Texts

Help

Select a text:
Bibliography
Select a chapter:
 (no revisions)
Associated topic(s): Alchemy

Show parallels  Show headlines
Use dependency labeler
Chapter id: 4020
  • Click on a sentence to show its analysis
  • Keep the mouse pointer over a lemma to show its meanings.
athodayādityarasam āha śuddhaṃ sūtamiti // (1) Par.?
dvidhā gandhaṃ dviguṇitaṃ gandhakaṃ pāradabhāgāditi śeṣaḥ // (2) Par.?
kanyā kumārī dinaṃ dinamekaṃ yāvat piṭharī mṛdānirmitapātraviśeṣaḥ // (3) Par.?
sūtakāt triguṇeneti // (4) Par.?
etena tāmraśarāvakaṃ pāradaparimāṇāt // (5) Par.?
triguṇitamānena ghaṭitaṃ vidyāt śuddheneti // (6) Par.?
śuddhatāmranirmitena athavāmladravyādinā śodhitaśarāvakeṇetyarthaḥ // (7) Par.?
śuddhaṃ tāmraṃ svasvajātyutkṛṣṭam // (8) Par.?
yataḥ tattāmraṃ dvividham ekaṃ mlecchasaṃjñam // (9) Par.?
aparaṃ naipālamiti // (10) Par.?
tathāhi / (11.1) Par.?
mlecchaṃ naipālakaṃ tāmraṃ tayor naipālamuttamam / (11.2) Par.?
iti // (11.3) Par.?
kartavyavidhir apyasya yathā tadgolakākāraṃ dravyaṃ dṛḍhatalahaṇḍikānte niveśya tadupari tāmrapidhānakaṃ dattvā paścāt saṃdhiṃ mudrayitvā viśoṣya tadanu mudropari aṅguladvayotsedhaṃ sarvato bhasmāvakīrya paścāt tāmraśarāvoparyeva sajalagomayaṃ kiṃcit kiṃciditi vāraṃvāraṃ dāpayet // (12) Par.?
yāvad yāmadvayaṃ bhavati tāvat kharāgninā pacedityabhiprāyaḥ // (13) Par.?
atha paścātkāryamāha evaṃ niṣpanno'yaṃ rasaḥ saṃcūrṇya paścāt kāṣṭhodumbarikādīnāṃ kvāthena bhāvayet tena siddho bhavati dinaikamiti pratyekaṃ dravyamekaikaṃ dinaṃ bhāvayet // (14) Par.?
kāṣṭhodumbarikā loke kaṭgulariśabdavācyā // (15) Par.?
rājavṛkṣakaḥ kṛtamālakaḥ tasya patrāṇi // (16) Par.?
asyānupānam āha khadirasya khadirasārasya kaṣāyeṇa kvathitarūpeṇa samena vākucīphalacūrṇasamānamānena saha paripācitaṃ taditi vākucīcūrṇaṃ tacca triśāṇaṃ ṭaṅkatrayaṃ saṃgṛhya gavāṃ kṣīraiḥ traiphalaiḥ kvāthairvā pibet // (17) Par.?
rasamiti kilāsake kuṣṭhaviśeṣe // (18) Par.?
śvitrabhedo vā kilāsa iti vācyaḥ // (19) Par.?
eke kilāsa ityasya sthāne na saṃśayamiti paṭhanti tathā vyākhyānayanti ca // (20) Par.?
paścāt te sphoṭā vakṣyamāṇapralepāt āmūlaṃ yathā syāt tathā pralepitāḥ kāryāḥ // (21) Par.?
tena sakalasphoṭāḥ saghanaṃ pralepitāḥ kāryā iti bhāvaḥ / (22.1) Par.?
kecit piṣṭvā mūlāt pralepayet ityasya sthāne tulyaṃ piṣṭvā pralepayet iti paṭhanti // (22.2) Par.?
lepārthaṃ dravyāṇyāha nīlīmityādi // (23) Par.?
nīlīsthāne tila iti // (24) Par.?
kecit athāparau vakṣyamāṇapralepau kṣepakau iti manyamānāḥ paṭhanti // (25) Par.?
Duration=0.0534348487854 secs.