Texts

Help

Select a text:
Bibliography
Select a chapter:
 (no revisions)
Associated topic(s): death rites, funeral rites, pretakārya, rituals for the dead, funeral rites

Show parallels  Show headlines
Use dependency labeler
Chapter id: 12602
  • Click on a sentence to show its analysis
  • Keep the mouse pointer over a lemma to show its meanings.
preṣyati yugapad agnīn prajvālayateti // (1.0) Par.?
āhavanīyaś cet pūrvaṃ prāpnuyāt svargaloka enaṃ prāpad iti vidyād rātsyaty asāvamutraivam ayam asminn iti putraḥ // (2.0) Par.?
gārhapatyaś cet pūrvaṃ prāpnuyād antarikṣaloka enaṃ prāpad iti vidyād rātsyaty asāvamutraivam ayam asminn iti putraḥ // (3.0) Par.?
dakṣiṇāgniś cet pūrvaṃ prāpnuyān manuṣyaloka enaṃ prāpad iti vidyād rātsyaty asāvamutraivam ayam asminn iti putraḥ // (4.0) Par.?
yugapatprāptau parām ṛddhiṃ vadanti // (5.0) Par.?
taṃ dahyamānam anumantrayate prehi prehi pathibhiḥ pūrvebhir iti samānam // (6.0) Par.?
sa evaṃvidā dahyamānaḥ sahaiva dhūmena svargaṃ lokam etīti ha vijñāyate // (7.0) Par.?
uttarapurastād āhavanīyasya jānumātraṃ gartaṃ khātvāvakāṃ śīpālam ity avadhāpayet tato ha vā eṣa niṣkramya sahaiva dhūmena svargaṃ lokam etīti ha vijñāyate // (8.0) Par.?
ime jīvā vi mṛtair āvavṛtrann iti savyāvṛto vrajanty anavekṣamāṇāḥ // (9.0) Par.?
yatrodakam avahad bhavati tat prāpya sakṛd unmajjyaikāñjalim utsṛjya tasya gotraṃ nāma ca gṛhītvottīryānyāni vāsāṃsi paridhāya sakṛd enānyāpīḍya udagdaśāni visṛjyāsata ā nakṣatradarśanāt // (10.0) Par.?
ādityasya vā dṛśyamāne praviśeyuḥ // (11.0) Par.?
kaniṣṭhaprathamā jyeṣṭhajaghanyāḥ // (12.0) Par.?
prāpyāgāram aśmānam agniṃ gomayam akṣatāṃstilān apa upaspṛśanti // (13.0) Par.?
naitasyāṃ rātryām annaṃ paceran // (14.0) Par.?
krītotpannena vā varteran // (15.0) Par.?
trirātram akṣārālavaṇāśinaḥ syuḥ // (16.0) Par.?
dvādaśarātraṃ vā mahāguruṣu dānādhyayane varjayeran // (17.0) Par.?
daśāhaṃ sapiṇḍeṣu // (18.0) Par.?
gurau cāsapiṇḍe // (19.0) Par.?
aprattāsu ca strīṣu // (20.0) Par.?
trirātram itareṣvācāryeṣu // (21.0) Par.?
jñātau cāsapiṇḍe // (22.0) Par.?
prattāsu ca strīṣu // (23.0) Par.?
adantajāte // (24.0) Par.?
aparijāte ca // (25.0) Par.?
ekāhaṃ sabrahmacāriṇi // (26.0) Par.?
samānagrāmīye ca śrotriye // (27.0) Par.?
Duration=0.058432102203369 secs.