UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4716
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
tato gacchenmahīpāla tīrthamaṅgārakaṃ śivam / (1.2)
Par.?
uttare narmadākūle sarvapāpakṣayaṃkaram // (1.3)
Par.?
caturthyaṅgārakadine saṃkalpya kṛtaniścayaḥ / (2.1)
Par.?
snāyādastaṃ gate sūrye sandhyopāsanatatparaḥ // (2.2)
Par.?
pūjayellohitaṃ bhaktyā gandhamālyavibhūṣaṇaiḥ / (3.1)
Par.?
saṃsthāpyasthaṇḍile devaṃ raktacandanacarcitam // (3.2)
Par.?
aṅgārakāyeti namaḥ karṇikāyāṃ prapūjayet / (4.1)
Par.?
kujāya bhūmiputrāya raktāṅgāya suvāsase // (4.2)
Par.?
harakopodbhavāyeti svedajāyātibāhave / (5.1)
Par.?
sarvakāmapradāyeti pūrvādiṣu daleṣu ca // (5.2)
Par.?
evaṃ sampūjya vidhivaddadyādarghyaṃ vidhānataḥ / (6.1)
Par.?
bhūmiputra mahāvīrya svedodbhava pinākinaḥ // (6.2)
Par.?
aṅgāraka mahātejā lohitāṅga namo 'stu te / (7.1)
Par.?
karakaṃ vārisaṃyuktaṃ śālitaṃdulapūritam // (7.2)
Par.?
sahiraṇyaṃ savastraṃ ca modakopari saṃsthitam / (8.1)
Par.?
brāhmaṇāya nivedyaṃ tatkujo me prīyatāmiti // (8.2) Par.?
arghaṃ dattvā vidhānena raktacandanavāriṇā / (9.1)
Par.?
raktapuṣpasamākīrṇaṃ tilataṃdulamiśritam // (9.2)
Par.?
kṛtvā tāmramaye pātre maṇḍale vartule śubhe / (10.1)
Par.?
kṛtvā śirasi tatpātraṃ jānubhyāṃ dharaṇīṃ gataḥ // (10.2)
Par.?
mantrapūtaṃ mahābhāga dadyād arghyaṃ vicakṣaṇaḥ / (11.1)
Par.?
tato bhuñjīta maunena kṣāratilāmlavarjitam // (11.2)
Par.?
snigdhaṃ mṛdusamadhuram ātmanaḥ śreya icchatā / (12.1)
Par.?
evaṃ caturthe samprāpte caturthyaṅgārake nṛpa // (12.2)
Par.?
sauvarṇaṃ kārayeddevaṃ yathāśakti surūpiṇam / (13.1)
Par.?
sthāpayet tāmrake pātre guḍapīṭhasamanvite // (13.2)
Par.?
gandhapuṣpādibhirdevaṃ pūjayed guḍasaṃsthitam / (14.1)
Par.?
īśānyāṃ sthāpayeddevaṃ guḍatoyasamanvitam // (14.2)
Par.?
kāsāreṇa tathāgneyyāṃ sthāpayet karakaṃ param / (15.1)
Par.?
raktatandulasaṃmiśraṃ nairṛtyāṃ vāyugocare // (15.2)
Par.?
sthāpayenmodakaiḥ sārdhaṃ caturthaṃ karakaṃ budhaḥ / (16.1)
Par.?
sūtreṇa veṣṭitagrīvaṃ gandhamālyair alaṃkṛtam // (16.2)
Par.?
śaṅkhatūryaninādena jayaśabdādimaṅgalaiḥ / (17.1)
Par.?
raktāmbaradharaṃ vipraṃ raktamālyānulepanam // (17.2)
Par.?
vedimadhyagataṃ vāpi mahadāsanasaṃsthitam / (18.1)
Par.?
surūpaṃ subhagaṃ śāntaṃ sarvabhūtahite ratam // (18.2)
Par.?
vedavidyāvratasnātaṃ sarvaśāstraviśāradam / (19.1)
Par.?
pūjayitvā yathānyāyaṃ vācayetpāṇḍunandana // (19.2)
Par.?
raktāṃ gāṃ ca tato dadyād raktenānaḍuhā saha / (20.1)
Par.?
prīyatāṃ bhūmijo devaḥ sarvadaivatapūjitaḥ // (20.2)
Par.?
vipraṃ pradakṣiṇīkṛtya patnīputrasamanvitaḥ / (21.1)
Par.?
pitṛmātṛsuhṛtsārddhaṃ kṣamāpya ca visarjayet // (21.2)
Par.?
evaṃ kṛtasya tasyātha tasmiṃstīrthe viśeṣataḥ / (22.1)
Par.?
yatpuṇyaṃ phalamuddiṣṭaṃ tatte sarvaṃ vadāmyaham // (22.2)
Par.?
sapta janmāni rājendra surūpaḥ subhago bhavet / (23.1)
Par.?
tīrthasyāsya prabhāvena nātra kāryā vicāraṇā // (23.2)
Par.?
akāmo vā sakāmo vā tatra tīrthe mṛto naraḥ / (24.1)
Par.?
aṅgārakapuraṃ yāti devagandharvapūjitaḥ // (24.2)
Par.?
upabhujya yathānyāyaṃ divyānbhogānanuttamān / (25.1)
Par.?
iha mānuṣyaloke vai rājā bhavati dhārmikaḥ // (25.2)
Par.?
surūpaḥ subhagaścaiva sarvavyādhivivarjitaḥ / (26.1)
Par.?
jīvedvarṣaśataṃ sāgraṃ sarvalokanamaskṛtaḥ // (26.2)
Par.?
iti śrīskānde mahāpurāṇe ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe maṅgaleśvaratīrthamāhātmyavarṇanaṃ nāmāṣṭācatvāriṃśadadhikaśatatamo 'dhyāyaḥ // (27.1)
Par.?
Duration=0.20024299621582 secs.