Texts

vedam adhītya vratāni caritvā brāhmaṇaḥ snāsyan saṃbhārān upakalpayate 'hataṃ vāsa erakāṃ snānam anulepanaṃ sumanasa āñjanam ādarśam ahate vāsasī trivṛtaṃ maṇiṃ vaiṇavaṃ daṇḍaṃ śukle upānahau // (1) Par.?

nāpita upakﾱpta uttarata upatiṣṭhati // (2) Par.?

erakām āstīryāhatena vāsasodagdaśena pracchādya tatrainaṃ prāṅmukham upaveśya daṇḍam apsu pādayed dviṣatāṃ vajro 'sīti // (3) Par.?

mekhalāṃ visraṃsayed ud uttamam iti // (4) Par.?

tāṃ caivāpsu pādayet // (5) Par.?

keśāntakaraṇena mantrā vyākhyātāḥ // (6) Par.?

parivāpanaṃ ca // (7) Par.?

śiro 'gre vapate tataḥ śmaśrūṇi tata itarāṇyaṅgānyanupūrveṇa // (8) Par.?

keśaśmaśrulomanakhānyaśvatthasya mūle nikhaned udumbarasya vāpahato me pāpmeti // (9) Par.?

śītoṣṇābhir adbhir hiraṇyāntarhitābhir enaṃ snāpayecchivā naḥ śaṃtamā bhava sumṛḍīkā sarasvati mā te vyoma saṃdṛśīti // (10) Par.?

rohiṇyāṃ snāyāt // (11) Par.?

prajāpater vā etan nakṣatram // (12) Par.?

prajāvān bhūyāsam iti // (13) Par.?

mṛgaśirasi snāyāt // (14) Par.?

somasya vā etannakṣatram // (15) Par.?

somejyā mopanamed iti // (16) Par.?

tiṣye snāyāt // (17) Par.?

bṛhaspater vā etannakṣatram // (18) Par.?

brahma bṛhaspatiḥ // (19) Par.?

brahmavarcasī bhūyāsam iti // (20) Par.?

haste snāyāt // (21) Par.?

savitur vā etannakṣatram // (22) Par.?

savitṛprasūto bhūyāsam iti // (23) Par.?

anūrādhāsu snāyāt // (24) Par.?

mitrasya vā etannakṣatram // (25) Par.?

mitrāṇāṃ priyo bhūyāsam iti // (26) Par.?

śravaṇe snāyāt // (27) Par.?

viṣṇor vā etan nakṣatram // (28) Par.?

yajño vai viṣṇuḥ // (29) Par.?

yajño mopanamed iti // (30) Par.?

tam ahatena vāsasā paridadhīta parīmaṃ someti // (31) Par.?

savyam agre 'kṣyañjīta yaśasā meti // (32) Par.?

atha dakṣiṇam // (33) Par.?

trivṛtaṃ maṇiṃ kaṇṭhe pratimuñcate // (34) Par.?

pālāśaṃ svastyayanakāmaḥ svastyayano 'sīti // (35) Par.?

bailvaṃ brahmavarcasakāmo brahmavarcasī bhūyāsam iti // (36) Par.?

arkam annādyakāmo 'rkavān annādo bhūyāsam iti // (37) Par.?

gandharvo 'si viśvāvasuḥ sa mā pāhi sa mā gopāyeti vaiṇavaṃ daṇḍam upādatte // (38) Par.?

upānahāvādadhīta netre stho nayataṃ mām iti // (39) Par.?

dakṣiṇam agre pratimuñcate // (40) Par.?

tasya vratāni bhavanti // (41) Par.?

nājātalomnyopahāsam icchet // (42) Par.?

varṣati na dhāvet // (43) Par.?

nopānahau svayaṃ haret // (44) Par.?

na phalāni svayaṃ pracinvīta // (45) Par.?

na pratisāyaṃ grāmāntaraṃ vrajet // (46) Par.?

naiko vṛṣalaiḥ saha // (47) Par.?

nodapānam avekṣet // (48) Par.?

na vṛkṣam ārohet // (49) Par.?

na saṃkramam ārohet // (50) Par.?

nānantardhāyāsīta // (51) Par.?

nāparayā dvārā prapannam annam aśnīyāt // (52) Par.?

na śuktam // (53) Par.?

na dviḥpakvam // (54) Par.?

na paryuṣitam anyatra śākamāṃsayavapiṣṭānnapṛthukaphāṇitadadhimadhughṛtebhyaḥ // (55) Par.?

nānarmaṇi haset // (56) Par.?

na nagnaḥ snāyāt // (57) Par.?

śuktā vāco na bhāṣeta // (58) Par.?

janavādaṃ kalahāṃśca varjayet // (59) Par.?

trayaḥ snātakā bhavantīti ha smāhāruṇir gautamo vidyāsnātako vratasnātako vidyāvratasnātaka iti // (60) Par.?

teṣām uttamaḥ śreṣṭhaḥ // (61) Par.?

tulyau pūrvau // (62) Par.?

snātvācāryaṃ brūyānmadhuparkaṃ me bhavān ānayatviti // (63) Par.?

ācāryakalpo vai // (64) Par.?

tasmai prāṅmukhāyāsīnāya madhuparkam āharet // (65) Par.?

viṣṭarapādyārghyācamanīyānyekaikam anupūrveṇa // (66) Par.?

viṣṭaram adhyāste // (67) Par.?

pādyena pādau prakṣālayate mayi śrīḥ śrayatām iti // (68) Par.?

savyaṃ pādam agre śūdrā cenmayi padyā virāḍ iti // (69) Par.?

atha dakṣiṇaṃ mayi varca ityarghyaṃ pratigṛhṇīyāt // (70) Par.?

ācamanīyābhir ācāmet // (71) Par.?

pātracamasaṃ viṣṭaropahitam adhastāt // (72) Par.?

viṣṭarau saṃhitāgrau bhavataḥ // (73) Par.?

ekaviṣṭara uttarataḥ // (74) Par.?

tayor madhye dadhi madhu saṃnihite bhavataḥ // (75) Par.?

dadhnā ced dadhimanthaḥ // (76) Par.?

adbhiś ced udamanthaḥ // (77) Par.?

payasā cet payasyaḥ // (78) Par.?

taṃ pratigṛhṇīyād devasya tveti // (79) Par.?

taṃ pratigṛhya bhūmau pratiṣṭhāpyāvaghṛṣyāṅguṣṭhenopakaniṣṭhikayā ca mahyaṃ tvā yaśase 'nnādyāya brahmavarcasāyeti triḥ prāśnīyāt // (80) Par.?

śeṣam uttarataḥ pratigṛhya brāhmaṇāya dadyāt // (81) Par.?

abhyukṣya vābrāhmaṇāya // (82) Par.?

garte vā nikhanet // (83) Par.?

paraḥ svadhitipāṇir gāṃ dṛṣṭvāha gaur gaur iti tām abhimantrayate gaur dhenur iti // (84) Par.?

om utsṛjateti brūyāt // (85) Par.?

kartavyā cet kuruteti brūyāt // (86) Par.?

gaur dhenur havyā mātā rudrāṇāṃ duhitā vasūnāṃ svasādityānām amṛtasya nābhiḥ // (87) Par.?

pra nu vocaṃ cikituṣe janāya mā gām anāgām aditiṃ vadhiṣṭa pibatūdakaṃ tṛṇāny attv iti // (88) Par.?

atha ṣaḍ arghyārhā bhavanty ṛtvig ācāryaḥ snātako rājābhiṣiktaḥ priyaḥ sakhā śrotriyaśceti // (89) Par.?

tebhya ātithyaṃ gāṃ kuryāt // (90) Par.?

tām atithaya iti prokṣet // (91) Par.?