Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4669
  • Click on a sentence to show its analysis
  • Keep the mouse pointer over a lemma to show its meanings.
śrīmārkaṇḍeya uvāca / (1.1) Par.?
tato gacchettu rājendra tīrthaṃ paramaśobhanam / (1.2) Par.?
uttare narmadākūle yajñavāṭasya madhyataḥ // (1.3) Par.?
saṃkarṣaṇamiti khyātaṃ pṛthivyāṃ pāpanāśanam / (2.1) Par.?
tapaścīrṇaṃ purā rājanbalabhadreṇa tatra vai // (2.2) Par.?
gīrvāṇā api tatraiva saṃnidhau nṛpanandana / (3.1) Par.?
umayā sahitaḥ śambhuḥ sthitastatraiva keśavaḥ // (3.2) Par.?
balabhadreṇa rājendra prāṇinām upakārataḥ / (4.1) Par.?
sthāpitaḥ parayā bhaktyā śaṅkaraḥ pāpanāśanaḥ // (4.2) Par.?
yastatra snāti vai bhaktyā jitakrodho jitendriyaḥ / (5.1) Par.?
ekādaśyāṃ site pakṣe madhunā snāpayecchivam // (5.2) Par.?
śrāddhaṃ tatraiva yo bhaktyā pitṝṇāmatha dāpayet / (6.1) Par.?
sa yāti paramaṃ sthānaṃ balabhadravaco yathā // (6.2) Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe saṃkarṣaṇatīrthamāhātmyavarṇanaṃ nāmaikādhikaśatatamo 'dhyāyaḥ // (7.1) Par.?
Duration=0.044575929641724 secs.