Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3677
  • Click on a sentence to show its analysis
  • Keep the mouse pointer over a lemma to show its meanings.
yadi śūnyam idaṃ sarvam udayo nāsti na vyayaḥ / (1.1) Par.?
prahāṇād vā nirodhād vā kasya nirvāṇam iṣyate // (1.2) Par.?
yadyaśūnyam idaṃ sarvam udayo nāsti na vyayaḥ / (2.1) Par.?
prahāṇād vā nirodhād vā kasya nirvāṇam iṣyate // (2.2) Par.?
aprahīṇam asaṃprāptam anucchinnam aśāśvatam / (3.1) Par.?
aniruddham anutpannam etannirvāṇam ucyate // (3.2) Par.?
bhāvastāvanna nirvāṇaṃ jarāmaraṇalakṣaṇam / (4.1) Par.?
prasajyetāsti bhāvo hi na jarāmaraṇaṃ vinā // (4.2) Par.?
bhāvaśca yadi nirvāṇaṃ nirvāṇaṃ saṃskṛtaṃ bhavet / (5.1) Par.?
nāsaṃskṛto hi vidyate bhāvaḥ kvacana kaścana // (5.2) Par.?
bhāvaśca yadi nirvāṇam anupādāya tat katham / (6.1) Par.?
nirvāṇaṃ nānupādāya kaścid bhāvo hi vidyate // (6.2) Par.?
bhāvo yadi na nirvāṇam abhāvaḥ kiṃ bhaviṣyati / (7.1) Par.?
nirvāṇaṃ yatra bhāvo na nābhāvastatra vidyate // (7.2) Par.?
yadyabhāvaśca nirvāṇam anupādāya tat katham / (8.1) Par.?
nirvāṇaṃ na hyabhāvo 'sti yo 'nupādāya vidyate // (8.2) Par.?
ya ājavaṃjavībhāva upādāya pratītya vā / (9.1) Par.?
so 'pratītyānupādāya nirvāṇam upadiśyate // (9.2) Par.?
prahāṇaṃ cābravīcchāstā bhavasya vibhavasya ca / (10.1) Par.?
tasmānna bhāvo nābhāvo nirvāṇam iti yujyate // (10.2) Par.?
bhaved abhāvo bhāvaśca nirvāṇam ubhayaṃ yadi / (11.1) Par.?
bhaved abhāvo bhāvaśca mokṣastacca na yujyate // (11.2) Par.?
bhaved abhāvo bhāvaśca nirvāṇam ubhayaṃ yadi / (12.1) Par.?
nānupādāya nirvāṇam upādāyobhayaṃ hi tat // (12.2) Par.?
bhaved abhāvo bhāvaśca nirvāṇam ubhayaṃ katham / (13.1) Par.?
asaṃskṛtaṃ hi nirvāṇaṃ bhāvābhāvau ca saṃskṛtau // (13.2) Par.?
bhaved abhāvo bhāvaśca nirvāṇa ubhayaṃ katham / (14.1) Par.?
tayor abhāvo hyekatra prakāśatamasor iva // (14.2) Par.?
naivābhāvo naiva bhāvo nirvāṇam iti yāñjanā / (15.1) Par.?
abhāve caiva bhāve ca sā siddhe sati sidhyati // (15.2) Par.?
naivābhāvo naiva bhāvo nirvāṇaṃ yadi vidyate / (16.1) Par.?
naivābhāvo naiva bhāva iti kena tad ajyate // (16.2) Par.?
paraṃ nirodhād bhagavān bhavatītyeva nājyate / (17.1) Par.?
na bhavatyubhayaṃ ceti nobhayaṃ ceti nājyate // (17.2) Par.?
tiṣṭhamāno 'pi bhagavān bhavatītyeva nājyate / (18.1) Par.?
na bhavatyubhayaṃ ceti nobhayaṃ ceti nājyate // (18.2) Par.?
na saṃsārasya nirvāṇāt kiṃcid asti viśeṣaṇam / (19.1) Par.?
na nirvāṇasya saṃsārāt kiṃcid asti viśeṣaṇam // (19.2) Par.?
nirvāṇasya ca yā koṭiḥ koṭiḥ saṃsaraṇasya ca / (20.1) Par.?
na tayor antaraṃ kiṃcit susūkṣmam api vidyate // (20.2) Par.?
paraṃ nirodhād antādyāḥ śāśvatādyāśca dṛṣṭayaḥ / (21.1) Par.?
nirvāṇam aparāntaṃ ca pūrvāntaṃ ca samāśritāḥ // (21.2) Par.?
śūnyeṣu sarvadharmeṣu kim anantaṃ kim antavat / (22.1) Par.?
kim anantam antavacca nānantaṃ nāntavacca kim // (22.2) Par.?
kiṃ tad eva kim anyat kiṃ śāśvataṃ kim aśāśvatam / (23.1) Par.?
aśāśvataṃ śāśvataṃ ca kiṃ vā nobhayam apyatha // (23.2) Par.?
sarvopalambhopaśamaḥ prapañcopaśamaḥ śivaḥ / (24.1) Par.?
na kvacit kasyacit kaścid dharmo buddhena deśitaḥ // (24.2) Par.?
Duration=0.34307098388672 secs.