Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4796
  • Click on a sentence to show its analysis
  • Keep the mouse pointer over a lemma to show its meanings.
yudhiṣṭhira uvāca / (1.1) Par.?
parārthaṃ tīrthayātrāyāṃ gacchataḥ kasya kiṃ phalam / (1.2) Par.?
kiyanmātraṃ muniśreṣṭha tanme brūhi kṛpānidhe // (1.3) Par.?
mārkaṇḍeya uvāca / (2.1) Par.?
parārthaṃ gacchatastanme vadataḥ śṛṇu pārthiva / (2.2) Par.?
yathā yāvatphalaṃ tasya yātrādivihitaṃ bhavet // (2.3) Par.?
uttameneha varṇena dravyalobhādinā nṛpa / (3.1) Par.?
nādhamasya kvacit kāryaṃ tīrthayātrādisevanam // (3.2) Par.?
dharmakarma mahārāja svayaṃ vidvānsamācaret / (4.1) Par.?
śarīrasyāthavā śaktyā anyadvā kāryayogataḥ // (4.2) Par.?
dharmakarma sadā prāyaḥ savarṇenaiva kārayet / (5.1) Par.?
putrapautrādikairvāpi jñātibhir gotrasambhavaiḥ // (5.2) Par.?
śreṣṭhaṃ hi vihitaṃ prāhurdharmakarma yudhiṣṭhira / (6.1) Par.?
taireva kārayettasmānnottamairnādhamairapi // (6.2) Par.?
adhamena kṛtaṃ samyaṅ na bhavediti me matiḥ / (7.1) Par.?
uttamaścādhamārthe vai kurvandurgatimāpnuyāt // (7.2) Par.?
na śūdrāya matiṃ dadyānnocchiṣṭaṃ na haviṣkṛtam / (8.1) Par.?
na cāsyopadiśeddharmaṃ na cāsya vratamādiśet // (8.2) Par.?
japastapastīrthayātrā pravrajyā mantrasādhanam / (9.1) Par.?
devatārādhanaṃ dīkṣā strīśūdrapatanāni ṣaṭ // (9.2) Par.?
pativatnī patatyeva vidhavā sarvamācaret / (10.1) Par.?
sabhartṛkāśake patyau sarvaṃ kuryād anujñayā // (10.2) Par.?
gatvā parārthaṃ tīrthādau ṣoḍaśāṃśaphalaṃ labhet / (11.1) Par.?
gacchataśca prasaṅgena tīrthamarddhaphalaṃ smṛtam // (11.2) Par.?
anusaṅgena tīrthasya snāne snānaphalaṃ viduḥ / (12.1) Par.?
naiva yātrāphalaṃ tajjñāḥ śāstroktaṃ kalmaṣāpaham // (12.2) Par.?
pitrarthaṃ ca pitṛvyasya māturmātāmahasya ca / (13.1) Par.?
mātulasya tathā bhrātuḥ śvaśurasya sutasya ca // (13.2) Par.?
poṣakārthādayoścāpi mātāmahyā gurostathā / (14.1) Par.?
svasurmātṛṣvasuḥ paitryā ācāryādhyāpakasya ca // (14.2) Par.?
ityādyarthe naraḥ snātvā svayamaṣṭāṃśamāpnuyāt / (15.1) Par.?
sākṣātpitroḥ prakurvāṇaścaturthāṃśamavāpnuyāt // (15.2) Par.?
patipatnyormithaścārddhaṃ phalaṃ prāhurmanīṣiṇaḥ / (16.1) Par.?
bhāgineyasya śiṣyasya bhrātṛvyasya sutasya ca / (16.2) Par.?
ṣaṭtripañcacaturbhāgānphalamāpnoti vai naraḥ // (16.3) Par.?
iti te kathitaṃ pārtha pāramparyakramāgatam / (17.1) Par.?
kartavyaṃ jñātivargasya parārthe dharmasādhanam // (17.2) Par.?
varṣāṛtusamāyoge sarvā nadyo rajasvalāḥ / (18.1) Par.?
muktvā sarasvatīṃ gaṅgāṃ narmadāṃ yamunānadīm // (18.2) Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe parārthatīrthayātrāphalakathanaṃ nāmāṣṭaviṃśatyadhikadviśatatamo 'dhyāyaḥ // (19.1) Par.?
Duration=0.071213006973267 secs.