UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3930
- Click on a sentence to show its analysis
- Keep the mouse pointer over a lemma to show its meanings.
mārkaṇḍeya uvāca / (1.1)
Par.?
andhakaṃ tu nihatyātha devadevo maheśvaraḥ / (1.2)
Par.?
umayā sahito rudraḥ kailāsamagamannagam // (1.3)
Par.?
āgatāśca tato devā brahmādyāśca savāsavāḥ / (2.1)
Par.?
hṛṣṭāstuṣṭāśca te sarve praṇemuḥ pārvatīpatim // (2.2)
Par.?
īśvara uvāca / (3.1)
Par.?
upāviśantu te sarve ye kecana samāgatāḥ / (3.2)
Par.?
nihato dānavo hyeṣa gīrvāṇārthe pitāmaha // (3.3)
Par.?
raktena tasya me śūlaṃ nirmalaṃ naiva jāyate / (4.1)
Par.?
śubhavratatapojapyarato brahmanmayā hataḥ // (4.2)
Par.?
kartumicchāmyahaṃ samyak tīrthayānaṃ caturmukha / (5.1)
Par.?
āgacchantu mayā sārddhaṃ ye yūyamiha saṃgatāḥ // (5.2)
Par.?
ityuktvā devadeveśaḥ prabhāsaṃ pratiniryayau / (6.1)
Par.?
prabhāsādyāni tīrthāni gaṅgāsāgaramadhyataḥ // (6.2)
Par.?
avagāhyāpi sarvāṇi nairmalyaṃ nābhavannṛpa / (7.1)
Par.?
narmadāyāṃ tato gatvā devo devaiḥ samanvitaḥ // (7.2)
Par.?
uttaraṃ dakṣiṇaṃ kūlam avāgāhat priyavrataḥ / (8.1)
Par.?
gatastu dakṣiṇe kūle parvate bhṛgusaṃjñitam // (8.2)
Par.?
tatra sthitvā mahādevo devaiḥ saha mahīpate / (9.1)
Par.?
bhrāntvā bhrāntvā ciraṃ śrānto nirviṇṇo niṣasāda ha // (9.2)
Par.?
manohāri yataḥ sthānaṃ sarveṣāṃ vai divaukasām / (10.1)
Par.?
tīrthaṃ viśiṣṭaṃ tanmatvā sthito devo maheśvaraḥ // (10.2)
Par.?
giriṃ vivyādha śūlena bhinnaṃ tena rasātalam / (11.1)
Par.?
nirmalaṃ cābhavacchūlaṃ na lepo dṛśyate kvacit // (11.2)
Par.?
devair āhvānitā tatra mahāpuṇyā ca bhāratī / (12.1)
Par.?
parvatān niḥsṛtā tatra mahāpuṇyā sarasvatī // (12.2)
Par.?
dvitīyaḥ saṅgamas tatra yathā veṇyāṃ sitāsitaḥ / (13.1)
Par.?
tatra brahmā svayaṃ devo brahmeśaṃ liṅgam uttamam // (13.2)
Par.?
saṃsthāpayāmāsa puṇyaṃ sarvaduḥkhaghnamuttamam / (14.1) Par.?
tasya yāmye diśo bhāge svayaṃ devo janārdanaḥ // (14.2)
Par.?
tiṣṭhate ca sadā tatra viṣṇupādāgrasaṃsthitā / (15.1)
Par.?
ambhaso na bhaven mārgaḥ kuṇḍamadhyasthitasya ca // (15.2)
Par.?
śūlāgreṇa kṛtā rekhā tatas toyaṃ vahen nṛpa / (16.1)
Par.?
tat toyaṃ ca gataṃ tatra yatra revā mahānadī // (16.2)
Par.?
jalaliṅgaṃ mahāpuṇyaṃ
cakatīrthaṃ nṛpottama / (17.1)
Par.?
śūlabhede ca deveśaḥ snānaṃ kuryād yathāvidhi // (17.2)
Par.?
ātmānaṃ manyate śuddhaṃ na kiṃcit kalmaṣaṃ kṛtam / (18.1)
Par.?
tasyaivottarakāṣṭhāyāṃ devadevo jagadguruḥ // (18.2)
Par.?
ātmanā devadeveśaḥ śūlapāṇiḥ pratiṣṭhitaḥ / (19.1)
Par.?
sarvatīrtheṣu tattīrthaṃ sarvadevamayaṃ param // (19.2)
Par.?
sarvapāpaharaṃ puṇyaṃ sarvaduḥkhaghnam uttamam / (20.1)
Par.?
tatra tīrthe pratiṣṭhāpya devadevaṃ jagadguruḥ // (20.2)
Par.?
rakṣāpālāṃs tato muktvā śataṃ sāṣṭavināyakān / (21.1)
Par.?
kṣetrapālāḥ śataṃ sāṣṭaṃ tadrakṣanti prayatnataḥ // (21.2)
Par.?
vighnāstasyopajāyante yastatra sthātum icchati / (22.1)
Par.?
kecit
kuṭumbāttatāsu vyāgrāḥ kecit kṛṣīṣu ca // (22.2)
Par.?
kecitsabhāṃ prakurvanti keciddravyārjane ratāḥ / (23.1)
Par.?
parokṣavādaṃ kurvanti ke 'pi hiṃsāratāḥ sadā // (23.2)
Par.?
paradāraratāḥ kecitkecidvṛttivihiṃsakāḥ / (24.1)
Par.?
anye kecidvadantyevaṃ kathaṃ tīrtheṣu gamyate // (24.2)
Par.?
kṣudhayā pīḍyate bhāryā putrabhṛtyādayas tadā / (25.1)
Par.?
mohajāleṣu yojyante evaṃ devagaṇair narāḥ // (25.2)
Par.?
pāpācārāśca ye martyāḥ snānaṃ teṣāṃ na jāyate / (26.1)
Par.?
saṃrakṣanti ca tattīrthaṃ devabhṛtyagaṇāḥ sadā // (26.2)
Par.?
dhanyāḥ puṇyāśca ye martyās teṣāṃ snānaṃ prajāyate / (27.1)
Par.?
sarasvatyā bhogavatyā devanadyā viśeṣataḥ // (27.2)
Par.?
ayaṃ tu saṅgamaḥ puṇyo yathā veṇyāṃ sitāsitaḥ / (28.1)
Par.?
dṛṣṭvā tīrthaṃ tu te sarve gīrvāṇā hṛṣṭacetasaḥ // (28.2)
Par.?
devasya sannidhau bhūtvā varṇayāmāsuruttamam / (29.1)
Par.?
idaṃ tīrthaṃ tu deveśa gayātīrthena te samam // (29.2)
Par.?
guhyādguhyatamaṃ tīrthaṃ na bhūtaṃ na bhaviṣyati / (30.1)
Par.?
śūlapāṇiḥ samabhyarcya indrādyairapsarogaṇaiḥ // (30.2)
Par.?
yakṣakinnaragandharvair dikpālair lokapairapi / (31.1)
Par.?
nṛtyagītais tathā stotraiḥ sarvaiścāpi surāsuraiḥ // (31.2)
Par.?
pūjyamāno gaṇaiḥ sarvaiḥ siddhair nāgair maheśvaraḥ / (32.1)
Par.?
devena bheditaṃ tatra śūlāgreṇa narādhipa // (32.2)
Par.?
tridhā yatrekṣyate 'dyāpi hyāvartaḥ surapūritaḥ / (33.1)
Par.?
kuṇḍatrayaṃ naravyāghra mahatkalakalānvitam // (33.2)
Par.?
sarvapāpakṣayakaraṃ sarvaduḥkhaghnam uttamam / (34.1)
Par.?
tatra tīrthe tu yaḥ snāti upavāsaparāyaṇaḥ // (34.2)
Par.?
dīkṣāmantravihīno 'pi mucyate cābdikādaghāt / (35.1)
Par.?
ye punarvidhivatsnānti mantraiḥ pañcabhireva ca // (35.2)
Par.?
vedoktaiḥ pañcabhirmantraiḥ sahiraṇyaghaṭaiḥ śubhaiḥ / (36.1)
Par.?
akṣarair daśabhiścaiva ṣaḍbhirvā tribhireva vā // (36.2)
Par.?
pṛthagbhūtairdvijātīnāṃ tīrthe kāryaṃ narādhipa / (37.1)
Par.?
brahmakṣatraviśāṃ vāpi strīśūdrāṇāṃ tathaiva ca // (37.2)
Par.?
puruṣāṇāṃ trayīṃ dhyātvā snānaṃ kuryād yathāvidhi / (38.1)
Par.?
daśākṣareṇa mantreṇa ye pibanti jalaṃ narāḥ // (38.2)
Par.?
te gacchanti paraṃ lokaṃ yatra devo maheśvaraḥ / (39.1)
Par.?
kedāre ca yathā pītaṃ rudrakuṇḍe tathaiva ca // (39.2)
Par.?
pañcarephasamāyuktaṃ kṣakāraṃ surapūjitam / (40.1)
Par.?
oṅkāreṇa samāyuktam etad vedyaṃ prakīrtitam // (40.2)
Par.?
yastatra kurute snānaṃ vidhiyukto jitendriyaḥ / (41.1)
Par.?
tilamiśreṇa toyena tarpayet pitṛdevatāḥ // (41.2)
Par.?
kulānāṃ tārayed viṃśaṃ daśapūrvāndaśāparān / (42.1)
Par.?
gayādipañcasthāneṣu yaḥ śrāddhaṃ kurute naraḥ // (42.2)
Par.?
sa tatra phalamāpnoti śūlabhede na saṃśayaḥ / (43.1)
Par.?
yastatra vidhinā yukto dadyāddānāni bhaktitaḥ // (43.2)
Par.?
tudakṣayaṃ phalaṃ tatra sukṛtaṃ duṣkṛtaṃ tathā / (44.1)
Par.?
gayāśiro yathā puṇyaṃ pitṛkāryeṣu sarvadā // (44.2)
Par.?
śūlabhedaṃ tathā puṇyaṃ snānadānāditarpaṇaiḥ / (45.1)
Par.?
bhaktyā dadāti yastatra kāñcanaṃ gāṃ mahīṃ tilān // (45.2)
Par.?
āsanopānahau śayyāṃ varāśvān kṣatriyas tathā / (46.1)
Par.?
vastrayugmaṃ ca dhānyaṃ ca gṛhaṃ pūrṇaṃ prayatnataḥ // (46.2)
Par.?
sayoktraṃ lāṅgalaṃ dadyāt kṛṣṭāṃ caiva vasuṃdharām / (47.1)
Par.?
dānānyetāni yo dadyād brāhmaṇe vedapārage // (47.2)
Par.?
śrotriye kulasampanne śuciṣmati jitendriye / (48.1)
Par.?
śrutādhyayanasampanne dambhahīne kriyānvite / (48.2)
Par.?
trayodaśāhaḥsvekaikaṃ trayodaśaguṇaṃ bhavet // (48.3)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śūlabhedotpattimāhātmyavarṇanaṃ nāmaikonapañcāśattamo 'dhyāyaḥ // (49.1)
Par.?
Duration=0.18760704994202 secs.