Texts

Help

Select a text:
Bibliography
Select a chapter:
 (no revisions)
Associated topic(s): study, śiṣya, adhyāya

Show parallels  Show headlines
Use dependency labeler
Chapter id: 12458
  • Click on a sentence to show its analysis
  • Keep the mouse pointer over a lemma to show its meanings.
śrāvaṇyāṃ paurṇamāsyāṃ gṛhyādagnim atipraṇīya pratidiśamupalimpedadhike prakrame // (1) Par.?
sakṛdgṛhītān saktūn darvyāṃ kṛtvā pūrvopalipte ninīyāpo yaḥ prācyāmiti baliṃ nirvapet // (2) Par.?
ninayedapāṃ śeṣam // (3) Par.?
apa upaspṛśyaivaṃ pratidiśaṃ yathāliṅgam // (4) Par.?
dakṣiṇapaścime antareṇāgniṃ ca saṃcaraḥ // (5) Par.?
śūrpeṇa śiṣṭān agnāvopyātipraṇītād anatipraṇītasyārdhaṃ gatvā nyañcau pāṇī kṛtvā namaḥ pṛthivyā iti japet // (6) Par.?
tata utthāya somo rājeti darbhastambamupasthāya // (7) Par.?
akṣatānādāya prāṅvodaṅvā grāmānniṣkramya juhuyādañjalinā haye rāka iti catasṛbhiḥ // (8) Par.?
prāṅutkramya japed vasuvana edhīti tristriḥ pratidiśamavāntaradeśeṣu ca // (9) Par.?
ūrdhvaṃ prekṣan devajanebhyaḥ // (10) Par.?
tiryaṅṅitarajanebhyaḥ // (11) Par.?
avāṅprekṣan pratyetyānavekṣannakṣatān prāśnīyāt // (12) Par.?
śvobhūte 'kṣatasaktūn kṛtvā nave pātre nidhāyāstamite balīn hared āgrahāyaṇyāḥ // (13) Par.?
prauṣṭhapadīṃ hastenādhyāyānupākuryuḥ // (14) Par.?
śrāvaṇīmityeke // (15) Par.?
hutvopanayanavat // (16) Par.?
sāvitrīmanuvācayet // (17) Par.?
somaṃ rājānaṃ parvādīṃśca // (18) Par.?
dhānā dadhi ca prāśnīyurabhirūpābhyām // (19) Par.?
śvobhūte prādhīyīran śiṣyebhyaḥ // (20) Par.?
anuvākyāḥ kuryurṛgādibhiḥ prastāvaiśca // (21) Par.?
anugānaṃ rahasyānām // (22) Par.?
vidyutstanayitnuvarjam // (23) Par.?
ardhapañcamānmāsānadhītya pauṣīmutsargaḥ // (24) Par.?
tata ūrdhvamabhrānadhyāyaḥ // (25) Par.?
vidyutstanayitnupṛṣiteṣu ca // (26) Par.?
trisannipāte trisandhyam // (27) Par.?
aṣṭakāmamāvāsyāṃ cāturmāsīrudagayane ca pakṣiṇīṃ rātrīm // (28) Par.?
sabrahmacāriṇi ca prete // (29) Par.?
ulkāpāte bhūmicale jyotiṣoścopasarga eteṣvākālikaṃ vidyāt // (30) Par.?
kārṣvaṃ tu kaṭhakauthumāḥ // (31) Par.?
Duration=0.15952515602112 secs.