Texts

Help

Select a text:
Bibliography
Select a chapter:
 (no revisions)
Associated topic(s): snāna, bathing

Show parallels  Show headlines
Use dependency labeler
Chapter id: 7527
  • Click on a sentence to show its analysis
  • Keep the mouse pointer over a lemma to show its meanings.
āplavane purastād ācāryakulasya parivṛta āste // (1.0) Par.?
udaṅmukha ācāryaḥ prāgagreṣu // (2.0) Par.?
evaṃ brahmavarcasakāmaḥ // (3.0) Par.?
goṣṭhe paśukāmaḥ // (4.0) Par.?
sabhāyāṃ yaśaskāmaḥ // (5.0) Par.?
sarvauṣadhenāpaḥ phāṇayet // (6.0) Par.?
surabhibhiś ca // (7.0) Par.?
tābhiḥ śītoṣṇābhir ācāryo 'bhiṣiñcet // (8.0) Par.?
svayaṃ vā mantrābhivādāt // (9.0) Par.?
ubhāv ity eke tenemam ity ācāryo brūyāt // (10.0) Par.?
ye apsv ity apām añjalim avasiñcet // (11.0) Par.?
yad apām iti ca // (12.0) Par.?
tūṣṇīṃ ca // (13.0) Par.?
yo rocana iti gṛhyātmānam abhiṣiñcet // (14.0) Par.?
yena striyam iti ca // (15.0) Par.?
tūṣṇīṃ ca // (16.0) Par.?
udyann ity ādityam upatiṣṭhet // (17.0) Par.?
samasyed vā // (18.0) Par.?
viharann anusaṃharec cakṣur asīti // (19.0) Par.?
ud uttamam iti mekhalām avamuñcet // (20.0) Par.?
prāśya vāpayec chikhāvarjaṃ keśaśmaśrulomanakhāni // (21.0) Par.?
alaṃkṛto 'hatavāsasā śrīr iti srajaṃ pratimuñcet // (22.0) Par.?
netryau stha ity upānahau // (23.0) Par.?
vaiṇavaṃ daṇḍam ādadhyāt gandharvo 'sīti // (24.0) Par.?
upetyācāryaṃ pariṣadaṃ prekṣed yakṣam iveti // (25.0) Par.?
upaviśyauṣṭhāpidhāneti mukhyān prāṇān abhimṛśet // (26.0) Par.?
goyuktaṃ ratham ālabhet vanaspata iti // (27.0) Par.?
āsthātā ta ity ārohet // (28.0) Par.?
prācīṃ prayāyodīcīṃ vā pradakṣiṇam āvartayet // (29.0) Par.?
pratyāgatāyārghyam ity eke // (30.0) Par.?
vṛddhaśīlī syād ata ūrdhvam // (31.0) Par.?
nājātalomyopahāsam icchet // (32.0) Par.?
nāyugvā // (33.0) Par.?
na rajasvalayā // (34.0) Par.?
na samānarṣyā // (35.0) Par.?
aparayā dvārā prapannadviḥpakvaparyuṣitāni nāśnīyāt // (36.0) Par.?
anyatra śākamāṃsayavapiṣṭavikārebhyaḥ // (37.0) Par.?
pāyasāc ca // (38.0) Par.?
phalapracayanodapānāvekṣaṇavarṣatidhāvanopānatsvayaṃharaṇāni na kuryāt // (39.0) Par.?
nāgandhāṃ srajaṃ dhārayen na ceddhiraṇyasrak // (40.0) Par.?
bhadram iti na vṛthā vyāharet // (41.0) Par.?
puṣṭikāmo gāḥ prakālayetemā ma iti // (42.0) Par.?
pratyāgatā imā madhumatīr iti // (43.0) Par.?
puṣṭikāma eva prathamajātasya vatsasya prāṅ mātuḥ pralehanāl lalāṭam ullihya nigiret gavām iti // (44.0) Par.?
samprajātāsu goṣṭhe niśāyāṃ vilayanaṃ juhuyāt saṃgraheṇeti // (45.0) Par.?
athāparaṃ vatsamithunayoḥ karṇe lakṣaṇaṃ kuryāt bhuvanam iti // (46.0) Par.?
puṃso 'gre // (47.0) Par.?
lohitenety anumantrayeta // (48.0) Par.?
tantīṃ prasāritām iyaṃ tantīti // (49.0) Par.?
Duration=0.089318990707397 secs.