Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4700
  • Click on a sentence to show its analysis
  • Keep the mouse pointer over a lemma to show its meanings.
śrīmārkaṇḍeya uvāca / (1.1) Par.?
tato gacchettu rājendra uttare narmadātaṭe / (1.2) Par.?
sarvapāpaharaṃ tīrthaṃ vārāhaṃ nāma nāmataḥ // (1.3) Par.?
tatra devo jagaddhātā vārāhaṃ rūpam āsthitaḥ / (2.1) Par.?
sthito lokahitārthāya saṃsārārṇavatārakaḥ // (2.2) Par.?
tatra tīrthe tu yaḥ snātvā pūjayed dharaṇīdharam / (3.1) Par.?
gandhamālyaviśeṣaiśca jayaśabdādimaṅgalaiḥ // (3.2) Par.?
upavāsaparo bhūtvā dvādaśyāṃ nṛpasattama / (4.1) Par.?
vṛṣalāḥ pāpakarmāṇas tathaivāndhapiśācinaḥ // (4.2) Par.?
ālāpād gātrasaṃparkān niḥśvāsāt sahabhojanāt / (5.1) Par.?
pāpaṃ saṃkramate yasmāt tasmāt tān parivarjayet // (5.2) Par.?
brāhmaṇān pūjayed bhaktyā yathāśaktyā yathāvidhi / (6.1) Par.?
rātrau jāgaraṇaṃ kāryaṃ kathāyāṃ tatra bhārata // (6.2) Par.?
prabhāte vimale snātvā tatra tīrthe jagadgurum / (7.1) Par.?
ye paśyanti jitakrodhāste muktāḥ sarvapātakaiḥ // (7.2) Par.?
yathā tu dṛṣṭvā bhujagāḥ suparṇaṃ naśyanti muktvā viṣamugratejaḥ / (8.1) Par.?
naśyanti pāpāni tathaiva śīghraṃ dṛṣṭvā mukhaṃ śūkararūpiṇastu // (8.2) Par.?
nabhogataṃ naśyati cāndhakāraṃ dṛṣṭvā raviṃ devavaraṃ tathaiva / (9.1) Par.?
naśyanti pāpāni sudustarāṇi dṛṣṭvā mukhaṃ pārtha dharādharasya // (9.2) Par.?
kiṃ tasya bahubhir mantrair bhaktir yasya janārdane / (10.1) Par.?
namo nārāyaṇāyeti mantraḥ sarvārthasādhakaḥ // (10.2) Par.?
eko 'pi kṛṣṇasya kṛtaḥ praṇāmo daśāśvamedhāvabhṛthena tulyaḥ / (11.1) Par.?
daśāśvamedhī punareti janma kṛṣṇapraṇāmī na punarbhavāya // (11.2) Par.?
dhyāyamānā mahātmāno rūpaṃ nārāyaṇaṃ hareḥ / (12.1) Par.?
ye tyajanti svakaṃ dehaṃ tatra tīrthe jitendriyāḥ // (12.2) Par.?
te gacchantyamalaṃ sthānaṃ yatsurair api durlabham / (13.1) Par.?
kṣarākṣaravinirmuktaṃ tadviṣṇoḥ paramaṃ padam // (13.2) Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe ādivārāhatīrthamāhātmyavarṇanaṃ nāma dvātriṃśadadhikaśatatamo 'dhyāyaḥ // (14.1) Par.?
Duration=0.057533979415894 secs.