Texts

atheti // (1) Par.?

athaśabdo'tra mukhakaraṇānantaryaḥ // (2) Par.?

kacchapayantraṃ prasiddham // (3) Par.?

tatsvarūpaṃ darśitameva // (4) Par.?

tatparimāṇaṃ yathā / (5.1) Par.?

prasūtagopalonmānaṃ sūtakotpalakaḥ smṛtaḥ / (5.2) Par.?

lāvakaḥ puṭako jñeyaḥ pradattaḥ saptadhāḍhakaiḥ // (5.3) Par.?

kacchapastriguṇaistaistu kaukkuṭaḥ kacchapaistribhiḥ / (6.1) Par.?

kaukkuṭaiḥ pañcabhiḥ siṃho meghanādo'sya yugmakaiḥ // (6.2) Par.?

durge gajapuṭaḥ khyāto deyaḥ ṣaṣṭikapālakaiḥ / (7.1) Par.?

taistu triguṇitairjñeyo dṛḍhāgniśca mahāpuṭaḥ / (7.2) Par.?

iti // (7.3) Par.?

cūrṇeneti śuktikācūrṇena samāṃśakamiti rasasāmyaṃ gandhakaṃ yojyam // (8) Par.?

sāmyatātra pratyekaṃ puṭamityarthaḥ // (9) Par.?

tena ṣaḍguṇagandhakaṃ ṣaṭpuṭaiḥ kṛtvā bhavati pāradaparimāṇāt // (10) Par.?

bhasmamudrāmiti // (11) Par.?

vibhūtipāṃśulavaṇābhyāṃ kṛtāmiti sampradāyaḥ // (12) Par.?

śarāvo'tra lohamayaḥ manyante kecit tathāhyuktam / (13.1) Par.?

jalapūrṇaṃ dṛḍhaṃ pātraṃ suviśālaṃ samāharet / (13.2) Par.?

tadantaḥ kharparaṃ dadyāt suvistīrṇaṃ dṛḍhaṃ navam // (13.3) Par.?

binduṃ dattvā tadupari bījapūrarasaṃ kṣipet / (14.1) Par.?

upariṣṭādbiḍaṃ dadyāt tato lohakaṭorikām // (14.2) Par.?

ayaskāntamayīṃ vāpi paittalīṃ bhūtavigraham / (15.1) Par.?

upariṣṭād adhovaktrāṃ dattvā samyagvilepayet // (15.2) Par.?

khaṭīpuṭaṃ śivībhaktaṃ samyaṅniṣpiṣya mudrayet / (16.1) Par.?

ūrdhvaṃ deyaṃ puṭaṃ tasya yantraṃ kacchapasaṃjñakam // (16.2) Par.?

jāraṇārthaṃ rasasyoktaṃ gandhādīnām aśeṣataḥ / (17.1) Par.?

iti // (17.2) Par.?

atra gandhakavidhānaṃ tu asyaiva sampradāyato vyākhyātam // (18) Par.?

anyatra rasasyopari cādhaśceti // (19) Par.?

tīkṣṇāgniriti atyarthaṃ bubhukṣito bhavati rākṣasasaṃjñaka ityapare sarvakarmasviti yojya ityabhiprāyaḥ // (20) Par.?