Texts

Help

Select a text:
Bibliography
Select a chapter:
 (no revisions)
Associated topic(s): Alchemy

Show parallels  Show headlines
Use dependency labeler
Chapter id: 4060
  • Click on a sentence to show its analysis
  • Keep the mouse pointer over a lemma to show its meanings.
atha madanakāmadevarasam āha tāramityādi // (1) Par.?
tāraṃ raupyaṃ vajraṃ hīrakaṃ tadabhāve vaikrāntaṃ grāhyamiti vyavahārāt // (2) Par.?
sūtakaḥ pāradaḥ lohaṃ sārasaṃjñam // (3) Par.?
atra kramavṛddhistu pūrvadravyāduttaravṛddhirboddhavyā asmatsampradāye tu rajatādīni dravyāṇi atra mṛtāni deyānīti vyavahāro'pi dṛśyate // (4) Par.?
kanyakā kaumārī // (5) Par.?
vimudrāmiti kācakupīmiti śeṣaḥ // (6) Par.?
saindhavacūrṇaṃ ca kācakupīmubhayato deyam // (7) Par.?
siddharasasya bhāvanārthaṃ dravyāṇyāha arkadugdham arkabhavaṃ kṣīraṃ kākolī prasiddhā vānarī kapikacchūḥ muśalī kandaviśeṣaḥ ikṣukaḥ kokilākṣaḥ tālamūlī padmakandaḥ kamalakandaḥ kaseruko'pi vikhyātaḥ kāśatṛṇasaṃjñaḥ prasiddhaḥ // (8) Par.?
paścāccūrṇārthaṃ dravyāṇyāha kastūrītyādi // (9) Par.?
kastūrī mṛganābhijā vyoṣaṃ trikaṭukaṃ pūrvacūrṇādbhāvanābhiḥ pratipāditadravyādaṣṭamāṃśaṃ dadyāt // (10) Par.?
tena pūrvacūrṇaṃ saptabhāgaṃ kastūrīpramukhaṃ caikabhāgamiti // (11) Par.?
Duration=0.025768041610718 secs.