Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4629

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

tato gacchet paraṃ puṇyaṃ narmadādakṣiṇe taṭe / (1.2) Par.?

śakratīrthaṃ suvikhyātam aśeṣāghavināśanam // (1.3) Par.?

purā śakreṇa tatraiva tapo vai duratikramam / (2.1) Par.?

prārabdhaṃ parayā bhaktyā devaṃ prati maheśvaram // (2.2) Par.?

tataḥ saṃtoṣito deva umāpatir narādhipa / (3.1) Par.?

devendratvaṃ varaṃ rājyaṃ dānavānāṃ vadhaṃ dadau // (3.2) Par.?

labdhaṃ śakreṇa nṛpate narmadātīrthabhāvataḥ / (4.1) Par.?

tataḥ puṇyatamaṃ tīrthaṃ saṃjātaṃ vasudhātale // (4.2) Par.?

kārttikasya tu māsasya kṛṣṇapakṣe trayodaśīm / (5.1) Par.?

upoṣya vai naro bhaktyā sarvapāpaiḥ pramucyate // (5.2) Par.?

duḥsvapnasambhavaiḥ pāpairdurnimittasamudbhavaiḥ / (6.1) Par.?

grahaśākinisambhūtair mucyate pāṇḍunandana // (6.2) Par.?

śakreśvaraṃ nṛpaśreṣṭha ye prapaśyanti bhaktitaḥ / (7.1) Par.?

teṣāṃ janmakṛtaṃ pāpaṃ naśyate nātra saṃśayaḥ // (7.2) Par.?

agamyāgamane caiva avāhye caiva vāhite / (8.1) Par.?

svāmimitravighāte yannaśyate nātra saṃśayaḥ // (8.2) Par.?

gopradānaṃ prakartavyaṃ śubhaṃ brāhmaṇapuṃgave / (9.1) Par.?

dhuryaṃ vā dāpayet tasmin sarvāṅgaruciraṃ nṛpa // (9.2) Par.?

dātavyaṃ parayā bhaktyā svarge vāsamabhīpsatā / (10.1) Par.?

etat te sarvam ākhyātaṃ śakreśvaraphalaṃ nṛpa // (10.2) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śakreśvaratīrthamāhātmyavarṇanaṃ nāmaikaṣaṣṭitamo 'dhyāyaḥ // (11.1) Par.?

Duration=0.26746892929077 secs.