Texts

Help

Select a text:
Bibliography
Select a chapter:
 (no revisions)
Associated topic(s): Alchemy

Show parallels  Show headlines
Use dependency labeler
Chapter id: 4065
  • Click on a sentence to show its analysis
  • Keep the mouse pointer over a lemma to show its meanings.
atha loharasāyanamāha śuddhaṃ rasendrabhāgaikaṃ ityādi // (1) Par.?
śuddhaṃ saṃskāritaṃ rasendraḥ pāradaḥ tasyaiko bhāgaḥ śuddhagandhakasya dvau bhāgau gandhakaśuddhiśca pūrvaṃ kathitaiva // (2) Par.?
tatra kajjalikāyāṃ tīkṣṇabhavaṃ raja iti // (3) Par.?
lohacūrṇaṃ śuddhaṃ mṛtasāracūrṇaṃ ityeke // (4) Par.?
tacca pūrvakajjalikāsāmyaṃ grāhyam // (5) Par.?
praharaikaṃ mardanaṃ kevalaṃ kajjalikālohacūrṇayoreva kathitaṃ natu svarasādinā vakṣyamāṇasvarasaireva tridinaṃ yāvadityabhiprāyaḥ // (6) Par.?
gharma iti kharatarasūryāṃśutāpite ata eva tasya soṣṇo mahān dhūmodgamo bhavati iti // (7) Par.?
tenaivaṃ lohamṛtiḥ syādityeke // (8) Par.?
svamate tu dhānyakuśūloṣitaṃ trirātraṃ yāvadbhavati paścād yaduddharet tatkālameva gharme dhāraṇena mṛtiḥ syāt // (9) Par.?
atyantapiṇḍitam ityanena eraṇḍapatraveṣṭanādikam abhipretam // (10) Par.?
paścātkāryam āha rasairityādi // (11) Par.?
kuṭhāracchinnā loke tipānīśabdavācyā // (12) Par.?
kurejā ityapare // (13) Par.?
trivelam ityanenāparadravyāṇāmapi saṃbandhaḥ // (14) Par.?
tenaikaikarasena trivelaṃ bhāvayedityarthaḥ // (15) Par.?
gharme ca pratyekaṃ śoṣaṇam api vihitam // (16) Par.?
trikaṭoḥ tryūṣaṇasya śuṇṭhīmaricapippalyas trikaṭus tryūṣaṇaṃ smṛtam iti // (17) Par.?
vāsā āṭarūṣakaḥ amṛtā guḍūcī // (18) Par.?
lohapātre tat kṣiptveti pūrvaṃ mṛtpātre dhāryamiti prāptam // (19) Par.?
pāṣāṇakhalve vā triphalājalaiḥ triphalākvāthaiḥ triphalā harītakyādi dāḍimatvak valkalaṃ vāsā āṭarūṣakaḥ bhṛṅgo mārkavaḥ kuraṇṭakaḥ sahacaraḥ palāśakadalīdrāvairiti palāśaḥ prasiddhaḥ tasya drāvaḥ svaniryāsaḥ kadalīdrāvaḥ kadalīkandaniryāsaḥ bījako vijayasāro vṛkṣaviśeṣas tasya śṛtena kvāthena nīlikā nīlī alambuṣā muṇḍī babbūlaphalikā babbūlavṛkṣasya phalānītyarthaḥ nāgabalā gāṅgerukī śatāvarī gokṣurakau prasiddhau pātālagaruḍī chirahaṇṭiśabdavācyā // (20) Par.?
anupāne varākvāthaṃ triphalākvātham chinnāsatvaṃ guḍūcīsatvaṃ // (21) Par.?
śeṣaṃ subodham // (22) Par.?
Duration=0.06822395324707 secs.