Texts

Help

Select a text:
Bibliography
Select a chapter:
 (no revisions)
Associated topic(s): Alchemy

Show parallels  Show headlines
Use dependency labeler
Chapter id: 3440
  • Click on a sentence to show its analysis
  • Keep the mouse pointer over a lemma to show its meanings.
atha vaṅgam // (1) Par.?
miśrakaṃ khurakaṃ ceti dvividhaṃ vaṅgamucyate / (2.1) Par.?
khurakaṃ tu guṇaiḥ śreṣṭhaṃ miśrakaṃ na rase hitam // (2.2) Par.?
capalaṃ mṛdulaṃ snigdhaṃ drutadrāvaśca gauravam / (3.1) Par.?
niḥśabdaṃ khuravaṅgaṃ syāt miśrakaṃ śyāmaśubhrakam // (3.2) Par.?
iti // (4) Par.?
spaṣṭamanyat atha māraṇam // (5) Par.?
vaṅgo dāhakaraḥ śītaḥ kaphapīḍāmayān jayet / (6.1) Par.?
krimīn aṣṭādaśavidhān pramehānnātra saṃśayaḥ / (6.2) Par.?
iti // (6.3) Par.?
keciddāhaharaḥ śīta iti paṭhanti tatra madanavinodapathyāpathyanighaṇṭvādau vaṅgasyoṣṇaguṇasya likhitatvāt // (7) Par.?
viśeṣatastālena mṛta uṣṇa eva bhavatīti // (8) Par.?
granthāntarāt vaṅgeśvaraḥ / (9.1) Par.?
śuddhaṃ sūtaṃ śuddhavaṅgaṃ drāvayitvaikataścaret / (9.2) Par.?
tālakaṃ tu dvayostulyaṃ śaṭhīdrāveṇa mardayet // (9.3) Par.?
śuṣkaṃ kācamaye pātre pacedyāmacatuṣṭayam / (10.1) Par.?
turyāṃśaṃ tālakaṃ dattvā punarvāratrayaṃ pacet // (10.2) Par.?
guñjārdhaṃ vātha guñjaikaṃ balamānena bhakṣayet / (11.1) Par.?
jayedvātaṃ kaphaśvāsaṃ kuṣṭhaṃ kāsaṃ bhagandaram // (11.2) Par.?
vātaraktaṃ kṣayaṃ vāpi vahnimāndyaṃ tridoṣakam / (12.1) Par.?
nāmnā vaṅgeśvaraḥ sūtaḥ sarvarogeṣu pūjitaḥ // (12.2) Par.?
pakṣāghātādivāteṣu prasūtyādau viśeṣataḥ / (13.1) Par.?
iti vaṅgeśvaraḥ granthāntarāt // (13.2) Par.?
atha vaṅgaśodhanamāraṇānupānāśca viśeṣata ucyante // (14) Par.?
gomūtre prathamaṃ dadyāttakre dadyāddvitīyakam / (15.1) Par.?
tṛtīyaṃ kāñjike deyaṃ caturthaṃ kaṭutailake // (15.2) Par.?
śubhalagnena yogena śodhanaṃ kārayedbhiṣak / (16.1) Par.?
nirliptaṃ drāvitaṃ vaṅgaṃ sarvarogeṣu yojayet // (16.2) Par.?
iti vaṅgaśodhanam // (17) Par.?
atha māraṇam / (18.1) Par.?
cullyupari sthitaṃ pātraṃ pācayedyāmakadvayam / (18.2) Par.?
gharṣaṇaṃ lohadaṇḍena cūrṇaṃ deyaṃ punaḥ punaḥ // (18.3) Par.?
prathamaṃ rajanīcūrṇaṃ dīpyakaṃ ca dvitīyakam / (19.1) Par.?
tṛtīyaṃ jīrakaṃ dvayaṃ caturthaṃ tintiḍītvacam // (19.2) Par.?
evaṃ krameṇa cūrṇena vaṅgaṃ niścandrikaṃ bhavet / (20.1) Par.?
svāṅgaśītaṃ samuddhṛtya bhasma candrasamaṃ sitam // (20.2) Par.?
guñjāmātraṃ pradātavyaṃ vaṅgabhasma subhakṣitam / (21.1) Par.?
anupānaṃ pravakṣyāmi yathāvyādhyanupānataḥ // (21.2) Par.?
dhātrīsvarasasaṃyuktaṃ pramehaṃ hanti dustaram / (22.1) Par.?
śatāvarīrasenaiva mūtrakṛcchravināśanam // (22.2) Par.?
bahumūtraharaṃ tattu pāribhadrarasena tu / (23.1) Par.?
rajanīcūrṇamadhukaṃ dhātrīphalarasena tu // (23.2) Par.?
catuḥprakāraṃ pradaraṃ nāśayennātra saṃśayaḥ / (24.1) Par.?
pañcatiktakaṣāyeṇa pāyayetsarvakuṣṭhajit // (24.2) Par.?
śarkarāmadhusaṃyuktaṃ kūṣmāṇḍasya rasena tu / (25.1) Par.?
raktapittakṣayaṃ kāsaṃ śvāsaṃ hanti sudustarām // (25.2) Par.?
kaṇṭakārīrasenaiva pātavyaṃ pañcakāsajit / (26.1) Par.?
mudgaṃ saśarkaraṃ kṣaudraṃ jāṅgalaṃ piśitaṃ rasam // (26.2) Par.?
uduṃbaraphalaṃ caiva taṇḍulīyakavāstukam / (27.1) Par.?
rambhāprasūtaṃ cāṅgerīm ayakaṃ kadalīphalam // (27.2) Par.?
navanītaṃ tathā kṣīramabhyaṅgasnānamācaret / (28.1) Par.?
iti vaṅgakalpaḥ // (28.2) Par.?
Duration=0.075028896331787 secs.