Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4697
  • Click on a sentence to show its analysis
  • Keep the mouse pointer over a lemma to show its meanings.
śrīmārkaṇḍeya uvāca / (1.1) Par.?
tato gacchen mahīpāla brahmatīrthamanuttamam / (1.2) Par.?
anyeṣāṃ caiva tīrthānāṃ parātparataraṃ mahat // (1.3) Par.?
tatra tīrthe suraśreṣṭho brahmā lokapitāmahaḥ / (2.1) Par.?
caturṇāmapi varṇānāṃ narmadātaṭamāśritaḥ // (2.2) Par.?
vācikaṃ mānasaṃ pāpaṃ karmajaṃ yatpurākṛtam / (3.1) Par.?
tatkṣālayati deveśo darśanād eva pātakam // (3.2) Par.?
śrutismṛtyuditānyeva tatra snātvā dvijarṣabhāḥ / (4.1) Par.?
prāyaścittāni kurvanti teṣāṃ vāsastriviṣṭape // (4.2) Par.?
ye punaḥ śāstramutsṛjya kāmalobhaprapīḍitāḥ / (5.1) Par.?
prāyaścittaṃ vadiṣyanti te vai nirayagāminaḥ // (5.2) Par.?
snātvādau pātakī brahmannatvā tu kīrtayed agham / (6.1) Par.?
tasya tannaśyate kṣipraṃ tamaḥ sūryodaye yathā // (6.2) Par.?
tatra tīrthe tu yaḥ snātvā pūjayet pitṛdevatāḥ / (7.1) Par.?
agniṣṭomasya yajñasya sa labhet phalamuttamam // (7.2) Par.?
tatra tīrthe tu yad dānaṃ brahmoddiśya prayacchati / (8.1) Par.?
tadakṣayaphalaṃ sarvamityevaṃ śaṅkaro 'bravīt // (8.2) Par.?
gāyatrīsāramātro 'pi tatra yaḥ kriyate japaḥ / (9.1) Par.?
ṛgyajuḥsāmasahitaḥ sa bhavennātra saṃśayaḥ // (9.2) Par.?
tatra tīrthe tu yo bhaktyā tyajeddehaṃ sudustyajam / (10.1) Par.?
anivartikā gatistasya brahmalokān na saṃśayaḥ // (10.2) Par.?
yāvadasthīni tiṣṭhanti brahmatīrthe ca dehinām / (11.1) Par.?
tāvad varṣasahasrāṇi devaloke mahīyate // (11.2) Par.?
avatīrṇastato loke brahmajño jāyate kule / (12.1) Par.?
uttamaḥ sarvavarṇānāṃ devānāmiva devatā // (12.2) Par.?
vidyāsthānāni sarvāṇi vetti vedāṅgapāragaḥ / (13.1) Par.?
jāyate pūjito loke rājabhiḥ sa na saṃśayaḥ // (13.2) Par.?
putrapautrasamopetaḥ sarvavyādhivivarjitaḥ / (14.1) Par.?
jīvedvarṣaśataṃ sāgraṃ brahmatīrthaprabhāvataḥ // (14.2) Par.?
etatpuṇyaṃ pāpaharaṃ tīrthaṃ jñānavatāṃ varam / (15.1) Par.?
ye paśyanti mahātmāno hyamṛtatvaṃ prayānti te // (15.2) Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe brahmatīrthamāhātmyavarṇanaṃ nāmaikonatriṃśadadhikaśatatamo 'dhyāyaḥ // (16.1) Par.?
Duration=0.069447994232178 secs.