Texts

Help

Select a text:
Bibliography
Select a chapter:
 (no revisions)
Associated topic(s): ekāṣṭakā

Show parallels  Show headlines
Use dependency labeler
Chapter id: 13564
  • Click on a sentence to show its analysis
  • Keep the mouse pointer over a lemma to show its meanings.
aṣṭakāṃ vyākhyāsyāmaḥ // (1.1) Par.?
māghyāḥ paurṇamāsyā yo 'parapakṣas tasyāṣṭamīm ekāṣṭaketyācakṣate // (2.1) Par.?
tataḥ pūrvedyur anūrādheṣvaparāhṇe 'gnimupasamādhāya dakṣiṇāprāgagrair darbhaiḥ paristīryaikapavitrāntarhitāni catvāri vrīhiśarāvāṇi nirvapatīmamapūpaṃ catuḥśarāvaṃ nirvapāmi kleśāvahaṃ pitṝṇāṃ sāṃparāye devena savitrā prasūtaḥ / (3.1) Par.?
devasya tvā savituḥ prasave 'śvinorbāhubhyāṃ pūṣṇo hastābhyāṃ pitṛbhyaḥ pitāmahebhyaḥ prapitāmahebhyo vo juṣṭaṃ nirvapāmīti // (3.2) Par.?
etenaiva pavitreṇa tūṣṇīṃ prokṣaṇīḥ saṃskṛtya tūṣṇīṃ prokṣya tūṣṇīm avahatya yathāpuroḍāśamevaṃ caturṣu kapāleṣu tūṣṇīṃ śrapayitvābhighāryodvāsya prasavyaṃ pariṣicyaudumbaram idhmam abhyādhāyaudumbaryā darvyopastīrṇābhighāritaṃ dakṣiṇāprācīsaṃtataṃ paraṃ param avadāya dakṣiṇāprācīsaṃtataṃ paraṃ paraṃ juhoti / (4.1) Par.?
ulūkhalā grāvāṇo ghoṣamakrata haviḥ kṛṇvantaḥ parivatsarīṇām / (4.2) Par.?
ekāṣṭake suprajā vīravanto vayaṃ syāma patayo rayīṇāṃ svadhā namaḥ / (4.3) Par.?
apūpaṃ deva ghṛtavantamagne svadhāvantaṃ pitṝṇāṃ tarpaṇāya / (4.4) Par.?
yathātathaṃ vaha havyamagne putraḥ pitṛbhya āhutiṃ juhomi / (4.5) Par.?
svadhā namaḥ / (4.6) Par.?
ayaṃ catuḥśarāvo ghṛtavānapūpaḥ payasvānagne rayimānpuṣṭimāṃśca / (4.7) Par.?
pratinandantu pitaraḥ saṃvidānāḥ sviṣṭo 'yaṃ suhuto mamāstu / (4.8) Par.?
svadhā namaḥ / (4.9) Par.?
iti // (4.10) Par.?
athānnasya juhotīyameva sā yā prathamā vyaucchat / (5.1) Par.?
ekāṣṭakā tapasā tapyamānā / (5.2) Par.?
yā prathamā vyaucchad iti // (5.3) Par.?
apūpasyānnasyeti samavadāya sarpirmiśrasya juhoti / (6.1) Par.?
agnaye kavyavāhanāya sviṣṭakṛte svadhā namaḥ / (6.2) Par.?
iti // (6.3) Par.?
taṃ ghṛtavantaṃ madhumantamannavantaṃ śrāddhābhimarśanenābhimṛśya piṇḍānāmāvṛtā piṇḍāndadāti // (7.1) Par.?
tena brāhmaṇānvidyāvataḥ pariveveṣṭi // (8.1) Par.?
tebhyo yathāśraddhamannaṃ dhanaṃ ca dadāti // (9.1) Par.?
prasiddham odakāñjalidānād yathā māsike // (10.1) Par.?
Duration=0.091220140457153 secs.