Texts

Select a text:
Bibliography

Select a chapter:
(no revisions)

Associated topic(s): Yogācāra

Show parallels Show headlines
Use dependency labeler

Chapter id: 3813

Click on a sentence to show its analysis
Keep the mouse pointer over a lemma to show its meanings.

yadi yāvad avicchinnaṃ nānekaṃ cakṣuṣo viṣayastadekaṃ dravyaṃ kalpyate pṛthivyāṃ krameṇetirna syādgamanamityarthaḥ // (1) Par.?

sakṛtpādakṣepeṇa sarvasya gatatvāt // (2) Par.?

arvāgbhāgasya ca grahaṇaṃ parabhāgasya cāgrahaṇaṃ yugapan na syāt // (3) Par.?

na hi tasyaiva tadidānīṃ grahaṇaṃ cāgrahaṇaṃ ca yuktam // (4) Par.?

vicchinnasya cānekasya hastyaśvādikasyānekatra vṛttirna syādyatraiva hyekaṃ tatraivāparamiti kathaṃ tayorviccheda iṣyate // (5) Par.?

kathaṃ vā tadekaṃ yatprāptaṃ ca tābhyāṃ na ca prāptamantarāle tacchūnyagrahaṇāt // (6) Par.?

sūkṣmāṇāṃ caudakajantūnāṃ sthūlaiḥ samānarūpāṇāmanīkṣaṇaṃ na syāt // (7) Par.?

yadi lakṣaṇabhedādeva dravyāntaratvaṃ kalpyate nānyathā // (8) Par.?

tasmādavaśyaṃ paramāṇuśo bhedaḥ kalpayitavyaḥ // (9) Par.?

sa caiko na sidhyati // (10) Par.?

tasyāsiddhau rūpādīnāṃ cakṣurādiviṣayatvam asiddhamiti siddhaṃ vijñaptimātraṃ bhavatīti // (11) Par.?

pramāṇavaśādastitvaṃ nāstitvaṃ vā nirdhāryate sarveṣāṃ ca pramāṇānāṃ pratyakṣaṃ pramāṇaṃ gariṣṭham ityasatyarthe kathamiyaṃ buddhirbhavati pratyakṣamiti // (12) Par.?

Duration=0.019795894622803 secs.