Texts

Help

Select a text:
Bibliography

Select a chapter:
(no revisions)

Associated topic(s): Brideship and marriage, marriage, wedding, sexuality

Show parallels Show headlines
Use dependency labeler

Chapter id: 13009

Click on a sentence to show its analysis
Keep the mouse pointer over a lemma to show its meanings.

pūṣā tveta iti prasthitām anumantrayate // (1) Par.?

pūṣā tveto nayatu hastagṛhyāśvinau tvā pravahatāṃ rathena / (2.1) Par.?

gṛhān gaccha gṛhapatnī yathāso vaśinī tvaṃ vidatham āvadāsīti // (2.2) Par.?

svaṃ kulaṃ prāptāṃ kalyāṇaśīlāḥ kalyāṇaprajāḥ samavajīrṇāḥ pratyavaropayantīha priyaṃ prajayā te samṛdhyatām asmin gṛhe gārhapatyāya jāgṛhi / (3.1) Par.?

enā patyā tanvaṃ saṃsṛjasvāthājīvrī vidatham āvadāsīti // (3.2) Par.?

pratyavaropyānaḍuhe carmaṇyuttaralomanyupaveśayed iha gāvo niṣīdantvihāśvā iha puruṣāḥ / (4.1) Par.?

iho sahasradakṣiṇo 'bhi pūṣā niṣīdatviti // (4.2) Par.?

kumāram upastha ādhāya śakaloṭān āvapet phalāni vā // (5) Par.?

utthāpya kumāram anvārabdhāyāṃ juhuyād iha dhṛtir ityaṣṭābhiḥ svāhākārāntaiḥ // (6) Par.?

iha dhṛtir iha svadhṛtir iha rantir iha ramasva / (7.1) Par.?

mayi dhṛtir mayi svadhṛtir mayi ramo mayi ramasveti // (7.2) Par.?

trirātram akṣārālavaṇāśinau brahmacāriṇāvadhaḥ saṃveśināv asaṃvartamānau saha śayātām // (8) Par.?

ūrdhvaṃ trirātrāt saṃbhavaḥ // (9) Par.?

niśāyāṃ jāyāpatikarmaṇyam // (10) Par.?

prāyaścittīr juhuyād agne prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai prajāghnī tanūstām asyā upajahi svāhā / (11.1) Par.?

vāyo prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai paśughnī tanūstām asyā upajahi svāhā / (11.2) Par.?

sūrya prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai patighnī tanūstām asyā upajahi svāhā / (11.3) Par.?

candra prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai gṛhaghnī tanūstām asyā upajahi svāhā / (11.4) Par.?

agne vāyo sūrya candra prāyaścittayo yūyaṃ devānāṃ prāyaścittaya stha brāhmaṇo vo nāthakāma upadhāvāmi yāsyai yaśoghnī tanūstām asyā upahata svāheti // (11.5) Par.?

sthālīpākād agniṃ prajāpatiṃ ceṣṭvā saṃpātāṃścamasa ānīya srotāṃsyāṅkṣvetyenāṃ brūyāt // (12) Par.?

nābhiṃ prathamam // (13) Par.?

tato yāny ūrdhvam // (14) Par.?

tato yānyarvāñci // (15) Par.?

ūrdhvam ardharātrāt saṃveśanaṃ viṣṇur yoniṃ kalpayatvityetena tṛcena // (16) Par.?

viṣṇur yoniṃ kalpayatu tvaṣṭā rūpāṇi piṃśatu / (17.1) Par.?

āsiñcatu prajāpatir dhātā garbhaṃ dadhātu te / (17.2) Par.?

garbhaṃ dhehi sinīvāli garbhaṃ dhehi sarasvati / (17.3) Par.?

garbhaṃ te aśvinau devāvādhattāṃ puṣkarasrajau / (17.4) Par.?

hiraṇyayī araṇī yaṃ nirmanthatām aśvinau / (17.5) Par.?

taṃ te garbhaṃ dadhāmyahaṃ daśame māsi sūtavā iti // (17.6) Par.?

ṛtāvṛtāvevam eva saṃveśane // (18) Par.?

hutvācāryāya gāṃ dadyāt // (19) Par.?

adarśane brāhmaṇebhyo gāṃ dadyāt // (20) Par.?

Duration=0.061350107192993 secs.