Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): upanayana, initiation
Show parallels Show headlines
Use dependency labeler
Chapter id: 7358
- Click on a sentence to show its analysis
- Keep the mouse pointer over a lemma to show its meanings.
upanayanaṃ vyākhyāsyāmaḥ // (1) Par.?
saptavarṣaṃ brāhmaṇamupanayīta // (2) Par.?
ekādaśavarṣaṃ rājanyaṃ dvādaśavarṣaṃ vaiśyam // (3) Par.?
vasante brāhmaṇaṃ grīṣme rājanyaṃ śaradi vaiśyam // (4) Par.?
āpūryamāṇapakṣe puṇye nakṣatre viśeṣeṇa puṃnāmadheye // (5) Par.?
yugmānbrāhmaṇānannena pariviṣya puṇyāhaṃ svastyayanamṛddhimiti vācayitvā // (6) Par.?
āśitasya kumārasya keśānvāpayitvā snātamalaṃkṛtam // (7) Par.?
ahataṃ vāsaḥ paridhāya // (8) Par.?
prācīnapravaṇa udīcīnapravaṇe prāgudakpravaṇe same vā deśa uddhatyāvokṣya // (9) Par.?
agniṃ mathitvā laukikaṃ vāhṛtya nyupyopasamādadhāti // (10) Par.?
prāgagrairdarbhairagniṃ paristṛṇāti // (11) Par.?
api vodagagrāḥ paścātpurastācca bhavanti // (12) Par.?
dakṣiṇānuttarānkarotyuttarānadharān yadi prāgudagagrāḥ // (13) Par.?
dakṣiṇenāgniṃ brahmāyatane darbhānsaṃstīrya // (14) Par.?
mayi gṛhṇāmi yo no agnir iti dvābhyām ātmannagniṃ gṛhītvā // (15) Par.?
uttareṇāgniṃ darbhān saṃstīrya yathārthaṃ dravyāṇi prayunakti // (16) Par.?
aśmānam ahataṃ vāso 'jinaṃ mauñjīṃ mekhalāṃ trivṛtāṃ brāhmaṇasya jyāṃ rājanyasyāvīsūtraṃ vaiśyasya bailvaṃ pālāśaṃ vā daṇḍaṃ brāhmaṇasya naiyyagrodhaṃ rājanyasyaudumbaraṃ vaiśyasya // (17) Par.?
ekaviṃśatidārum idhmaṃ saṃnahyatyāhutiparimāṇaṃ vā // (18) Par.?
tasmiñchamyāḥ paridhīn idhma upasaṃnahyati // (19) Par.?
darvīṃ kūrcam ājyasthālīṃ praṇītāpraṇayanaṃ yena cārthaḥ // (20) Par.?
sakṛdeva sarvāṇi yathopapadaṃ vā // (21) Par.?
etasmin kāle brahmā yajñopavītaṃ kṛtvāpa ācamyāpareṇāgniṃ dakṣiṇātikramya brahmasadanāt tṛṇaṃ nirasyāpa upaspṛśyāgnim abhimukha upaviśati // (22) Par.?
samāvapracchinnāgrau darbhau prādeśamātrau pavitre kṛtvānyena nakhāc chittvādbhir anumṛjya pavitrāntarhite pātre 'pa ānīyopabilaṃ pūrayitvodagagrābhyāṃ pavitrābhyāṃ trir utpūyottareṇāgniṃ darbheṣu sādayitvā darbhair apidadhāti // (23) Par.?
tiraḥpavitraṃ prokṣaṇīḥ saṃskṛtya yathā purastād bilavantyuttānāni kṛtvā viṣāyedhmaṃ triḥ sarvābhiḥ prokṣati // (24) Par.?
darvīṃ niṣṭapya saṃmṛjya punarniṣṭapya nidadhāti // (25) Par.?
saṃmārgānabhyukṣyāgnāvādadhāti // (26) Par.?
ājyaṃ vilāpya pavitrāntarhitāyām ājyasthālyām ājyaṃ nirūpyodīco 'ṅgārān nirūhya teṣvadhiśrityāvadyotya darbhataruṇābhyāṃ pratyasya triḥ paryagni kṛtvodagudvāsyāṅgārān pratyūhyodagagrābhyāṃ pavitrābhyāṃ punarāhāram ājyaṃ trirutpūya pavitre 'gnāvādhāya // (27) Par.?
Duration=0.060520172119141 secs.