Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4727

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

tato gacchenmahārāja tīrthaṃ paramapāvanam / (1.2) Par.?

narmadāyāṃ suduṣprāpaṃ siddhaṃ hyanarakeśvaram // (1.3) Par.?

tasmiṃstīrthe naraḥ snātvā pāpakarmāpi bhārata / (2.1) Par.?

na paśyati mahāghoraṃ narakadvārasaṃjñikam // (2.2) Par.?

yudhiṣṭhira uvāca / (3.1) Par.?

śubhāśubhaphalaistāta bhuktabhogā narāstviha / (3.2) Par.?

jāyante lakṣaṇairyaistu tāni me vada sattama // (3.3) Par.?

yathā nirgacchate jīvastyaktvā dehaṃ na paśyati / (4.1) Par.?

tathā gacchanpunardehaṃ pañcabhūtasamanvitaḥ // (4.2) Par.?

tvagasthimāṃsamedo'sṛkkeśasnāyuśataiḥ saha / (5.1) Par.?

viṇmūtraretaḥsaṅghāte kā saṃjñā jāyate nṛṇām // (5.2) Par.?

evamuktaḥ sa mārkaṇḍaḥ kathayāmāsa yogavit / (6.1) Par.?

dhyātvā sanātanaṃ sarvaṃ devadevaṃ maheśvaram // (6.2) Par.?

mārkaṇḍeya uvāca / (7.1) Par.?

śṛṇu pārtha mahāpraśnaṃ kathayāmi yathāśrutam / (7.2) Par.?

sakāśādbrahmaṇaḥ pūrvamṛṣidevasamāgame // (7.3) Par.?

gururātmavatāṃ śāstā rājā śāstā durātmanām / (8.1) Par.?

iha pracchannapāpānāṃ śāstā vaivasvato yamaḥ // (8.2) Par.?

acīrṇaprāyaścittānāṃ yamaloke hyanekadhā / (9.1) Par.?

yātanābhirviyuktānāmanekāṃ jīvasantatim // (9.2) Par.?

gatvā manuṣyabhāve tu pāpacihnā bhavanti te / (10.1) Par.?

tatte 'haṃ sampravakṣyāmi śṛṇuṣvaikamanā nṛpa // (10.2) Par.?

sahitvā yātanāṃ sarvāṃ gatvā vaivasvatakṣayam / (11.1) Par.?

vistīrṇayātanā ye tu lokamāyānti cihnitāḥ // (11.2) Par.?

gadgado 'nṛtavādī syānmūkaścaiva gavānṛte / (12.1) Par.?

brahmahā jāyate kuṣṭhī śyāvadantastu madyapaḥ // (12.2) Par.?

kunakhī svarṇaharaṇād duḥścarmā gurutalpagaḥ / (13.1) Par.?

saṃyogī hīnayoniḥ syād daridro 'dattadānataḥ // (13.2) Par.?

grāmaśūkaratāṃ yāti hyayājyayājako nṛpa / (14.1) Par.?

kharo vai bahuyājī syācchvānimantritabhojanāt // (14.2) Par.?

aparīkṣitabhojī syādvānaro vijane vane / (15.1) Par.?

vitarjako 'tha mārjāraḥ khadyotaḥ kakṣadāhataḥ // (15.2) Par.?

avidyāṃ yaḥ prayaccheta balīvardo bhaveddhi saḥ / (16.1) Par.?

annaṃ paryuṣitaṃ vipre dadānaḥ klībatāṃ vrajet // (16.2) Par.?

mātsaryādatha jātyandho janmāndhaḥ pustakaṃ haran / (17.1) Par.?

phalānyāharato 'patyaṃ mriyate nātra saṃśayaḥ // (17.2) Par.?

mṛto vānaratāṃ yāti tanmukto 'tha galāḍavān / (18.1) Par.?

adattvā bhakṣayaṃstāni hyanapatyo bhavennaraḥ // (18.2) Par.?

haranvastraṃ bhavedgodhā garadaḥ pavanāśanaḥ / (19.1) Par.?

pravrājī gamanād rājan bhaven marupiśācakaḥ // (19.2) Par.?

vātako jalahartā ca dhānyahartā ca mūṣakaḥ / (20.1) Par.?

aprāptayauvanāṃ gacchan bhavet sarpa iti śrutiḥ // (20.2) Par.?

gurudārābhilāṣī ca kṛkalāso bhavecciram / (21.1) Par.?

jalaprasravaṇaṃ yastu bhindyānmatsyo bhavennaraḥ // (21.2) Par.?

avikreyān vikrayan vai vikaṭākṣo bhavennaraḥ / (22.1) Par.?

ayonigo vṛko hi syād ulūkaḥ krayavañcanāt // (22.2) Par.?

mṛtasyaikādaśāhe tu bhuñjānaḥ śvopajāyate / (23.1) Par.?

pratiśrutya dvijāyārtham adadan madhuko bhavet // (23.2) Par.?

rājñīgamādbhavedduṣṭataskaro viḍvarāhakaḥ / (24.1) Par.?

parivādī dvijātīnāṃ labhate kācchapīṃ tanum // (24.2) Par.?

vrajeddevalako rājanyoniṃ cāṇḍālasaṃjñitām / (25.1) Par.?

durbhagaḥ phalavikretā vṛściko vṛṣalīpatiḥ // (25.2) Par.?

mārjāro 'gniṃ padā spṛṣṭvā rogavānparamāṃsabhuk / (26.1) Par.?

sodaryāgamanātṣaṇḍho durgandhaśca sugandhahṛt // (26.2) Par.?

grāmabhaṭṭo divākīrtir daivajño gardabho bhavet / (27.1) Par.?

kupaṇḍitaḥ syānmārjāro bhaṣaṇo vyāsa eva ca // (27.2) Par.?

sa eva dṛśyate rājanprakāśāt paramarmaṇām / (28.1) Par.?

yadvā tadvāpi pārakyaṃ svalpaṃ vā yadi vā bahu // (28.2) Par.?

kṛtvā vai yonimāpnoti tairaścīṃ nātra saṃśayaḥ / (29.1) Par.?

evamādīni cānyāni cihnāni nṛpasattama // (29.2) Par.?

svakarmavihitānyeva dṛśyante yaistu mānavāḥ / (30.1) Par.?

tato janma tato mṛtyuḥ sarvajantuṣu bhārata // (30.2) Par.?

jāyate nātra sandehaḥ samībhūte śubhāśubhe / (31.1) Par.?

strīpuṃsoḥ samprayogeṇa viṣuddhe śukraśoṇite // (31.2) Par.?

pañcabhūtasamopetaḥ saṣaṣṭhaḥ parameśvaraḥ / (32.1) Par.?

indriyāṇi manaḥ prāṇā jñānamāyuḥ sukhaṃ dhṛtiḥ // (32.2) Par.?

dhāraṇaṃ preraṇaṃ duḥkhamicchāhaṅkāra eva ca / (33.1) Par.?

prayatna ākṛtirvarṇaḥ svaradveṣau bhavābhavau // (33.2) Par.?

tasyedamātmanaḥ sarvamanāderādimicchataḥ / (34.1) Par.?

prathame māsi sa kledabhūto dhātuvimūrchitaḥ // (34.2) Par.?

māsyarbudaṃ dvitīye tu tṛtīye cendriyairyutaḥ / (35.1) Par.?

ākāśāllāghavaṃ saukṣmyaṃ śabdaṃ śrotrabalādikam / (35.2) Par.?

vāyostu sparśanaṃ ceṣṭāṃ dahanaṃ raukṣyameva ca // (35.3) Par.?

pittāttu darśanaṃ paktimauṣṇyaṃ rūpaṃ prakāśanam / (36.1) Par.?

salilādrasanāṃ śaityaṃ snehaṃ kledaṃ samārdavam // (36.2) Par.?

bhūmergandhaṃ tathā ghrāṇaṃ gauravaṃ mūrtimeva ca / (37.1) Par.?

ātmā gṛhṇātyajaḥ pūrvaṃ tṛtīye spandate ca saḥ // (37.2) Par.?

daurhṛdasyāpradānena garbho doṣamavāpnuyāt / (38.1) Par.?

vairūpyaṃ maraṇaṃ vāpi tasmātkāryaṃ priyaṃ striyāḥ // (38.2) Par.?

sthairyaṃ caturthe tvaṅgānāṃ pañcame śoṇitodbhavaḥ / (39.1) Par.?

ṣaṣṭhe balaṃ ca varṇaśca nakharomṇāṃ ca sambhavaḥ // (39.2) Par.?

manasā cetanāyukto nakharomaśatāvṛtaḥ / (40.1) Par.?

saptame cāṣṭame caiva tvacāvān smṛtivān api // (40.2) Par.?

punargarbhaṃ punar dhātrīm enastasya pradhāvati / (41.1) Par.?

aṣṭame māsyato garbho jātaḥ prāṇairviyujyate // (41.2) Par.?

navame daśame vāpi prabalaiḥ sūtimārutaiḥ / (42.1) Par.?

nirgacchate bāṇa iva yantracchidreṇa sajvaraḥ // (42.2) Par.?

śarīrāvayavairyukto hyaṅgapratyaṅgasaṃyutaḥ / (43.1) Par.?

aṣṭottaraṃ marmaśataṃ tatrāsthā tu śatatrayam // (43.2) Par.?

sapta śiraḥkapālāni vihitāni svayambhuvā / (44.1) Par.?

tisraḥ koṭyo 'rdhakoṭī ca romṇāmaṅgeṣu bhārata // (44.2) Par.?

dvāsaptatisahasrāṇi hṛdayād abhinisṛtāḥ / (45.1) Par.?

hitānāma hi tā nāḍyastāsāṃ madhye śaśiprabhā // (45.2) Par.?

evaṃ pravartate cakraṃ bhūtagrāme caturvidhe / (46.1) Par.?

utpattiśca vināśaśca bhavataḥ sarvadehinām // (46.2) Par.?

gatirūrdhvā ca dharmeṇa hyadharmeṇa tvadhogatiḥ / (47.1) Par.?

jāyate sarvavarṇānāṃ svadharmacalanān nṛpa // (47.2) Par.?

devatve mānavatve ca dānabhogādikāḥ kriyāḥ / (48.1) Par.?

dṛśyante yā mahārāja tatsarvaṃ karmajaṃ phalam // (48.2) Par.?

svakarma vihite ghore kāmaksodhārjite śubhe / (49.1) Par.?

nimajjennarake ghore yasyottāro na vidyate // (49.2) Par.?

uttāraṇāya jantūnāṃ narmadātaṭasaṃsthitam / (50.1) Par.?

evametanmahātīrthaṃ narakeśvaramuttamam // (50.2) Par.?

narakāpahaṃ mahāpuṇyaṃ mahāpātakanāśanam / (51.1) Par.?

tattīrthaṃ sarvatīrthānāmuttamaṃ bhuvi durlabham // (51.2) Par.?

tatra tīrthe tu yaḥ snātvā pūjayeta maheśvaram / (52.1) Par.?

mahāpātakayukto 'pi narakaṃ naiva paśyati // (52.2) Par.?

tatra tīrthe tu yo dadyād dhenuṃ vaitaraṇīṃ śubhām / (53.1) Par.?

sa mucyate sukhenaiva vaitaraṇyāṃ na saṃśayaḥ // (53.2) Par.?

yudhiṣṭhira uvāca / (54.1) Par.?

yamadvāre mahāghore yā sā vaitaraṇī nadī / (54.2) Par.?

kiṃrūpā kiṃpramāṇā sā kathaṃ sā vahati dvija // (54.3) Par.?

kathaṃ tasyāḥ pramucyante keṣāṃ vāsastu saṃtatam / (55.1) Par.?

keṣāṃ tu sānukūlā sā hyetadvistarato vada // (55.2) Par.?

śrīmārkaṇḍeya uvāca / (56.1) Par.?

dharmaputra mahābāho śṛṇu sarvaṃ mayoditam / (56.2) Par.?

yā sā vaitaraṇī nāma yamadvāre mahāsarit // (56.3) Par.?

agādhā pārarahitā dṛṣṭamātrā bhayāvahā / (57.1) Par.?

pūyaśoṇitatoyā sā māṃsakardamanirmitā // (57.2) Par.?

tattoyaṃ bhramate tūrṇaṃ tāpīmadhye ghṛtaṃ yathā / (58.1) Par.?

kṛmibhiḥ saṅkulaṃ pūyaṃ vajratuṇḍairayomukhaiḥ // (58.2) Par.?

śiśumāraiśca makarair vajrakartarisaṃyutaiḥ / (59.1) Par.?

anyaiśca jalajīvaiḥ sā suhiṃsrairmarmabhedibhiḥ // (59.2) Par.?

tapanti dvādaśādityāḥ pralayānta ivolbaṇāḥ / (60.1) Par.?

patanti tatra vai martyāḥ krandanto bhṛśadāruṇam // (60.2) Par.?

hā bhrātaḥ putra hā mātaḥ pralapanti muhurmuhuḥ / (61.1) Par.?

asipattravane ghore patantaṃ yo 'bhirakṣati // (61.2) Par.?

prataranti nimajjanti glāniṃ gacchanti jantavaḥ / (62.1) Par.?

caturvidhaiḥ prāṇigaṇairdraṣṭavyā sā mahānadī // (62.2) Par.?

taranti tasyāṃ saddānairanyathā tu patanti te / (63.1) Par.?

mātaraṃ ye na manyante hyācāryaṃ gurumeva ca // (63.2) Par.?

avajānanti mūḍhā ye teṣāṃ vāsastu saṃtatam / (64.1) Par.?

pativratāṃ sādhuśīlāmūḍhāṃ dharmeṣu niścalām // (64.2) Par.?

parityajanti ye pāpāḥ saṃtataṃ tu vasanti te / (65.1) Par.?

viśvāsapratipannānāṃ svāmimitratapasvinām // (65.2) Par.?

strībālavṛddhadīnānāṃ chidram anveṣayanti ye / (66.1) Par.?

pacyante tatra madhye vai krandamānāḥ supāpinaḥ // (66.2) Par.?

śrāntaṃ bubhukṣitaṃ vipraṃ yo vighnayati durmatiḥ / (67.1) Par.?

kṛmibhir bhakṣyate tatra yāvatkalpaśatatrayam // (67.2) Par.?

brāhmaṇāya pratiśrutya yo dānaṃ na prayacchati / (68.1) Par.?

āhūya nāsti yo brūte tasya vāsastu saṃtatam // (68.2) Par.?

agnido garadaścaiva rājagāmī ca paiśunī / (69.1) Par.?

kathābhaṅgakaraścaiva kūṭasākṣī ca madyapaḥ // (69.2) Par.?

vajravidhvaṃsakaścaiva svayaṃdattāpahārakaḥ / (70.1) Par.?

sukṣetrasetubhedī ca paradārapradharṣakaḥ // (70.2) Par.?

brāhmaṇo rasavikretā vṛṣalīpatireva ca / (71.1) Par.?

gokulasya tṛṣārtasya pālībhedaṃ karoti yaḥ // (71.2) Par.?

kanyābhidūṣakaścaiva dānaṃ dattvā tu tāpakaḥ / (72.1) Par.?

śūdrastu kapilāpānī brāhmaṇo māṃsabhojanī // (72.2) Par.?

ete vasanti satataṃ mā vicāraṃ kṛthā nṛpa / (73.1) Par.?

sānukūlā bhavedyena tac chṛṇuṣva narādhipa // (73.2) Par.?

ayane viṣuve caiva vyatīpāte dinakṣaye / (74.1) Par.?

anyeṣu puṇyakāleṣu dīyate dānamuttamam // (74.2) Par.?

kṛṣṇāṃ vā pāṭalāṃ vāpi kuryādvaitaraṇīṃ śubhām / (75.1) Par.?

svarṇaśṛṅgīṃ rūpyakhurāṃ kāṃsyapātrasya dohinīm // (75.2) Par.?

kṛṣṇavastrayugācchannāṃ saptadhānyasamanvitām / (76.1) Par.?

kuryātsadroṇaśikhara āsīnāṃ tāmrabhājane // (76.2) Par.?

yamaṃ haimaṃ prakurvīta lohadaṇḍasamanvitam / (77.1) Par.?

ikṣudaṇḍamayaṃ baddhvā hyuḍupaṃ paṭṭabandhanaiḥ // (77.2) Par.?

uḍupopari tāṃ dhenuṃ sūryadehasamudbhavām / (78.1) Par.?

kṛtvā prakalpayed vidvāñ chattropānadyugānvitām // (78.2) Par.?

aṅgulīyakavāsāṃsi brāhmaṇāya nivedayet / (79.1) Par.?

imamuccārayenmantraṃ saṃgṛhyāsyāśca pucchakam // (79.2) Par.?

oṃ yamadvāre mahāghore yā sā vaitaraṇī nadī / (80.1) Par.?

tartukāmo dadāmyenāṃ tubhyaṃ vaitaraṇi namaḥ / (80.2) Par.?

ityadhivāsanamantraḥ // (80.3) Par.?

gāvo me cāgrataḥ santu gāvo me santu pṛṣṭhataḥ / (81.1) Par.?

gāvo me hṛdaye santu gavāṃ madhye vasāmyaham // (81.2) Par.?

oṃ viṣṇurūpa dvijaśreṣṭha bhūdeva paṅktipāvana / (82.1) Par.?

sadakṣiṇā mayā dattā tubhyaṃ vaitaraṇi namaḥ / (82.2) Par.?

iti dānamantraḥ // (82.3) Par.?

brāhmaṇaṃ dharmarājaṃ ca dhenuṃ vaitaraṇīṃ śivām / (83.1) Par.?

sarvaṃ pradakṣiṇīkṛtya brāhmaṇāya nivedayet // (83.2) Par.?

pucchaṃ saṃgṛhya surabheragre kṛtvā dvijaṃ tataḥ // (84.1) Par.?

dhenuke tvaṃ pratīkṣasva yamadvāre mahābhaye / (85.1) Par.?

uttitīrṣurahaṃ dheno vaitaraṇyai namo 'stu te / (85.2) Par.?

ityanuvrajamantraḥ // (85.3) Par.?

anuvrajeta gacchantaṃ sarvaṃ tasya gṛhaṃ nayet / (86.1) Par.?

evaṃ kṛte mahīpāla saritsyātsukhavāhinī // (86.2) Par.?

tārayate tayā dhenvā sā sarijjalavāhinī / (87.1) Par.?

sarvānkāmānavāpnoti ye divyā ye ca mānuṣāḥ // (87.2) Par.?

rogī rogādvimuktaḥ syācchāmyanti paramāpadaḥ / (88.1) Par.?

svasthe sahasraguṇitamāture śatasaṃmitam // (88.2) Par.?

mṛtasyaiva tu yaddānaṃ parokṣe tatsamaṃ smṛtam / (89.1) Par.?

svahastena tato deyaṃ mṛte kaḥ kasya dāsyati / (89.2) Par.?

iti matvā mahārāja svadattaṃ syānmahāphalam // (89.3) Par.?

ityevamuktaṃ tava dharmasūno dānaṃ mayā vaitaraṇīsamuttham / (90.1) Par.?

śṛṇoti bhaktyā paṭhatīha samyaksa yāti viṣṇoḥ padamaprameyam // (90.2) Par.?

śrīmārkaṇḍeya uvāca / (91.1) Par.?

prāpte cāśvayuje māsi tasminkṛṣṇā caturdaśī / (91.2) Par.?

snātvā kṛtvā tataḥ śrāddhaṃ sampūjya ca maheśvaram // (91.3) Par.?

pitṛbhyo dīyate dānaṃ bhaktiśraddhāsamanvitaiḥ / (92.1) Par.?

paścājjāgaraṇaṃ kuryāt satkathāśravaṇādibhiḥ // (92.2) Par.?

tataḥ prabhātasamaye snātvā vai narmadājale / (93.1) Par.?

tarpaṇaṃ vidhivatkṛtvā pitṝṇāṃ devapūrvakam // (93.2) Par.?

sauvarṇe ghṛtasaṃyuktaṃ dīpaṃ dadyād dvijātaye / (94.1) Par.?

paścāt saṃbhojayed viprān svayaṃ caiva vimatsaraḥ // (94.2) Par.?

evaṃ kṛte naraśreṣṭha na janturnarakaṃ vrajet / (95.1) Par.?

avaśyameva manujairdraṣṭavyā nārakī sthitiḥ // (95.2) Par.?

anena vidhinā kṛtvā na paśyennarakānnaraḥ / (96.1) Par.?

tatra tīrthe mṛtānāṃ tu narāṇāṃ vidhinā nṛpa // (96.2) Par.?

manvantaraṃ śive loke vāso bhavati durlabhe / (97.1) Par.?

vimānenārkavarṇena kiṃkiṇīśataśobhinā // (97.2) Par.?

sa gacchati mahābhāga sevyamāno 'psarogaṇaiḥ / (98.1) Par.?

bhunakti vividhānbhogānuktakālaṃ na saṃśayaḥ // (98.2) Par.?

pūrṇe caiva tataḥ kāla iha mānuṣyatāṃ gataḥ / (99.1) Par.?

sarvavyādhivinirmukto jīvecca śaradāṃ śatam // (99.2) Par.?

prāpya cāśvayuje māsi kṛṣṇapakṣe caturdaśīm / (100.1) Par.?

ahorātroṣito bhūtvā pūjayitvā maheśvaram / (100.2) Par.?

mahāpātakayukto 'pi mucyate nātra saṃśayaḥ // (100.3) Par.?

aṣṭāviṃśatikoṭyo vai narakāṇāṃ yudhiṣṭhira / (101.1) Par.?

vimuktā narakairduḥkhaiḥ śivalokaṃ vrajanti te // (101.2) Par.?

tatra bhuktvā mahābhogāndivyaiśvaryasamanvitān / (102.1) Par.?

labhante mānuṣaṃ janma durlabhaṃ bhuvi mānavāḥ // (102.2) Par.?

iti śrīskande mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe 'narakeśvaratīrthamāhātmyavarṇanaṃ nāmaikonaṣaṣṭyuttaraśatatamo 'dhyāyaḥ // (103.1) Par.?

Duration=0.38430595397949 secs.