Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4687
  • Click on a sentence to show its analysis
  • Keep the mouse pointer over a lemma to show its meanings.
śrīmārkaṇḍeya uvāca / (1.1) Par.?
tato gacchettu rājendra kahloḍītīrtham uttamam / (1.2) Par.?
revāyāścottare kūle sarvapāpavināśanam // (1.3) Par.?
hitārthaṃ sarvabhūtānām ṛṣibhiḥ sthāpitaṃ purā / (2.1) Par.?
tapasā tu samuddhṛtya narmadāyāṃ mahāmbhasi // (2.2) Par.?
snātvā tu kapilātīrthe kapilāṃ yaḥ prayacchati / (3.1) Par.?
śrutvā cākhyānakaṃ divyaṃ brāhmaṇāñchṛṇu yatphalam // (3.2) Par.?
sarveṣāmeva dānānāṃ kapilādānamuttamam / (4.1) Par.?
brāhmaṇānveṣitaṃ pūrvamṛṣidevasamāgame // (4.2) Par.?
sadyaḥ prasūtāṃ kapilāṃ śobhanāṃ yaḥ prayacchati / (5.1) Par.?
sopavāso jitakrodhastasya puṇyaphalaṃ śṛṇu // (5.2) Par.?
sasamudraguhā tena saśailavanakānanā / (6.1) Par.?
dattā caiva mahābāho pṛthivī nātra saṃśayaḥ // (6.2) Par.?
vācikaṃ mānasaṃ pāpaṃ karmaṇā yatpurā kṛtam / (7.1) Par.?
naśyate kapilāṃ dattvā saptajanmārjitaṃ nṛpa // (7.2) Par.?
bhūmidānaṃ dhanaṃ dhānyaṃ hastyaśvakanakādikam / (8.1) Par.?
kapilādānasyaikasya kalāṃ nārhanti ṣoḍaśīm // (8.2) Par.?
tatra tīrthe naraḥ snātvā kapilāṃ yaḥ prayacchati / (9.1) Par.?
mṛto viṣṇupuraṃ yāti gīyamāno 'psarogaṇaiḥ // (9.2) Par.?
yāvanti tasyā romāṇi savatsāyāstu bhārata / (10.1) Par.?
tāvadvarṣasahasrāṇi sa svarge krīḍate ciram // (10.2) Par.?
tato 'vakīrṇakālena tviha mānuṣyatāṃ gataḥ / (11.1) Par.?
dhanadhānyasamopeto jāyate vipule kule // (11.2) Par.?
vedavidyā vratasnātaḥ sarvaśāstraviśāradaḥ / (12.1) Par.?
vyādhiśokavinirmukto jīvecca śaradāṃ śatam // (12.2) Par.?
etatte sarvamākhyātaṃ kalhoḍītīrtham uttamam / (13.1) Par.?
yatkṛtvā sarvapāpebhyo mucyate nātra saṃśayaḥ // (13.2) Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe kahloḍītīrthamāhātmyavarṇanaṃ nāmaikonaviṃśatyuttaraśatatamo 'dhyāyaḥ // (14.1) Par.?
Duration=0.050867080688477 secs.