Texts

Select a text:
Bibliography

Select a chapter:
(no revisions)

Associated topic(s): agnyādhāna, agnyādheya

Show parallels Show headlines
Use dependency labeler

Chapter id: 13764

Click on a sentence to show its analysis
Keep the mouse pointer over a lemma to show its meanings.

atra samidādhānam // (1) Par.?

pāṇināgniṃ parisamūhati agne suśravaḥ suśravasaṃ mā kuru yathā tvam agne suśravaḥ suśravā asyevaṃ māṃ suśravaḥ sauśravasaṃ kuru yathā tvamagne devānāṃ yajñasya nidhipā asyevamahaṃ manuṣyāṇāṃ vedasya nidhipo bhūyāsamiti // (2) Par.?

pradakṣiṇam agniṃ paryukṣyottiṣṭhant samidham ādadhāti agnaye samidham ahārṣaṃ bṛhate jātavedase / (3.1) Par.?

yathā tvamagne samidhā samidhyasa evam ahamāyuṣā medhayā varcasā prajayā paśubhirbrahmavarcasena samindhe jīvaputro mamācāryo medhāvyaham asāny anirākāriṣṇur yaśasvī tejasvī brahmavarcasyannādo bhūyāsaṃ svāheti // (3.2) Par.?

evaṃ dvitīyāṃ tathā tṛtīyām // (4) Par.?

eṣā ta iti vā samuccayo vā // (5) Par.?

pūrvavat parisamūhanaparyukṣaṇe // (6) Par.?

pāṇī pratapya mukhaṃ vimṛṣṭe tanūpā agne 'si tanvaṃ me pāhy āyurdā agne 'syāyur me dehi varcodā agne'si varco me dehi / (7.1) Par.?

agne yanme tanvā ūnaṃ tanma āpṛṇa // (7.2) Par.?

medhāṃ me devaḥ savitā ādadhātu medhāṃ me devī sarasvatī ādadhātu medhām aśvinau devāvādhattāṃ puṣkarasrajāviti // (8) Par.?

Duration=0.16828298568726 secs.