Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): cūḍākaraṇa, keśānta
Show parallels Show headlines
Use dependency labeler
Chapter id: 13749
- Click on a sentence to show its analysis
- Keep the mouse pointer over a lemma to show its meanings.
śrīḥ / (1.1) Par.?
sāṃvatsarikasya cūḍākaraṇam // (1.2) Par.?
tṛtīye vāpratihate // (2) Par.?
ṣoḍaśavarṣasya keśāntaḥ // (3) Par.?
yathāmaṅgalaṃ vā sarveṣām // (4) Par.?
brāhmaṇānbhojayitvā mātā kumāram ādāyāplāvyāhate vāsasī paridhāpyāṅka ādhāya paścādagnerupaviśati // (5) Par.?
anvārabdha ājyāhutīr hutvā prāśanānte śītāsv apsūṣṇā āsiñcatyuṣṇena vāya udakenehy adite keśānvapeti // (6) Par.?
keśaśmaśrviti ca keśānte // (7) Par.?
athātra navanītapiṇḍaṃ ghṛtapiṇḍaṃ dadhno vā prāsyati // (8) Par.?
tata ādāya dakṣiṇaṃ godānamundati / (9.1) Par.?
savitrā prasūtā daivyā āpa undantu te tanūṃ dīrghāyutvāya varcasa iti // (9.2) Par.?
tryeṇyā śalalyā vinīya trīṇi kuśataruṇānyantardadhātyoṣadha iti // (10) Par.?
śivo nāmeti lohakṣuramādāya nivartayāmīti pravapati yenāvapatsavitā kṣureṇa somasya rājño varuṇasya vidvān / (11.1) Par.?
tena brahmāṇo vapatedam asyāyuṣyaṃ jaradaṣṭir yathāsaditi // (11.2) Par.?
sakeśāni pracchidyānaḍuhe gomayapiṇḍe prāsyatyuttarato dhriyamāṇe // (12) Par.?
evaṃ dviraparaṃ tūṣṇīm // (13) Par.?
itarayoścondanādi // (14) Par.?
atha paścāt tryāyuṣamiti // (15) Par.?
athottarato yena bhūriścarā divaṃ jyokca paścāddhi sūryam / (16.1) Par.?
tena te vapāmi brahmaṇā jīvātave jīvanāya suślokyāya svastaya iti // (16.2) Par.?
triḥ kṣureṇa śiraḥ pradakṣiṇaṃ pariharati samukhaṃ keśānte // (17) Par.?
yatkṣureṇa majjayatā supeśasā vaptvā vāvapati keśāñ chinddhi śiro māsyāyuḥ pramoṣīḥ // (18) Par.?
mukhamiti ca keśānte // (19) Par.?
tābhir adbhiḥ śiraḥ samudya nāpitāya kṣuraṃ prayacchati / (20.1) Par.?
akṣuṇvan parivapeti // (20.2) Par.?
yathāmaṅgalaṃ keśaśeṣakaraṇam // (21) Par.?
anuguptametaṃ sakeśaṃ gomayapiṇḍaṃ nidhāya goṣṭhe palvala udakānte vācāryāya varaṃ dadāti // (22) Par.?
gāṃ keśānte // (23) Par.?
saṃvatsaraṃ brahmacaryam avapanaṃ ca keśānte dvādaśarātraṃ ṣaḍrātraṃ trirātram antataḥ // (24) Par.?
Duration=0.15933084487915 secs.