Texts

Help

Select a text:
Bibliography
Select a chapter:
 (no revisions)
Associated topic(s): godāna

Show parallels  Show headlines
Use dependency labeler
Chapter id: 7366
  • Click on a sentence to show its analysis
  • Keep the mouse pointer over a lemma to show its meanings.
adhītya vedaṃ snānam // (1) Par.?
tadvyākhyāsyāmaḥ // (2) Par.?
udagayana āpūryamāṇapakṣe rohiṇyāṃ mṛgaśirasi tiṣya uttarayoḥ phalgunyorhaste citrāyāṃ viśākhayorvaiteṣu snāyāt // (3) Par.?
yatrāpastadgatvāgnimupasamādhāya vyāhṛtiparyantaṃ kṛtvā pālāśīṃ samidhamādadhātīmaṃ stomamarhate jātavedase ratham iva saṃmahemā manīṣayā bhadrā hi naḥ pramatirasya saṃsady agne sakhye mā riṣāmā vayaṃ tava svāheti // (4) Par.?
atha vyāhṛtibhirjuhoti yathā purastāt // (5) Par.?
tryāyuṣaṃ jamadagneḥ kaśyapasya tryāyuṣaṃ yaddevānāṃ tryāyuṣaṃ tanme astu tryāyuṣaṃ svāhā // (6) Par.?
imaṃ me varuṇa tattvā yāmi tvaṃ no agne sa tvaṃ no agne tvamagne ayāsi prajāpate yadasya karmaṇo 'tyarīricam iti cātraike jayābhyātānān rāṣṭrabhṛta ityupajuhvati yathā purastāt // (7) Par.?
brāhmaṇānannena pariviṣya puṇyāhaṃ svastyayanam ṛddhim iti vācayitvā vrataṃ visṛjate 'gne vratapate vratam acāriṣam ityetaiḥ // (8) Par.?
vrataṃ visṛjya ud u tyaṃ citram iti dvābhyām ādityam upatiṣṭhate // (9) Par.?
ud uttamaṃ varuṇa pāśam asmad ity uttarīyaṃ brahmacārivāso nidhāyānyat paridhāyāvādhamam ityantarīyaṃ vi madhyamam iti mekhalām athā vayam āditya vrata iti daṇḍaṃ mekhalāṃ daṇḍaṃ kṛṣṇājinaṃ cāpsu praveśyāpareṇāgniṃ prāṅmukha upaviśya kṣuraṃ saṃmṛśati kṣuro nāmāsi svadhitiste pitā namaste astu mā mā hiṃsīr iti // (10) Par.?
vaptre pradāyondanīyā apo 'bhimṛśati śivā no bhavatha saṃspṛśa iti // (11) Par.?
āpa undantu jīvase dīrghāyutvāya varcasa iti dakṣiṇaṃ godānamunatti // (12) Par.?
oṣadhe trāyasvainam ity ūrdhvāgrām oṣadhim antardadhāti // (13) Par.?
svadhite mainaṃ hiṃsīr iti kṣureṇābhinidadhāti // (14) Par.?
devaśrūr etāni pravapa iti pravapati // (15) Par.?
yatkṣureṇa marcayatā supeśasā vaptarvapasi keśaśmaśru varcayā mukhaṃ mā na āyuḥ pramoṣīr iti vaptāraṃ samīkṣate // (16) Par.?
śmaśrūṇyagre vāpayate 'thopapakṣāvatha keśān atha lomānyatha nakhāni // (17) Par.?
ānaḍuhe śakṛtpiṇḍe saṃyamya keśaśmaśrulomanakhānīdam aham amuṣyāmuṣyāyaṇasya pāpmānamavagūhāmīti goṣṭha udumbare darbhastambe vā nikhanati yo 'sya rātirbhavati // (18) Par.?
snāyanīyenotsādyaudumbareṇa dantān prakṣālayate // (19) Par.?
Duration=0.10545611381531 secs.