Texts

kvacinmahāmate buddhakṣetre'nimiṣaprekṣayā dharmo deśyate kvacidiṅgitaiḥ kvacidbhūvikṣepeṇa kvacin netrasaṃcāreṇa kvacidāsyena kvacidvijṛmbhitena kvacidutkāsanaśabdena na svato nāpi parato na dvābhyāṃ nāpyahetutaḥ / (1.1) Par.?

utpannā jātu vidyante bhāvāḥ kvacana kecana // (1.2) Par.?

catvāraḥ pratyayā hetur ārambaṇam anantaram / (2.1) Par.?

tathaivādhipateyaṃ ca pratyayo nāsti pañcamaḥ // (2.2) Par.?

na hi svabhāvo bhāvānāṃ pratyayādiṣu vidyate / (3.1) Par.?

avidyamāne svabhāve parabhāvo na vidyate // (3.2) Par.?

kriyā na pratyayavatī nāpratyayavatī kriyā / (4.1) Par.?

pratyayā nākriyāvantaḥ kriyāvantaśca santyuta // (4.2) Par.?

utpadyate pratītyemān itīme pratyayāḥ kila / (5.1) Par.?

yāvannotpadyata ime tāvannāpratyayāḥ katham // (5.2) Par.?

naivāsato naiva sataḥ pratyayo 'rthasya yujyate / (6.1) Par.?

asataḥ pratyayaḥ kasya sataśca pratyayena kim // (6.2) Par.?

na san nāsan na sadasan dharmo nirvartate yadā / (7.1) Par.?

kathaṃ nirvartako hetur evaṃ sati hi yujyate // (7.2) Par.?

anārambaṇa evāyaṃ san dharma upadiśyate / (8.1) Par.?

athānārambaṇe dharme kuta ārambaṇaṃ punaḥ // (8.2) Par.?

anutpanneṣu dharmeṣu nirodho nopapadyate / (9.1) Par.?

nānantaram ato yuktaṃ niruddhe pratyayaśca kaḥ // (9.2) Par.?

bhāvānāṃ niḥsvabhāvānāṃ na sattā vidyate yataḥ / (10.1) Par.?

satīdam asmin bhavatītyetannaivopapadyate // (10.2) Par.?

na ca vyastasamasteṣu pratyayeṣvasti tat phalam / (11.1) Par.?

pratyayebhyaḥ kathaṃ tacca bhavenna pratyayeṣu yat // (11.2) Par.?

athāsad api tat tebhyaḥ pratyayebhyaḥ pravartate / (12.1) Par.?

apratyayebhyo 'pi kasmānnābhipravartate phalam // (12.2) Par.?

phalaṃ ca pratyayamayaṃ pratyayāścāsvayaṃmayāḥ / (13.1) Par.?

phalamasvamayebhyo yattatpratyayamayaṃ katham // (13.2) Par.?

tasmānna pratyayamayaṃ nāpratyayamayaṃ phalam / (14.1) Par.?

saṃvidyate phalābhāvāt pratyayāpratyayāḥ kutaḥ // (14.2) Par.?