaram / (28.1)
Par.?
modakaṃ cāpi modākervarṣaṃ ṣaṣṭhaṃ prakīrtitam // (28.2)
Par.?
mahādrumasya nāmnā tu saptamaṃ tanmahādrumam / (29.1)
Par.?
teṣāṃ tu nāmabhistāni sapta varṣāṇi tatra vai // (29.2)
Par.?
krauñcadvīpeśvarasyāpi putrā dyutimatastu vai / (30.1)
Par.?
kuśalo manugaścoṣṇaḥ pīvaraścāndhakārakaḥ // (30.2)
Par.?
muniśca dundubhiścaiva sutā dyutimatastu vai / (31.1)
Par.?
teṣāṃ svanāmabhir deśāḥ krauñcadvīpāśrayāḥ śubhāḥ // (31.2)
Par.?
kuśaladeśaḥ kuśale manugasya manonugaḥ / (32.1)
Par.?
uṣṇasyoṣṇaḥ smṛto deśaḥ pīvaraḥ pīvarasya ca // (32.2)
Par.?
andhakārasya kathito deśo nāmnāndhakārakaḥ / (33.1)
Par.?
munerdeśo muniḥ prokto dundubher dundubhiḥ smṛtaḥ // (33.2)
Par.?
ete janapadāḥ sapta krauñcadvīpeṣu bhāsvarāḥ / (34.1)
Par.?
jyotiṣmantaḥ kuśadvīpe sapta cāsanmahaujasaḥ // (34.2)
Par.?
udbhido veṇumāṃścaiva dvairatho lavaṇo dhṛtiḥ / (35.1)
Par.?
ṣaṣṭhaḥ prabhākaraścāpi saptamaḥ kapilaḥ smṛtaḥ // (35.2)
Par.?
udbhidaṃ prathamaṃ varṣaṃ dvitīyaṃ veṇumaṇḍalam / (36.1)
Par.?
tṛtīyaṃ dvairathaṃ caiva caturthaṃ lavaṇaṃ smṛtam // (36.2)
Par.?
pañcamaṃ dhṛtimat ṣaṣṭhaṃ prabhākaram anuttamam / (37.1) Par.?
saptamaṃ kapilaṃ nāma kapilasya prakīrtitam // (37.2)
Par.?
śālmalasyeśvarāḥ sapta sutāste vai vapuṣmataḥ / (38.1)
Par.?
śvetaś ca haritaścaiva jīmūto rohitas tathā // (38.2)
Par.?
vaidyuto mānasaścaiva suprabhaḥ saptamas tathā / (39.1)
Par.?
śvetasya deśaḥ śvetastu haritasya ca hāritaḥ // (39.2)
Par.?
jīmūtasya ca jīmūto rohitasya ca rohitaḥ / (40.1)
Par.?
vaidyuto vaidyutasyāpi mānasasya ca mānasaḥ // (40.2)
Par.?
suprabhaḥ suprabhasyāpi sapta vai deśalāñchakāḥ / (41.1)
Par.?
plakṣadvīpe tu vakṣyāmi jambūdvīpādanantaram // (41.2)
Par.?
sapta medhātitheḥ putrāḥ plakṣadvīpeśvarā nṛpāḥ / (42.1)
Par.?
jyeṣṭhaḥ śāntabhayasteṣāṃ saptavarṣāṇi tāni vai // (42.2)
Par.?
tasmācchāntabhayāccaiva śiśirastu sukhodayaḥ / (43.1)
Par.?
ānandaś ca śivaścaiva kṣemakaś ca dhruvas tathā // (43.2)
Par.?
tāni teṣāṃ tu nāmāni saptavarṣāṇi bhāgaśaḥ / (44.1)
Par.?
niveśitāni taistāni pūrvaṃ svāyaṃbhuve'ntare // (44.2)
Par.?
medhātithestu putraistaiḥ plakṣadvīpanivāsibhiḥ / (45.1)
Par.?
varṇāśramācārayutāḥ prajāstatra niveśitāḥ // (45.2)
Par.?
plakṣadvīpādivarṣeṣu śākadvīpāntikeṣu vai / (46.1)
Par.?
jñeyaḥ pañcasu dharmo vai varṇāśramavibhāgaśaḥ // (46.2)
Par.?
sukhamāyuḥ svarūpaṃ ca balaṃ dharmo dvijottamāḥ / (47.1)
Par.?
pañcasveteṣu dvīpeṣu sarvasādhāraṇaṃ smṛtam // (47.2)
Par.?
rudrārcanaratā nityaṃ maheśvaraparāyaṇāḥ / (48.1)
Par.?
anye ca puṣkaradvīpe prajātāś ca prajeśvarāḥ // (48.2)
Par.?
prajāpateś ca rudrasya bhāvāmṛtasukhotkaṭāḥ // (49.1)
Par.?
iti śrīliṅgamahāpurāṇe pūrvabhāge bhuvanakośe dvīpadvīpeśvarakathanaṃ nāma ṣaṭcatvāriṃśo 'dhyāyaḥ // (50.1)
Par.?
Duration=0.18574118614197 secs.