Texts

Help

Select a text:
Bibliography
Select a chapter:
 (no revisions)
Associated topic(s): Rituals

Show parallels  Show headlines
Use dependency labeler
Chapter id: 10714
  • Click on a sentence to show its analysis
  • Keep the mouse pointer over a lemma to show its meanings.
athāto gṛhakarmaṇo gṛhavṛddhim icchan māsi māsy ṛtāvṛtau saṃvatsare saṃvatsare vā pūrvapakṣe puṇye nakṣatre gṛhaśāntim ārabhetāpāmārgapalāśaśirīṣārkaudumbarasadābhadrāmṛtatṛṇam indravallībhir baddhvā gṛhān parimārjya parisamūhyāpo 'bhyukṣya pañcagavyair darbhamuṣṭinā saṃprokṣya siddhārthakān saṃprakīrya vāstubaliṃ kṛtvā vāstor madhye vāstoṣpatiṃ hutvā sāvitryā sahasraṃ juhuyāt // (1.0) Par.?
tato dakṣiṇapurastāt tato dakṣiṇapaścāt tata uttarapurastāt tata uttarapaścān madhye vā gaur vāso hiraṇyaṃ dakṣiṇā // (2.0) Par.?
brāhmaṇān annena pariviṣyaṃ puṇyāhaṃ svasty ṛddhim iti vācayitvaivaṃ prayuñjāno 'nantaṃ mahāntaṃ poṣaṃ puṣyati bahavaḥ putrā bhavanti na ca bālāḥ pramīyante nāgnir dahati na daṃṣṭriṇaḥ khādayeyur na taskarāḥ sapatnā rakṣāṃsi piśācā api vrādhante // (3.0) Par.?
yadi gāvaḥ pratapyeran gavāṃ madhya āhutisahasraṃ juhuyād ity etenaiva kalpenāśvoṣṭrakharājāvikamahiṣahastikulam anyatarad dvipadāṃ catuṣpadāṃ ca vyākhyātam // (4.0) Par.?
Duration=0.018063068389893 secs.