Texts

sanatkumāra uvāca / (1.1) Par.?

lokapālāṣṭakaṃ divyaṃ sākṣātparamadurlabham / (1.2) Par.?

sarvasaṃpatkaraṃ guhyaṃ paracakravināśanam // (1.3) Par.?

svadeśarakṣaṇaṃ divyaṃ gajavājivivardhanam / (2.1) Par.?

putravṛddhikaraṃ puṇyaṃ gobrāhmaṇahitāvaham // (2.2) Par.?

pūrvoktadeśakāle tu vedikoparimaṇḍale / (3.1) Par.?

madhye śivaṃ samabhyarcya yathānyāyaṃ yathākramam // (3.2) Par.?

digvidikṣu prakartavyaṃ sthaṇḍilaṃ vālukāmayam / (4.1) Par.?

aṣṭau viprānsamabhyarcya vedavedāṅgapāragān // (4.2) Par.?

jitendriyān kulodbhūtān sarvalakṣaṇasaṃyutān / (5.1) Par.?

śivābhimukham āsīnān āhateṣvaṃbareṣu ca // (5.2) Par.?

vastrair ābharaṇair divyair lokapālakamantrakaiḥ / (6.1) Par.?

gandhapuṣpaiḥ sudhūpaiśca brāhmaṇānarcayetkramāt // (6.2) Par.?

pūrvato homayedagnau lokapālakamantrakaiḥ / (7.1) Par.?

samidghṛtābhyāṃ hotavyamagnikāryaṃ krameṇa vā // (7.2) Par.?

evaṃ hutvā vidhānena ācāryaḥ śivavatsalaḥ / (8.1) Par.?

yajamānaṃ samāhūya sarvābharaṇabhūṣitān // (8.2) Par.?

tena tānpūjayitvātha dvijebhyo dāpayeddhanam / (9.1) Par.?

pṛthakpṛthaktanmantraiśca daśaniṣkaṃ ca bhūṣaṇam // (9.2) Par.?

daśaniṣkeṇa kartavyamāsanaṃ kevalaṃ pṛthak / (10.1) Par.?

snapanaṃ tatra kartavyaṃ śivasya vidhipūrvakam // (10.2) Par.?

dakṣiṇā ca pradātavyā yathāvibhavavistaram / (11.1) Par.?

evaṃ yaḥ kurute dānaṃ lokeśānāṃ tu bhaktitaḥ / (11.2) Par.?

lokeśānāṃ ciraṃ sthitvā sārvabhaumo bhavedbudhaḥ // (11.3) Par.?

iti śrīliṅgamahāpurāṇe uttarabhāge tricatvāriṃśo 'dhyāyaḥ // (12.1) Par.?