UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4756
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
tataḥ paraṃ mahārāja catvāriṃśatkramāntare / (1.2)
Par.?
śālagrāmaṃ tato gacchet sarvadaivatapūjitam // (1.3)
Par.?
yatrādidevo bhagavānvāsudevastrivikramaḥ / (2.1)
Par.?
svayaṃ tiṣṭhati lokātmā sarveṣāṃ hitakāmyayā // (2.2)
Par.?
nāradena tapastaptvā kṛtā śālā dvijanmanām / (3.1)
Par.?
siddhikṣetraṃ bhṛgukṣetraṃ jñātvā revātaṭe svayam // (3.2) Par.?
śālagrāmābhidho devo viprāṇāṃ tvadhivāsitaḥ / (4.1)
Par.?
sādhūnāṃ copakārāya vāsudevaḥ pratiṣṭhitaḥ // (4.2)
Par.?
yogināmupakārāya yogidhyeyo janārdanaḥ / (5.1)
Par.?
śālagrāmeti tenaiva narmadātaṭamāśritaḥ // (5.2)
Par.?
māsi mārgaśire śuklā bhavatyekādaśī yadā / (6.1)
Par.?
snātvā revājale puṇye taddinaṃ
samupoṣayet // (6.2)
Par.?
rātrau jāgaraṇaṃ kuryāt sampūjya ca janārdanam / (7.1)
Par.?
punaḥ prabhātasamaye dvādaśyāṃ narmadājale // (7.2)
Par.?
snātvā saṃtarpya devāṃśca pitṝnmātṝs tathaiva ca / (8.1)
Par.?
śrāddhaṃ kṛtvā tataḥ paścāt pitṛbhyo vidhipūrvakam // (8.2)
Par.?
śaktito brāhmaṇānpūjya svarṇavastrānnadānataḥ / (9.1)
Par.?
kṣamāpayitvā tānviprāṃstathā devaṃ khagadhvajam // (9.2)
Par.?
evaṃ kṛte mahārāja yatpuṇyaṃ ca bhavennṝṇām / (10.1)
Par.?
śṛṇuṣvāvahito bhūtvā tatpuṇyaṃ nṛpasattama // (10.2)
Par.?
na śokaduḥkhe pratipatsyatīha jīvanmṛto yāti murārisāmyam / (11.1)
Par.?
mahānti pāpāni visṛjya dugdhaṃ punarna mātuḥ pibate stanodyat // (11.2)
Par.?
śālagrāmaṃ paśyate yo hi nityaṃ snātvā jale nārmade 'ghaughahāre / (12.1)
Par.?
sa mucyate brahmahatyādipāpairnārāyaṇānusmaraṇena tena // (12.2)
Par.?
vasanti ye saṃnyasitvā ca tatra nigṛhya duḥkhāni vimuktasaṅghāḥ / (13.1)
Par.?
dhyāyanto vai sāṃkhyavṛttyā turīyaṃ padaṃ murāreste 'pi tatraiva yānti // (13.2)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śālagrāmatīrthamahātmyavarṇanaṃ nāmāṣṭāśītyuttaraśatatamo 'dhyāyaḥ // (14.1)
Par.?
Duration=0.052654981613159 secs.