UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3597
- Click on a sentence to show its analysis
- Keep the mouse pointer over a lemma to show its meanings.
yadi hi hetvādiṣu parabhūteṣu pratyayeṣu samasteṣu vyasteṣu vyastasamasteṣu hetupratyayasāmagryā anyatra vā kvacid bhāvānāṃ kāryāṇāmutpādātpūrvaṃ sattvaṃ syāt syāttebhya utpādaḥ // (1)
Par.?
na caivaṃ yadutpādātpūrvaṃ saṃbhavaḥ syāt // (2)
Par.?
yadi syād gṛhyeta cotpādavaiyarthyaṃ ca syāt // (3)
Par.?
tasmānna cāsti bhāvānāṃ pratyayādiṣu svabhāvaḥ // (4)
Par.?
avidyamāne ca svabhāve nāsti parabhāvaḥ // (5)
Par.?
bhavanaṃ bhāva utpādaḥ // (6)
Par.?
parebhya utpādaḥ parabhāvaḥ // (7)
Par.?
sa na vidyate // (8)
Par.?
tasmādayuktametat parabhūtebhyo bhāvānāmutpattiriti // (9)
Par.?
athavā bhāvānāṃ kāryāṇām aṅkurādīnāṃ bījādiṣu pratyayeṣu satsvavikṛtarūpeṣu nāsti svabhāvo nirhetukatvaprasaṅgāt // (10)
Par.?
tatkimapekṣaṃ paratvaṃ pratyayādīnām // (11)
Par.?
vidyamānayoreva hi maitropagrāhakayoḥ parasparāpekṣaṃ paratvam // (12)
Par.?
na caivaṃ bījāṅkurayoryaugapadyam // (13)
Par.?
tasmādavidyamāne svabhāve kāryāṇāṃ parabhāvaḥ paratvaṃ bījādīnāṃ nāstīti paravyapadeśābhāvādeva na parata utpāda iti // (14) Par.?
tasmādāgamābhiprāyān abhijñataiva parasya // (15)
Par.?
na hi tathāgatā yuktiviruddhaṃ vākyamudāharanti // (16)
Par.?
āgamasya cābhiprāyaḥ prāgevopavarṇitaḥ // (17)
Par.?
tadevaṃ pratyayebhya utpādavādini pratiṣiddhe kriyāta utpādavādī manyate // (18)
Par.?
na cakṣūrūpādayaḥ pratyayāḥ sākṣādvijñānaṃ janayanti // (19)
Par.?
vijñānajanikriyāniṣpādakatvāttu pratyayā ucyante // (20)
Par.?
sā ca kriyā vijñānaṃ janayati // (21)
Par.?
tasmāt pratyayavatī vijñānajanikriyā vijñānajanikā na pratyayāḥ // (22)
Par.?
yathā parikriyā odanasyeti // (23)
Par.?
Duration=0.063060998916626 secs.